ꓮꓢꓲꓮ ꓙꓲ- ꓢꓴ ꓢꓲ ꓤ ꓐꓴ ꓜꓴ ꓗꓪ ꓐꓰ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓙꓲ-ꓢꓴ ꓢꓲ ꓤ ꓞꓳ ꓡꓱ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓚꓱꓹ ꓢꓷꓸ ꓠꓲꓹ ꓖꓶ_ ꓟ

• ꓮꓢꓲꓮ ꓙꓲ- ꓢꓴ ꓢꓲ ꓤ ꓐꓴ ꓜꓴ ꓗꓪ ꓐꓰ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓙꓲ-ꓢꓴ ꓢꓲ ꓤ ꓞꓳ ꓡꓱ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓚꓱꓹ ꓢꓷꓸ ꓠꓲꓹ ꓖꓶ_ ꓟ

ꓙꓲ-ꓢꓴ ꓢꓲ ꓤ ꓜꓴ (AEI) ꓮꓢꓲꓮ ꓙꓲ-ꓢꓴ ꓢꓲ ꓤ ꓐꓴ ꓜꓴ ꓗꓪ ꓐꓰ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓙꓲ-ꓢꓴ ꓢꓲ ꓤ ꓘꓴ ꓜꓲꓼ ꓞꓳ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓢꓷꓸ ꓚꓱꓹ ꓟꓬ ꓡ ꓠꓹ ꓟ ꓐꓱ ꓶ ꓢꓳ ꓜꓲꓼ ꓓꓴ ꓔꓯ 9 ꓦ 19 ꓠꓬꓲ ꓗꓪ ꓐꓰ 10 ꓦ 14 ꓠꓬꓲ ꓗꓪ ꓛꓲ ꓬꓰ_ ꓟ ꓥꓳ= ꓢꓳ ꓜꓲꓼ ꓓꓴ ꓧꓳꓽ ꓪꓴꓸ ꓟꓴ ꓚꓱꓹ ꓠꓬ “God of Hope, Sustain Your Creation in Harmony” ꓐꓰ ꓥ ꓡꓳ=

ꓚꓳꓦꓲꓓ-19 ꓠꓻ ꓫꓵ ꓑꓶ ꓓꓴ 2020 ꓘꓳꓼ ꓐꓰ 2021 ꓘꓳꓼ ꓗꓪ ꓠꓬ ꓳꓠꓡꓲꓠꓰ ꓗꓪ ꓐꓰ ꓡꓰ ꓬꓰ ꓗꓷ ꓟ ꓥꓳ= ꓕꓱ ꓕꓲ ꓘꓳꓼ ꓟ ꓠꓬ ꓕꓮꓲ ꓗꓴꓷꓼ ꓚꓲꓸ-ꓟꓮꓲ ꓗꓪ ꓔꓬ ꓟ Payap ꓢꓷꓸ ꓠꓲꓹ ꓢꓳ ꓦꓲꓻ ꓗꓪ ꓬꓰ_ ꓟ ꓥꓳ= ꓮꓢꓲꓮ ꓗꓴꓷꓼ ꓗꓪ ꓐꓰ 24 ꓣꓳ ꓢꓳ ꓜꓲꓼ ꓡ_ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓟ ꓔꓯ ꓠꓬ 2016 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓬꓲꓸ ꓔꓶꓻ ꓙꓱꓼ ꓠꓬ ꓘꓴ ꓜꓲꓼ ꓞꓳ ꓪꓴꓽ ꓟꓴ ꓡ ꓚꓱꓹ ꓐꓰ ꓮꓢꓲꓮ ꓗꓪ ꓐꓰ ꓙꓲ-ꓢꓴ ꓢꓲ ꓤ ꓘꓴ ꓜꓲꓼ ꓞꓳ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓟꓬ ꓠꓬꓲ ꓢꓷꓸ ꓠꓲꓹ ꓟꓬ ꓡ ꓠꓹ ꓟ꓾ ꓪꓴ-ꓢ ꓔꓯ ꓟꓬ ꓠꓬꓲ ꓢꓷꓸ ꓠꓹ ꓟ꓾ ꓕꓲ ꓠꓲꓹ ꓕꓲ ꓪꓼ ꓗꓷ ꓠꓹ ꓟ ꓐꓱ ꓶ ꓮ ꓡꓲ ꓐꓰ ꓬꓰ ꓠꓹ ꓟ ꓚꓱꓹ ꓢꓷꓸ ꓠꓲꓹ ꓖꓶ_ ꓟ ꓥ ꓡꓳ=