ꓠꓲ-ꓑꓳ ꓗꓴꓷꓼ ꓗꓪ ꓚꓳꓦꓲꓓ-19 ꓠꓻ ꓫꓵ: ꓮ ꓟꓬꓹ ꓒꓬꓱꓼ ꓔꓬ ꓟ ꓡꓰ ꓟ: ꓞꓲ ꓮ ꓪꓯꓼ ꓠꓻ (ꓧ1ꓠ1) ꓐꓰ ꓠꓻ ꓫꓵ: ꓠꓬꓲ ꓫꓵ: ꓔꓳꓹ ꓜꓳ ꓔꓬ ꓟ ꓓꓳ:

ꓠꓲ-ꓑꓳ ꓗꓴꓷꓼ ꓗꓪ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓗꓪ ꓐꓰ ꓡꓲ ꓧꓪꓹ ꓕꓲ ꓧꓪꓹ ꓟ ꓚꓳꓦꓲꓓ-19 ꓠꓻ ꓫꓵ: ꓗꓽ ꓕ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓙꓵꓹ ꓗꓪ ꓡꓳꓹ ꓬꓰ ꓟ ꓠꓬꓲ: ꓦ ꓘꓴ: ꓗꓪ ꓮ ꓪꓰꓼ ꓠꓻ ꓫꓵ: ꓧ1ꓠ1 ꓠꓻ ꓫꓵ: ꓙꓳ ꓢꓴ 57 ꓣꓳ ꓟ: ꓞꓲ ꓙꓳ ꓡꓰ ꓟ ꓑꓶ ꓓꓴ ꓕꓱ ꓡꓱ ꓠꓻ ꓫꓵ: ꓠꓬꓲ ꓫꓵ: ꓐꓰ ꓔꓳꓹ ꓜꓳ ꓔꓬ ꓟ ꓥꓳ=

ꓚꓳꓦꓲꓓ-19 ꓠꓻ ꓫꓵ: ꓐꓰ ꓔꓳꓹ ꓜꓳ ꓔꓬ ꓟ ꓙꓵꓹ ꓗꓪ ꓮ ꓪꓰꓼ ꓠꓻ ꓠꓻ ꓢꓴ ꓟꓬ ꓡ ꓟ ꓑꓶ ꓓꓴ ꓠꓻ ꓫꓵ: ꓠꓬꓲ ꓫꓵ: ꓐꓰ ꓔꓳꓹ ꓜꓳ ꓔꓬ ꓡꓳ ꓐꓰ ꓠꓲ-ꓑꓳ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓗꓪ ꓐꓰ ꓐꓯˍ ꓡꓳ= ꓡꓳꓹ ꓬꓰ ꓟ ꓙꓵꓹ ꓗꓪ ꓮ ꓪꓯꓼ ꓠꓻ ꓗꓪ ꓐꓰ ꓫꓵꓻ ꓡꓰ ꓢꓴ ꓥ ꓟꓲ ꓙꓳ ꓟ ꓑꓶ ꓓꓴ ꓮ ꓘꓶ. ꓤ ꓟꓳ ꓠꓹ ꓟ꓾ ꓮ ꓪꓯꓼ ꓠꓻ ꓫꓵ: ꓠꓬ ꓚꓳꓦꓲꓓ ꓠꓻ ꓫꓵ: ꓡꓰ ꓐꓰ ꓟꓬ ꓡ ꓟ ꓔꓯ ꓠꓲ-ꓑꓳ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓐꓯ ꓔ ꓟ ꓥꓳ=