ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓙ ꓖꓴ ꓗꓪ ꓫꓵꓻ ꓡꓰ ꓢꓴ ꓔꓬ ꓦꓲꓻ ꓟꓽ ꓙꓳ ꓢꓴ ꓕꓲ ꓣꓳ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓖꓶ_ ꓟ ꓓꓳꓽ

• ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓙ ꓖꓴ ꓗꓪ ꓫꓵꓻ ꓡꓰ ꓢꓴ ꓔꓬ ꓦꓲꓻ ꓟꓽ ꓙꓳ ꓢꓴ ꓕꓲ ꓣꓳ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓖꓶ_ ꓟ ꓓꓳꓽ

ꓡꓳꓹ ꓬꓰ ꓟ ꓠꓽ ꓥꓪꓽ ꓠꓬꓲ ꓠꓯꓼ ꓕꓯ ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓚꓱꓹ ꓗꓪ ꓫꓵꓻ ꓡꓰ ꓢꓴ ꓔꓬ ꓦꓲꓻ ꓟꓽ ꓙꓳ ꓢꓴ ꓕꓲ ꓣꓳ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓙ ꓖꓶ ꓗꓷ ꓟ ꓥꓳ=

ꓫꓵꓻ ꓡꓰ ꓢꓴ ꓠꓬ 61 ꓘꓳꓼ ꓡꓳꓼ ꓬꓰ ꓢꓴ ꓥ ꓢꓲ German ꓞꓳ ꓫꓵ Burkhard Scheffler ꓥ ꓡꓳ= ꓬꓲ ꓠꓬ ꓙ ꓖꓴ ꓗꓪ ꓫꓵꓻ ꓡꓰ ꓟ ꓥꓳ ꓐꓰ Vatican ꓗꓪ ꓐꓰ ꓐꓯ ꓙꓵꓽ ꓪ ꓙꓳ ꓢꓴ  Matteo Bruni ꓡꓰ 11 ꓦ 25 ꓠꓬꓲ ꓕꓯ ꓐꓯ ꓗꓷ ꓟ ꓥꓳ= ꓝꓮꓲ ꓟꓽ ꓞꓲ ꓫꓵꓻ ꓢꓴ Burkhard Scheffler ꓐꓰ ꓕꓲ ꓪꓼ ꓣꓳ-ꓟ ꓗꓪ ꓐꓰ ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓟ ꓔꓬ ꓦꓲꓻ ꓟꓽ ꓙꓳ ꓢꓲ ꓜ ꓓꓴ ꓓꓳ ꓓꓴ ꓫꓸ ꓔꓬ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓬꓲ ꓪ ꓔꓯ ꓓꓵ ꓙ ꓢꓲ ꓕꓲ ꓪꓼ ꓪꓽ ꓘꓴ ꓙ ꓠꓹ ꓟ ꓘꓴ_ ꓡꓳ=