Sri Lanka ꓗꓴꓷꓼ ꓗꓪ ꓟ ꓘꓴ ꓜꓲꓼ ꓞꓳ ꓐꓱ ꓶ Church in Need ꓜꓴꓻ ꓡꓰ Euro ꓒꓴ 465000 ꓬꓰ ꓙ ꓓꓴ ꓥꓳ

Friday, July 22, 2022

ꓢꓣꓲ ꓡꓮꓠꓗꓮ ꓗꓴꓷꓼ ꓗꓪ ꓟ ꓘꓴ ꓜꓲꓼ ꓞꓳ ꓐꓱ ꓶ Church in Need ꓜꓴꓻ ꓡꓰ ꓴꓣꓳ ꓒꓴ 465000 ꓬꓰ ꓙ ꓓꓴ ꓥꓳ

ꓗ-ꓕꓳ-ꓡꓲꓗ ꓫꓱꓸ ꓤ ꓟꓬꓱꓽ ꓬꓰ ꓜꓴꓻ ꓥ ꓟ Church in Need ꓜꓴꓻ ꓐꓴ ꓡꓰ ꓗꓴꓷꓼ ꓫꓸ ꓙꓵ ꓔꓬ ꓟ ꓬꓲ ꓘꓴꓽ ꓗꓪ ꓟꓽ ꓙꓳ ꓟꓽ ꓓ ꓣꓱꓽ ꓞꓹ ꓟ ꓶꓼ ꓓꓳ ꓫꓱꓹ ꓓꓳꓽ ꓚˍ ꓟ ꓟꓬꓱꓽ ꓔꓯ ꓝꓸ ꓢꓲ ꓬꓰ ꓐ ꓡ ꓠꓹ ꓟ ꓐꓱ ꓶ ꓢꓣꓲ ꓡꓮꓠꓗꓮ ꓗꓴꓷꓼ ꓗꓪ ꓟ ꓔꓲꓺ ꓒ ꓐꓴ ꓐꓰ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓴ-ꓣꓳ ꓒꓴ 465000 ꓬꓰ ꓙ ꓠꓹ ꓟ ꓐꓯ ꓑꓶ ꓗꓷꓳ=

ꓔꓲꓺ ꓒ ꓐꓴ ꓠꓬ ꓟꓲ-ꓢ ꓛꓴ ꓔꓲˍ ꓟ ꓗꓪ ꓒꓴ ꓟꓶˍ ꓟ ꓥ ꓢꓲ꓾ ꓘꓴ ꓜꓲ ꓞꓳ ꓟꓸ ꓒ ꓟꓸ ꓟ ꓐꓴ ꓐꓰ ꓘꓴ ꓜꓲꓼ ꓞꓳ ꓗꓪ ꓣꓱꓽ ꓬꓯꓼˍ ꓟ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓥˍ ꓟꓲ ꓣꓱꓽ ꓬꓯꓼ ꓣꓱꓽ ꓞꓹ ꓟ ꓔꓳꓹ ꓙ ꓒꓴꓻ ꓟꓶ ꓓꓴ ꓥꓳ=

ꓢꓣꓲ ꓡꓮꓠꓗꓮ ꓗꓴꓷꓼ ꓠꓬ ꓗꓴꓷꓼ ꓙꓵꓽ ꓢꓴ ꓟꓽ ꓙꓲꓻ ꓟ ꓪꓴꓸ ꓠꓬꓲ ꓠꓱꓸ ꓐꓯ ꓗꓴꓷꓼ ꓔꓯ ꓮ ꓟꓬꓹ ꓐꓵ ꓓꓹ ꓟ ꓡꓰꓽ ꓟꓽ ꓞꓲꓺ ꓗꓴꓷꓼ ꓒꓴ ꓬꓲ ꓒꓵꓽ ꓟꓽ ꓒꓵꓽ ꓗꓷ ꓡꓰ ꓢꓲ ꓣꓱꓽ ꓫꓵꓽ ꓣꓱꓽ ꓙꓰꓽ ꓠꓬ ꓬꓲ ꓒꓵꓽ ꓮ ꓟꓬꓹ ꓓꓯ ꓙꓰ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓠꓬ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓟ ꓥꓳ= Kandy ꓗꓪ ꓟ ꓔꓲꓺ ꓒ ꓓꓽ Valence Mendis ꓡꓰ ꓘꓴ ꓜꓲꓼ ꓞꓳ ꓠꓬ ꓒꓴ ꓔꓯ ꓟꓳꓸ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓟ ꓥ ꓢꓲ ꓠꓬꓲ ꓫ ꓙꓵꓻ ꓔꓬ ꓟ ꓑ ꓫꓬ ꓐꓴ ꓬꓲ ꓪ ꓔꓯ ꓬꓰ ꓙ ꓠꓹ ꓟ ꓘꓴ ꓜꓲꓼ ꓞꓳ ꓔꓯ ꓓꓰꓽ ꓡˍ ꓕꓯ ꓬꓲ ꓪ ꓐꓴ ꓠꓲꓹ ꓟ ꓢ ꓡꓰ ꓠ ꓬꓰ ꓙ ꓠꓹ ꓟ ꓐꓱ ꓶ ꓘꓴ ꓜꓲꓼ ꓞꓳ ꓥˍ ꓟꓲ ꓬꓰ ꓙ ꓟꓽ ꓐ ꓡ ꓟ ꓫꓵꓽ ꓪꓴ ꓙꓳˍ ꓡꓳ꓾ ꓐꓰ ꓮꓚꓠ ꓗꓪ ꓐꓯ ꓖꓶ ꓗꓷꓳ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓬꓲ ꓧꓶꓸ ꓕꓯ ꓬꓰ ꓔꓬ ꓟ ꓡꓰ ꓠꓽ ꓦꓬꓼ ꓠꓬꓲ ꓗꓪ ꓮꓠꓖꓰꓡꓴꓢ ꓪꓽ ꓘꓴ ꓗꓷ ꓗ ꓠꓯꓸ ꓫꓸ ꓕꓱˍ ꓟ ꓗꓪ ꓢꓣꓲ ꓡꓮꓠꓗꓮ ꓗꓴꓷꓼ ꓗꓪ ꓟ ꓑ ꓫꓬ ꓐꓴ ꓐꓰ ꓕꓲ ꓡꓰꓹ ꓔꓬ ꓟ ꓔꓯ ꓐꓯ ꓗꓷ ꓢꓲ ꓞꓳ ꓤ ꓮ ꓟꓬꓹ ꓙꓲꓻ ꓖꓴ ꓙꓳˍ ꓟ ꓔꓯ ꓥꓳ ꓡꓳꓸ ꓢꓲ ꓜꓲ ꓡꓯ ꓘꓳˍ ꓟ ꓖꓪ ꓙꓱꓻ ꓡꓯ ꓘꓳꓹ ꓟ ꓬꓰ ꓠꓹ ꓟ ꓐꓱ ꓶˍ ꓟꓲ ꓢꓣꓲ ꓡꓮꓠꓗꓮ ꓗꓴꓷꓼ ꓢꓴ ꓐꓴ ꓔꓯ ꓓꓰꓽ ꓗꓷ ꓟ ꓥ ꓡꓳ꓾ ꓐꓰ ꓣꓦꓮ ꓓꓳꓽ ꓗꓪ ꓐꓯ ꓔ ꓡꓳ=