ꓠꓬꓲꓸ ꓠꓬꓲ ꓟ ꓓꓳꓽ

1ꓸ ꓧꓶꓽ ꓡꓰ ꓟꓬ-ꓟ ꓔꓯ Covid-19 ꓗ ꓕꓸ ꓠꓯꓸꓹ ꓞꓲꓼ (100) ꓫꓬꓹ ꓢꓶꓽ ꓬꓰ ꓙ ꓠꓹ ꓟ ꓓꓳꓽ

5 ꓦ ꓖꓴ ꓡꓰ ꓕꓯ ꓧꓶꓽ ꓡꓰ ꓟꓬ-ꓟ ꓗꓴꓷꓼ ꓔꓯ Covid-19 ꓗ ꓕꓸ ꓠꓯꓸꓹ ꓞꓲꓼ (100) ꓫꓬꓹ ꓢꓶꓽ ꓝꓮꓲ ꓬꓰ ꓙ ꓓꓴ ꓥꓳ ꓐꓰ ꓟꓬ-ꓟ ꓗꓴꓷꓼ ꓙ ꓡꓯꓼ ꓘꓳ ꓟ ꓣꓳꓸ ꓦꓲ ꓗꓪ ꓐꓰ ꓐꓯ ꓑꓶ ꓔ ꓡꓳ=

ꓟꓬ-ꓟ ꓗꓴꓷꓼ ꓠꓸꓹ ꓫꓵꓽ ꓓ ꓡꓰ ꓠꓹ ꓟ ꓐꓱ ꓶ ꓬꓰ ꓙ ꓠꓹ ꓟ ꓑ ꓫꓬ ꓐꓴ ꓢꓯꓼ ꓟꓬ ꓐꓱ ꓶ ꓟꓬ ꓠꓬꓲ ꓙꓲ_ ꓟ ꓗ ꓕꓸ ꓖꓶ ꓠꓹ ꓟ ꓐꓱ ꓶ ꓧꓶꓽ ꓮ-ꓢꓳ-ꓬ ꓡꓰ ꓟꓬ-ꓟ ꓗꓴꓷꓼ ꓔꓯ Covid-19 ꓗ ꓕꓸ ꓠꓯꓸꓹ ꓞꓲꓼ (100) ꓫꓬꓹ ꓢꓶꓽ ꓬꓰ ꓙ ꓓꓴ ꓥꓳ ꓐꓰ ꓐꓯ ꓔ ꓢꓲ-ꓸ 5 ꓦ ꓖꓴ ꓡꓰ ꓕꓯ ꓖꓶ ꓓꓴ ꓥꓳ ꓐꓰ ꓐꓯ ꓔ ꓡꓳ=

2ꓸ ꓔꓲꓸꓸ ꓒ ꓪ ꓔꓲ ꓡꓰ ꓓꓳꓽ ꓫꓵꓽ ꓣꓴ ꓢꓴ ꓐꓴ ꓔꓯ ꓫꓱꓸ ꓖꓶ ꓓꓳꓹ ꓟꓳ ꓘꓶꓽ ꓐꓯ_ ꓟ ꓓꓳꓽ

ꓓꓳꓽ ꓫꓵꓽ ꓣꓴ ꓢꓴ ꓬꓲ ꓪ ꓟꓬꓱꓽ ꓬꓰ_ ꓟ ꓙꓵꓹ ꓗꓪ ꓫꓵꓸꓹ ꓡꓰ ꓢꓴ ꓬꓲ ꓪ ꓔꓯ ꓣꓴ ꓟꓶꓸꓸ ꓡꓰ ꓢꓴ ꓐꓴ ꓐꓱ ꓶ ꓫꓱꓸ ꓖꓶ ꓓꓳꓹ ꓟꓴ ꓘꓶꓽ ꓔꓲꓸꓸ ꓒ ꓪ ꓔꓲ ꓡꓰ ꓠꓽ ꓫꓵꓽ ꓠꓬꓲ ꓕꓯ ꓐꓯ ꓔ ꓟ ꓥꓳ=

5 ꓦ 3 ꓠꓬꓲ ꓠꓬꓲꓸ ꓠꓬꓲ World Press Freedom Day ꓔꓯ ꓧꓳꓽ ꓪꓴꓸ ꓢꓲ-ꓸ ꓬꓰ_ ꓟ United Nations UNESCO ꓜꓴꓽ ꓗꓪ ꓐꓰ ꓕꓱ ꓕꓲꓽ ꓘꓳꓼ ꓐꓯ ꓑꓶ_ ꓟ ꓕꓳꓽ ꓶ ꓗꓪ ꓐꓰ 2021 ꓘꓳꓼ ꓘꓴꓽ ꓗꓪ ꓢꓰꓼ ꓟꓶ ꓡꓰ ꓢꓴ ꓓꓳꓽ ꓫꓵꓽ ꓣꓴ ꓢꓴ ꓐꓰ Media ꓗꓪ ꓟꓬꓱꓽ ꓣꓱꓽ ꓢꓴ 55 ꓣꓳ ꓙꓳ ꓡꓰꓳ ꓐꓰ ꓐꓯ_ ꓡꓳ= ꓡꓳꓹ ꓬꓰ_ ꓟ ꓘꓳꓼ ꓘꓴꓽ ꓗꓪ ꓠꓬ ꓣꓴ ꓟꓶ ꓡꓰ_ ꓟ ꓓꓳꓽ ꓫꓵꓽ ꓣꓴ ꓢꓴ 350 ꓣꓳ ꓙꓳ ꓡꓳ ꓐꓰ ꓐꓯ_ ꓡꓳ=

ꓖꓳ ꓟ ꓡꓰ ꓟ ꓞꓲ ꓬꓴ-ꓗ-ꓣꓲꓸ ꓟꓯꓼ ꓢꓰꓼ ꓡꓯꓼ ꓘꓳ ꓟ ꓘꓴꓽ ꓗꓪ ꓥ ꓟꓲ ꓓꓳꓽ ꓫꓵꓽ ꓣꓴ ꓢꓲ-ꓸ ꓫꓵꓸꓹ ꓡꓰ ꓢꓴ ꓐꓴ ꓔꓯ ꓥ ꓟꓲ ꓔꓲꓸꓸ ꓒ ꓪ ꓔꓲ ꓡꓰ ꓫꓱꓸ ꓖꓶ ꓓꓳꓹ ꓟꓴ ꓘꓶꓽ ꓐꓯ_ ꓡꓳ= ꓬꓴ-ꓗ-ꓣꓲ ꓗꓪ ꓓꓳꓽ ꓫꓵꓽ ꓣꓴ ꓢꓲ ꓫꓵꓸꓹ ꓡꓰ ꓢꓴ 7 ꓣꓳ ꓛꓲ ꓙꓳ_ ꓡꓳ ꓐꓰ CPJ New York ꓓꓳꓽ ꓫꓵꓽ ꓗ ꓕꓸ Committee ꓗꓪ ꓐꓰ ꓐꓯ ꓔ ꓡꓳ=

3ꓸ ꓖꓴ ꓟꓶꓸ Korea ꓗꓴꓷꓼ ꓮ-ꓢꓳ-ꓬ ꓡꓰ ꓟꓬ-ꓟ ꓟꓬꓱꓽ ꓬꓰ ꓢꓴ ꓘꓴ_ ꓟ ꓓꓳꓽ

ꓖꓴ ꓟꓶꓸ Korea ꓮ-ꓢꓳ-ꓬ ꓡꓰ ꓟꓬ-ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ ꓔꓯ ꓘꓴ ꓢꓲ-ꓸ 2022 ꓘꓳꓼ 5 ꓦ 3 ꓠꓬꓲ ꓠꓬꓲꓸ ꓠꓬꓲ ꓕꓯ ꓟꓬ- ꓟ ꓟꓬꓱꓽ ꓬꓰ ꓢꓴ (135) ꓣꓳ ꓔꓯ ꓘꓳꓹ ꓣꓴ ꓐꓰ ꓢꓷꓸ ꓪ ꓡꓳ=

ꓟꓬ-ꓟ ꓟꓬꓱꓽ ꓬꓰ ꓢꓴ (135) ꓣꓳ ꓗꓪ ꓐꓰ Re-entry ꓟꓬꓱꓽ ꓬꓰ ꓢꓴ (107) ꓣꓳ ꓐ_ ꓡꓳ ꓐꓰ ꓟꓬ-ꓟ ꓙ ꓡꓯꓼ ꓘꓳ ꓣꓳꓸ Seoul ꓡꓳ ꓒꓱ ꓟꓬꓱꓽ ꓬꓰ ꓜꓲꓽ ꓪꓴꓽ ꓢꓴ ꓗꓪ ꓐꓰ ꓢꓷꓸ ꓪ ꓡꓳ=

ꓬꓰ ꓪ ꓠꓬ Yangon ꓗꓪ ꓐꓰ In-Chun ꓙꓱ ꓦꓲ ꓠꓽ ꓔꓶꓸ ꓗꓪ 5 ꓦ 3 ꓠꓬꓲ ꓕꓯ ꓚꓵ ꓡꓰ ꓢꓲ-ꓸ Seoul ꓗꓪ ꓐꓰ ꓟꓬꓱꓽ ꓬꓰ ꓜꓲꓽ ꓪꓴꓽ ꓢꓴ ꓡꓰ ꓘꓳꓹ ꓣꓴ ꓢꓲ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓲ ꓪ ꓢꓷꓸ ꓠꓹ ꓟ ꓛꓳ ꓠꓹ ꓟ ꓔꓯ ꓬꓰ ꓙ ꓡꓳ ꓐꓰ ꓢꓷꓸ ꓪ ꓡꓳ=