ꓣ-ꓫꓸ ꓟꓯꓼ ꓙꓱ ꓦꓲꓻ ꓞꓰ ꓡꓰ ꓟ ꓑꓶ ꓓꓴ 14 ꓣꓳ ꓛꓲ ꓫꓵꓻ ꓡꓰ ꓟ ꓓꓳꓽ

Thursday, October 20, 2022

ꓣ-ꓫꓸ ꓟꓯꓼ ꓙꓱ ꓦꓲꓻ ꓞꓰ ꓡꓰ ꓟ ꓑꓶ ꓓꓴ 14 ꓣꓳ ꓛꓲ ꓫꓵꓻ ꓡꓰ ꓟ ꓓꓳꓽ

ꓣ-ꓫꓸ ꓗꓴꓷꓼ Yeysk ꓐꓯ_ꓟ ꓞꓳ ꓘꓹ ꓕꓲ ꓘꓹ ꓗꓪ ꓣ-ꓫꓸ ꓟꓯꓼ ꓙꓱ ꓦꓲꓻ ꓕꓲ ꓢꓶꓽ ꓐꓬ ꓞꓰ ꓡꓰ ꓟ ꓑꓶ ꓓꓴ ꓫꓵꓻ ꓢꓴ 14 ꓣꓳ ꓛꓲ ꓙꓳ ꓡꓰ ꓢꓲ꓾ ꓞꓰ ꓡꓰ ꓟ ꓪꓴꓸ ꓠꓬꓲ ꓔꓬ ꓦꓲꓻ ꓕꓲ ꓟ ꓥ ꓟꓲ ꓮ ꓔꓳꓸ ꓐꓬ ꓡꓰ ꓟ ꓥꓳ= ꓫꓵꓻ ꓢꓴ ꓞꓳ ꓣꓳ ꓔꓯ ꓗꓴꓷꓼ ꓙꓵꓽ ꓪꓴ ꓢꓴ ꓐꓴ ꓡꓰ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓑꓶ ꓔ ꓟ ꓥꓳ= ꓙꓱ ꓦꓲꓻ ꓰꓠꓖꓲꓠꓰ ꓕꓲ ꓢꓶꓽ ꓮ ꓔꓳꓸ ꓐꓬ ꓡꓰ ꓢꓲ ꓞꓰ ꓡꓰ ꓟ ꓥꓳ ꓐꓰ ꓣ-ꓫꓸ ꓗꓴꓷꓼ ꓢꓲꓽ ꓒꓽ ꓡꓰ ꓐꓯ ꓔ ꓡꓳ=

ꓙꓱ ꓦꓲꓻ ꓗꓪ ꓐ ꓡ ꓢꓴ ꓐꓴ ꓠꓬ ꓙꓱ ꓦꓲꓻ ꓟꓽ ꓞꓰ ꓟ ꓙꓵꓹ ꓗꓪ ꓘꓰꓹ ꓪ ꓡꓰ ꓢꓲ꓾ ꓙꓱ ꓦꓲꓻ ꓠꓬ 9 ꓝꓸ ꓙꓳ_ ꓟ ꓦꓲꓻ ꓗꓪ ꓞꓰ ꓡꓰ ꓟ ꓪꓴꓸ ꓠꓬꓲ ꓦꓲꓻ ꓬꓲꓸ ꓝꓸ ꓮ ꓟꓬꓹ ꓮ ꓔꓳꓸ ꓐꓬ ꓡꓰ ꓟ ꓗꓷ ꓡꓰꓳ ꓐꓰ ꓙꓵꓽ ꓪꓴ ꓢꓴ ꓐꓴ ꓡꓰ ꓐꓯ_ ꓡꓳ=

ꓣ-ꓫꓸ ꓐꓶ ꓓꓵꓽ ꓖꓴ ꓟꓶꓸ ꓕꓲ ꓛꓱ ꓗꓪ ꓔꓬ ꓟ Yeysk ꓡꓳ ꓒꓱ ꓠꓬ ꓞꓳ ꓣꓳ 90000 ꓣꓳ ꓛꓲ ꓔꓬ ꓟ ꓥꓳ=