ꓗ-ꓣꓲ (Greece) ꓗꓴꓷꓼ ꓗꓪ ꓧꓳꓽ ꓞꓱ ꓠꓬꓲꓽ ꓟ ꓙꓵꓽ ꓡꓰ ꓢꓲ ꓞꓳ ꓤ 36 ꓣꓳ ꓫꓵꓻ ꓡꓰ ꓟ ꓓꓳꓽ

Wednesday, March 01, 2023

ꓗ-ꓣꓲ (Greece) ꓗꓴꓷꓼ ꓗꓪ ꓧꓳꓽ ꓞꓱ ꓠꓬꓲꓽ ꓟ ꓙꓵꓽ ꓡꓰ ꓢꓲ ꓞꓳ ꓤ 36 ꓣꓳ ꓫꓵꓻ ꓡꓰ ꓟ ꓓꓳꓽ

ꓗ-ꓣꓲ ꓗꓴꓷꓼ ꓗꓪ 2 ꓦ 28 ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ ꓧꓳꓽ ꓞꓱ ꓠꓬꓲꓽ ꓟ ꓙꓵꓽ ꓡꓯꓼ ꓘꓳ ꓢꓲ ꓞꓳ ꓤ 36 ꓣꓳ ꓫꓵꓻ ꓡꓰ ꓢꓲ 85 ꓣꓳ ꓟꓽ ꓞꓲ ꓠꓻ ꓓꓴ ꓡꓰꓳ ꓐꓰ ꓮꓸ ꓔꓳꓸ ꓢꓰꓼ ꓜꓴ ꓗꓪ ꓐꓰ ꓐꓯ ꓔ ꓡꓳ=

ꓧꓳꓽ ꓞꓱ ꓙꓵꓽ ꓡꓰ ꓟ ꓬꓲꓸ ꓕꓲ ꓟꓴꓽ ꓔꓯ ꓟꓽ ꓢꓷꓸ ꓔ ꓢꓲ ꓟ ꓥꓳ= ꓮ-ꓓꓰ ꓡꓳ ꓒꓱ ꓗꓪ ꓐꓰ ꓡ_ ꓟ ꓞꓳ ꓤ ꓚꓰꓹ ꓧꓳꓽ ꓞꓱ ꓐꓰ ꓶꓻ ꓚꓰꓹ ꓧꓳꓽ ꓞꓱ ꓙꓵꓽ ꓡꓰ ꓟ ꓥ ꓢꓲ꓾ ꓙꓵꓽ ꓡꓰ ꓟ ꓠꓬ ꓮ ꓘꓶꓸ ꓢꓯꓼ ꓙꓳ ꓡꓰ ꓟ ꓥꓳ ꓐꓰ ꓘꓹ ꓗꓪ ꓔꓬ ꓟ ꓞꓳ ꓘꓹ ꓙꓵꓽ ꓢꓴ ꓗꓳꓠ-ꓢ-ꓔꓲ-ꓣ-ꓖꓳ-ꓣꓯ-ꓢ-ꓔꓳꓼ ꓡꓰ ꓢꓗꓮꓲ ꓔꓦ ꓗꓪ ꓐꓯ_ ꓡꓳ= ꓙꓵꓽ ꓓꓳ ꓗꓸ ꓠꓯꓸ ꓮꓸ ꓔꓳꓸ ꓐꓬ ꓡꓰ ꓟ ꓑꓶ ꓓꓴ ꓧꓳꓽ ꓞꓱ ꓠꓬꓲꓽ ꓟ ꓡꓱꓼ ꓐꓬ ꓡꓰ ꓟ ꓥꓳ= ꓧꓳꓽ ꓞꓱ ꓗꓪ ꓐ ꓡ ꓢꓴ 250 ꓣꓳ ꓛꓲ ꓔꓯ ꓔ-ꓢ-ꓠ-ꓗ ꓡꓳ ꓒꓱ ꓗꓪ ꓚꓵꓸ ꓖꓶ ꓔ ꓟ ꓥꓳ=

3 ꓦ 1 ꓠꓬꓲ ꓠꓯꓼ ꓙꓵꓹ ꓕꓯ ꓗꓴꓷꓼ ꓘꓴꓽ ꓓꓳꓽ ꓰꓣꓔ ꓗꓪ ꓐꓯ ꓑꓶ_ ꓟ ꓦꓲꓓꓰꓳ ꓕꓲ ꓟ ꓗꓪ ꓞꓳ ꓤ ꓐꓴ ꓔꓯ ꓬꓰ ꓙ ꓢꓴ ꓜꓴ ꓐꓴ ꓡ ꓟ ꓫꓵ ꓧꓪ ꓔꓬ ꓟ ꓔꓯ ꓟꓸ ꓖꓶ_ ꓡꓳ= ꓞꓳ ꓤ ꓚꓰꓹ ꓧꓳꓽ ꓞꓱ ꓗꓪ ꓞꓳ ꓤ ꓮ ꓙꓵ 350 ꓣꓳ ꓛꓲ ꓜꓶꓽ ꓡ ꓟ ꓥ ꓡꓳ ꓐꓰ ꓗ-ꓣꓲ ꓟꓰꓓꓲꓮ ꓗꓪ ꓐꓰ ꓓꓳꓽ ꓐꓯ ꓑꓶ ꓔ ꓟ ꓥꓳ=