ꓮ-ꓟꓰ-ꓣꓲ-ꓗ ꓗꓪ ꓚꓧꓲꓠ ꓐꓰ ꓠ-ꓖ ꓡꓲꓽ ꓒꓰꓼ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓑꓮꓲꓽ ꓬꓰ ꓓꓴ ꓙ ꓖꓶ ꓔꓬ ꓟ

ꓚꓧꓲꓠ ꓞꓳ ꓫꓵꓽ ꓐꓴ ꓐꓰ ꓠ-ꓖ ꓞꓳ ꓫꓵꓽ ꓐꓴ ꓬꓲ ꓪ ꓡꓲꓽ ꓒꓰꓼ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓑꓮꓲꓽ ꓕꓲ ꓟ ꓔꓯ ꓮ-ꓟꓰ-ꓣꓲ-ꓗ ꓗꓴꓷꓼ ꓲ-ꓓꓲ-ꓬ-ꓠ-ꓑꓳ-ꓡꓲ ꓡꓳ ꓒꓱ ꓗꓪ ꓛꓲ ꓠꓲꓹ 7 ꓦ ꓘꓴꓽ ꓗꓪ ꓬꓰ ꓓꓴ ꓙꓳˍ ꓡꓳ ꓐꓰ ꓑꓮꓲꓽ ꓗꓪ ꓙꓽ ꓖꓶ ꓔꓬ ꓢꓴ ꓐꓴ ꓡꓰ ꓐꓯ ꓡꓳ=

ꓚꓧꓲꓠ ꓞꓳ ꓫꓵꓽ ꓐꓴ ꓐꓰ ꓠ-ꓖ ꓡꓲꓽ ꓒꓰꓼ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓢꓴ ꓐꓴ ꓔꓯꓺ ꓡꓯ ꓘꓳˍ ꓟ ꓑꓮꓲꓽ ꓔꓯ Chin Youth Organization North America ꓚꓧꓲꓠ ꓞꓳ ꓡꓱ ꓜꓴ ꓐꓴ ꓡꓰ ꓙ ꓖꓶ ꓔꓬ ꓟ ꓥ ꓢꓲ꓾ 7 ꓦ 7 ꓠꓬꓲ ꓗꓪ ꓐꓰ 8 ꓠꓬꓲ ꓗꓪ ꓛꓲ ꓑꓮꓲꓽ ꓬꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓔꓯꓺ ꓡꓯ ꓘꓳ ꓑꓮꓲꓽ ꓕꓱ ꓟ ꓗꓪ ꓔꓹ ꓠꓹ ꓟ ꓟ ꓐꓱ ꓶ ꓲ-ꓓꓲ-ꓬ ꓗꓴꓷꓼ꓾ ꓠ-ꓖ ꓟꓵꓽ ꓫꓴ ꓗꓪ ꓟ ꓡꓲꓽ ꓒꓰꓼ ꓚꓴꓹ ꓡꓯ ꓘꓳꓹ ꓟ ꓗꓪ ꓡꓯꓼ ꓫꓴ 2 ꓧꓪꓹ ꓟꓶ ꓡꓰ ꓟ Venuzo Dawhuo ꓐꓰ ꓬꓲ ꓕꓲ ꓜꓴ ꓢꓴ ꓐꓴ ꓠꓬ ꓮ-ꓟꓰ-ꓣꓲ-ꓗ ꓗꓪ ꓙꓰ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓗꓳꓸ ꓗꓷ ꓟ 2022 ꓘꓳꓼ ꓗꓪ ꓥˍ ꓟꓲ ꓮ-ꓟꓰ-ꓣꓲ-ꓗ ꓗꓪ ꓔꓬ ꓟ ꓚꓧꓲꓠ ꓞꓳ ꓫꓵꓽ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓢꓴ ꓐꓴ ꓚꓧꓲꓠ ꓗꓴꓷꓼ ꓫꓴ ꓗꓪ ꓙꓰ ꓢꓲ ꓠ-ꓖ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓢꓴ ꓐꓴ ꓐꓰ ꓔꓯꓺ ꓡꓯ ꓘꓳˍ ꓕꓯ ꓠ-ꓖ ꓞꓳ ꓫꓵꓽ ꓐꓴ ꓕꓲꓽ ꓡꓯꓼ ꓫꓴ ꓟꓶ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=