ꓠꓯꓻ ꓞꓲꓼ ꓬꓲ ꓒꓵꓽ ꓓꓯ ꓙꓰ ꓢꓲ ꓠꓬꓲ ꓠꓯꓻ ꓞꓲꓼ ꓗꓳ-ꓑ-ꓠꓲ ꓕꓲ ꓐꓱ ꓠꓯꓻ ꓞꓲꓼ ꓪꓴꓽˍ ꓟ ꓔꓯ ꓠꓽ ꓔ ꓡꓳ

ꓠꓯꓻ ꓞꓲꓼ ꓬꓲ ꓒꓵꓽ ꓓꓯ ꓙꓰ ꓢꓲ ꓠꓬꓲ ꓠꓯꓻ ꓞꓲꓼ ꓗꓳ-ꓑ-ꓠꓲ ꓕꓲ ꓐꓱ ꓠꓯꓻ ꓞꓲꓼ ꓪꓴꓽˍ ꓟ ꓔꓯ ꓠꓽ ꓔ ꓡꓳ

ꓟꓬ-ꓟ ꓗꓴꓷꓼ ꓘꓴꓽ ꓓꓳ-ꓡ ꓒꓵꓽ ꓮ ꓟꓬꓹ ꓟꓴꓺ ꓓꓯꓻ ꓡ ꓟ ꓑꓶꓸ ꓓꓴ ꓦꓲꓻ ꓗꓪ ꓣꓱꓽ ꓓꓴ ꓠꓯꓻ ꓞꓲꓼ ꓪꓴꓻ ꓧꓳꓽ ꓔꓬ ꓟ ꓗꓳ-ꓑ-ꓠꓲ ꓐꓴ ꓗꓴꓷꓼ ꓘꓴꓽ ꓗꓪ ꓬꓲ ꓪ ꓪꓴꓽ ꓔꓬ ꓟ ꓠꓬ ꓧꓶꓸ ꓕꓯ ꓟ ꓕꓯꓽ ꓢꓲ 100 ꓝꓸ ꓗꓪ 15 ꓝꓸ ꓓꓯꓻ ꓡ ꓟ ꓡꓰꓽ ꓟꓽ ꓞꓲꓺ ꓗꓳ-ꓑ-ꓠꓲ ꓕꓲ ꓐꓱ ꓠꓬ ꓪꓴꓽˍ ꓟ ꓔꓯˍ ꓟꓲ ꓠꓽ ꓔ ꓡꓳ꓾ ꓐꓰ ꓠꓯꓻ ꓞꓲꓼ ꓶꓻ ꓡꓯꓼ ꓬꓰ ꓔꓬ ꓢꓴ ꓐꓴ ꓡꓰ ꓐꓯ ꓡꓳ=

ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓐꓶꓽ ꓗꓴꓷꓼ ꓒꓴ ꓒꓵꓽ ꓠꓬ ꓟꓽ ꓠꓽ ꓠꓽ ꓓꓯꓻ ꓡ ꓔꓬ ꓟ ꓥ ꓢꓲ ꓠꓬꓲ 7 ꓦ 21 ꓠꓬꓲ ꓕꓯ ꓠꓬ ꓮꓟꓰꓣꓲꓚꓮꓠ ꓕꓲꓽ ꓓꓳ-ꓡ ꓠꓬ ꓟꓬ-ꓟ ꓒꓴ 2400 ꓒꓯꓼ ꓗꓪ ꓛꓲꓺ ꓙꓳ ꓡ ꓟ ꓥ ꓡꓳ= ꓕꓱ ꓡꓰ ꓬꓲ ꓒꓵꓽ ꓮ ꓟꓬꓹ ꓓꓯ ꓡ ꓟ ꓪꓴꓸ ꓠꓬꓲ ꓠꓱꓸ ꓐꓯ ꓗꓴꓷꓼ (ꓐꓶꓽ ꓗꓴꓷꓼ) ꓗꓪ ꓐꓰ ꓪꓴꓻ ꓧꓳꓽ ꓔꓬ ꓪˍ ꓟ ꓶ ꓤ ꓐꓴ ꓠꓬ ꓬꓲ ꓒꓵꓽ ꓮ ꓟꓬꓹ ꓓꓯ ꓡ ꓠꓬꓲ ꓟꓬ-ꓟ ꓑ ꓫꓬ ꓐꓴ ꓫꓸ ꓙꓵꓻ ꓔꓬ ꓪ ꓟ ꓥ ꓡꓳ=

ꓮ ꓟꓶ ꓠꓯꓻ ꓞꓲꓼ ꓒꓵꓽ ꓓꓯ ꓡ ꓠꓬꓲ ꓠꓯꓻ ꓞꓲꓼ ꓮ ꓟꓬꓹ ꓪꓴꓻ ꓫ ꓢꓴ ꓐꓴˍ ꓟꓲ ꓙꓳ ꓡˍ ꓟ ꓥꓳ= ꓧꓶꓸ ꓕꓯ ꓚꓳꓦꓲꓓ ꓠꓻ ꓫꓵꓽ ꓟꓬꓽ ꓡ ꓔꓬ ꓕꓯ ꓟ ꓡꓰ ꓐꓰ ꓥꓳ= ꓕꓱ ꓡꓱ ꓣꓱꓽ ꓟꓽ ꓚꓳꓹ ꓚꓳꓹ ꓪꓴꓻ ꓔꓯꓹ ꓙꓰˍ ꓟ ꓑꓶꓸ ꓓꓴ ꓚꓵꓺ ꓚꓵꓺ ꓠꓯꓻ ꓞꓲꓼ ꓣꓱꓽ ꓞꓹ ꓢꓴ ꓐꓱ ꓶ ꓣꓱꓽ ꓞꓹ ꓕꓲ ꓝꓲꓸ ꓟ ꓟꓽ ꓙꓳ ꓗꓷ ꓡꓰˍ ꓠꓬ ꓬꓰ ꓫ ꓓꓴ ꓒꓬꓱꓼ ꓡˍ ꓥꓳ꓾ ꓐꓰ ꓬ-ꓖꓳ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ=

ꓟꓬ-ꓟ ꓗꓴꓷꓼ ꓗꓪ ꓮ ꓟꓶ ꓣꓱꓽ ꓔꓬ ꓟ ꓦꓲꓻ ꓣꓱꓽ ꓓꓴ ꓠꓯꓻ ꓞꓲꓼ 85% ꓠꓬ ꓠꓱꓸ ꓐꓯ ꓗꓴꓷꓼ ꓗꓪ ꓐꓰ ꓪꓴꓻ ꓔꓬ ꓪ ꓟ ꓥ ꓢꓲ ꓕꓲ ꓘꓳꓼ ꓗꓪ ꓓꓳ-ꓡ 6000ꓫꓬꓹ ꓒꓵꓽ ꓟꓽ ꓞꓲꓺ ꓪꓴꓻ ꓔꓬ ꓟ ꓥ ꓡꓳ꓾ ꓐꓰ ꓦꓳꓮ ꓓꓳꓽ ꓗꓪ ꓐꓯ ꓔ ꓡꓳ=