ꓟꓵꓽ ꓓꓵ_ ꓟ (ꓟꓵꓽ ꓙꓴꓽ ꓚꓵꓹ_ ꓟ) ꓔꓳꓹ ꓜꓳ ꓔꓬ ꓟ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓐꓱ ꓶ ꓬꓰ ꓙ ꓔꓳꓹ ꓙ ꓪꓽ ꓘꓴ ꓙ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓟ꓾

Friday, February 10, 2023

ꓟꓵꓽ ꓓꓵ_ ꓟ (ꓟꓵꓽ ꓙꓴꓽ ꓚꓵꓹ_ ꓟ) ꓔꓳꓹ ꓜꓳ ꓔꓬ ꓟ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓐꓱ ꓶ ꓬꓰ ꓙ ꓔꓳꓹ ꓙ ꓪꓽ ꓘꓴ ꓙ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓡꓳꓹ ꓬꓰ ꓟ ꓠꓽ ꓢ ꓠꓬꓲ ꓕꓯ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓗꓷꓳ= ꓕꓱ ꓡꓱ ꓔꓳꓹ ꓜꓳ ꓔꓬ ꓟ ꓬꓲꓼ ꓤ ꓠꓬꓲ ꓤ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ꓾ ꓬꓲ ꓪ ꓔꓯ ꓬꓰ ꓙ ꓔꓳꓹ ꓙ ꓓꓴ ꓬꓰ ꓡꓯ ꓐꓰ ꓐꓯ_ ꓡꓳ= ꓕꓱ ꓟ ꓠꓬ ꓟꓵꓽ ꓓꓵ ꓡꓰ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓗꓪ ꓐꓰ ꓶꓽ ꓓꓰꓽ ꓘꓶꓽ ꓥ ꓡꓳ=

ꓗꓴꓷꓼ ꓫꓵ ꓪꓴ ꓑꓶ ꓓꓴ ꓫꓸ ꓔꓬ ꓢꓴ ꓐꓴ ꓮ ꓙꓵꓽ ꓔꓯ ꓥ ꓟꓲ ꓕꓲ ꓠꓲꓹ ꓕꓲ ꓪꓼ ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱꓹ ꓔꓯ ꓟꓸ ꓖꓶ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ= ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓰ ꓬꓲ ꓪ ꓐꓰ ꓠꓶꓽ ꓞꓹ ꓢꓴ ꓮ ꓙꓵꓽ ꓫꓵꓻ ꓡꓰ ꓢꓴ ꓕꓲ ꓦꓲꓻ ꓡ ꓞꓳ ꓐꓴ ꓮ ꓙꓵꓽ ꓐꓱ ꓶ ꓠꓲꓹ ꓟ ꓘꓴꓽ ꓗꓪ ꓐꓰ ꓪꓽ ꓘꓴ ꓙ ꓔꓬ ꓡꓳ= ꓬꓲ ꓪ ꓐꓰ ꓕꓲ ꓪꓼ ꓔꓬ ꓡꓳ ꓐꓰ ꓔꓲꓺ ꓒ ꓪ ꓔꓲ twitter acc ꓗꓪ ꓐꓳ ꓔ ꓡꓳ=