ꓧꓶꓽ ꓗ-ꓕꓳ-ꓡꓲꓗ ꓢꓲ ꓤ ꓐꓴ ꓔꓯ ꓧꓶꓽ ꓗꓴ-ꓟꓬꓴ-ꓠꓲ ꓑ-ꓔꓲ ꓔꓯ ꓢꓯꓼ ꓖꓶ ꓠꓹ ꓟ ꓟꓽ ꓓ ꓟꓽ ꓞ ꓕꓵꓼ ꓪ ꓖꓶˍ ꓟ

ꓧꓶꓽ ꓗꓴꓷꓼ ꓗꓪ ꓟ ꓟꓵꓽ ꓫꓴ ꓠꓬꓲꓽ ꓟ ꓗꓪ ꓟ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓧꓶꓽ ꓗꓴ-ꓟꓬꓴ-ꓠꓲ ꓑ-ꓔꓲ ꓔꓯ ꓢꓯꓼ ꓖꓶ ꓠꓹ ꓟ ꓧꓰꓐꓰꓲ ꓡꓳ ꓒꓱ ꓥ ꓟ ꓪꓴꓧꓮꓠ ꓗꓪ 8 ꓦ 18 ꓠꓬꓲ ꓕꓯ (10) ꓧꓪꓹ ꓕꓲ ꓧꓪꓹ ꓟ ꓗ-ꓕꓳ-ꓡꓲꓗ ꓢ-ꓢꓶ-ꓠꓽ ꓗꓴ-ꓖ-ꓣꓯꓸꓼ-ꓢꓶ ꓗꓪ ꓕꓵꓼ ꓪ ꓖꓶ ꓔ ꓡꓳ= ꓗꓴꓠ-ꓖ-ꓣꓯꓸꓼ-ꓢꓶ ꓖꓳ ꓟ ꓠꓬ (3) ꓠꓬꓲ ꓛꓲꓺ ꓟꓶ ꓫꓵ ꓡꓰ ꓢꓲ ꓗ-ꓕꓳ-ꓡꓲꓗ ꓔꓲꓺ ꓒ ꓓꓽ ꓟ ꓐꓴ꓾ ꓔꓲꓺ ꓒ ꓐꓴ꓾ ꓪꓴ-ꓢ ꓟꓬꓱꓽ ꓬꓰ ꓢꓴ ꓮ ꓙꓵꓽ (345) ꓣꓳ ꓐꓴ ꓡꓰ ꓔꓺ ꓗꓷ ꓟ ꓥ ꓡꓳ=

ꓟꓵꓽ ꓫꓴ ꓗꓪ ꓟ ꓦ ꓡꓱ ꓚꓱꓹ ꓔꓯ ꓟꓳꓸ ꓢꓲꓽ ꓒ ꓥ ꓟ ꓚꓴꓲ ꓟꓮꓳꓧꓴ ꓡꓰ 'ꓧꓶꓽ ꓟꓵꓽ ꓙꓵꓽ ꓢꓴ ꓐꓴ ꓠꓬ ꓧꓶꓽ ꓗꓴꓷꓼ ꓗ-ꓕꓳ-ꓡꓲꓗ ꓔꓲꓺ ꓒ ꓓꓽ ꓐꓴ ꓜꓴꓻ (ꓐꓚꓚꓚꓚ) ꓐꓰ ꓧꓶꓽ ꓞꓳ ꓫꓵꓽ ꓠꓲꓹ ꓠꓵ ꓢꓴ ꓗ-ꓕꓳ-ꓡꓲꓗ ꓜꓴꓻ (ꓚꓚꓑꓮ) ꓐꓴ ꓟꓬꓱꓽ ꓬꓰˍ ꓟ ꓔꓯ ꓗꓳꓸ ꓗꓷ ꓟ (6) ꓘꓳꓼ ꓟꓽ ꓞꓲꓺ ꓕꓯ ꓡꓰ ꓢꓯꓼ ꓖꓶˍ ꓟ ꓾ ꓮ ꓡꓲꓳ ꓐꓯ ꓠꓬ ꓑ-ꓔꓲ ꓪꓴꓸ ꓓꓵꓽ ꓣꓱꓽ ꓐꓴ ꓕꓯꓽ ꓢꓲ ꓗꓪ ꓥˍ ꓟꓲ ꓗꓴꓷꓼ ꓕꓯꓽ ꓢꓲ ꓗꓪ ꓥˍ ꓟꓲ ꓦ ꓡꓱ ꓐꓳ ꓓꓹ ꓟ ꓔꓯ ꓐꓯ ꓟꓸ ꓖꓶ ꓗꓷꓳ=