Illinois ꓢ-ꓢꓶꓽ-ꓠꓽ ꓔꓲꓺ ꓒ ꓓꓽ ꓔꓬꓹ ꓦꓲꓻ ꓔꓯ ꓪꓴꓽ ꓗꓷ ꓢꓲ ꓠꓻ ꓒꓬꓽ ꓟꓳꓻˍ ꓟ ꓗꓪ ꓒꓴꓻ ꓣꓱꓽ ꓞꓹ ꓔꓬ ꓟ ꓟꓹ ꓟ ꓐꓴ ꓔꓯ ꓬꓰ ꓙ ꓠꓹ ꓟ ꓓꓳꓽ

Friday, July 22, 2022

Illinois ꓗꓴꓷꓼ ꓫꓴ꓾ Belleville ꓗ-ꓕꓳ-ꓡꓲꓗ ꓢ-ꓢꓶꓽ-ꓠꓽ ꓡꓰ ꓘꓴ ꓜꓲꓼ ꓞꓳ ꓔꓲꓺ ꓒ ꓓꓽ ꓔꓬ ꓟ ꓦꓲꓻ ꓔꓯ ꓪꓴꓽ ꓓꓴ ꓥꓳ꓾ ꓐꓰ ꓐꓯ ꓑꓶ ꓗꓷꓳ= ꓦꓲꓻ ꓕꓱ ꓟ ꓠꓬ Belleville ꓡꓳ ꓒꓱ ꓔꓱꓹ ꓫꓵ ꓗꓪ ꓫꓬꓹ ꓔ ꓟ ꓠꓬ ꓬꓲ ꓘꓳꓼ 160 ꓘꓳꓼ ꓙꓳ ꓡ ꓟ ꓥꓳ= ꓢꓽ-ꓢꓶꓽ-ꓠꓽ ꓔꓲꓺ ꓒ ꓓꓽ ꓔꓬꓹ ꓖꓴ ꓦꓲꓻ ꓐꓯ ꓢꓲ ꓣꓱꓽ ꓩꓴ ꓡ ꓟ ꓠꓬ 70 ꓘꓳꓼ ꓙꓳ ꓡ ꓗꓷ ꓟ ꓥꓳ= ꓮ ꓟꓶ ꓙꓵꓽ ꓔꓬ ꓟ ꓔꓲꓺ ꓒ ꓓꓽ ꓥ ꓟ Michael McGovern ꓥˍ ꓟꓲ ꓘꓴ ꓜꓲꓼ ꓞꓳ ꓡꓰ ꓓꓵꓽ ꓙ ꓞꓷꓹ ꓔ ꓟ ꓔꓯ ꓬꓲ ꓝꓐ ꓗꓪ ꓟꓳꓸ ꓖꓶ ꓔ ꓡꓳ=

ꓮ ꓟꓶ ꓪꓴꓽ ꓟꓶˍ ꓟ ꓒꓴ ꓔꓯ ꓠꓻ ꓒꓬꓽ ꓟꓳꓻ ꓠꓹ ꓟ ꓒꓴ ꓟꓽ ꓐ ꓡ ꓐꓯ ꓢꓲ ꓤ ꓠꓱ ꓒꓬꓹ ꓞꓰ ꓔꓬ ꓟ ꓤ ꓟꓶ ꓤ ꓐꓴ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ ꓐꓰ ꓠꓱꓸ ꓐꓯ ꓚꓵꓺ ꓚꓵꓺ ꓣꓱꓽ ꓞꓹ ꓟ ꓗꓪ ꓣꓱꓽ ꓓꓴ ꓥꓳ꓾ ꓐꓰ ꓐꓯ ꓟꓸ ꓖꓶ ꓔ ꓡꓳ= ꓔꓲꓺ ꓒ ꓓꓽ ꓡꓰ ꓐꓳ ꓔ ꓟ ꓠꓬ ꓕꓱ ꓡꓰ ꓓꓵꓽ ꓙ ꓞꓷꓹ ꓟ ꓔꓯ ꓬꓰ ꓐ ꓡ ꓠꓹ ꓟ ꓦ ꓐ ꓮ ꓟꓬꓹ ꓟ ꓪꓽ ꓘꓴ ꓗꓷꓳ= ꓢ-ꓢꓶꓽ-ꓠꓽ ꓔꓲꓺ ꓒ ꓓꓽ ꓕꓲ ꓣꓳ ꓠꓬ ꓗ-ꓔꓲ-ꓓ-ꓣꓯ ꓪꓽ ꓘꓴ ꓦꓲꓻ ꓒ ꓕꓲꓺ ꓗꓪ ꓔꓬ ꓢꓲ ꓪꓴ-ꓢ ꓟꓬꓱꓽ ꓬꓰˍ ꓟˍ ꓟꓲ ꓣꓳꓸ ꓚꓵˍ ꓟ ꓥ ꓡꓳ= ꓦꓲꓻ ꓕꓱ ꓟ ꓔꓯ ꓪꓴꓽˍ ꓟ ꓗꓪ ꓐꓰ ꓟꓶ ꓡˍ ꓟ ꓒꓴ ꓔꓯ ꓒꓴ ꓟꓽ ꓙꓳ ꓟ ꓤ ꓠꓱ ꓶꓻ ꓞꓹ ꓟ ꓟꓹ ꓟ ꓐꓴ꓾ ꓗ-ꓕꓳ-ꓡꓲꓗ ꓐꓴ ꓡꓰ ꓟꓸ ꓖꓶˍ ꓟ ꓢꓷꓸ ꓠꓲꓹ ꓔꓯ ꓘꓳꓹ ꓣꓴ ꓠꓲꓹ ꓫꓵˍ ꓟ ꓦꓲꓻ ꓢꓴ ꓐꓴ꓾ ꓞꓳ ꓡꓱ ꓐꓴ ꓐꓱ ꓶ ꓬꓰ ꓙˍ ꓟ ꓗꓪ ꓣꓱꓽ ꓙꓰ ꓓꓴ ꓥꓳ꓾ ꓐꓰ ꓔꓲꓺ ꓒ ꓓꓽ ꓡꓰ ꓐꓯ ꓔ ꓟ ꓔꓯ The Belleville News-Democrat ꓓꓳꓽ ꓗꓪ ꓐꓯ ꓑꓶ ꓔ ꓡꓳ꓾ ꓐꓰ ꓣꓦꓮ ꓟꓬ-ꓟ ꓓꓳꓽ ꓗꓪ ꓐꓯ ꓔ ꓡꓳ=