ꓲ-ꓓꓳ-ꓠꓲ-ꓫ ꓗꓪ ꓡꓲ ꓕꓲ ꓟ ꓮ ꓔꓳꓸ ꓐꓬ ꓡꓰ ꓢꓲ ꓡ ꓞꓳ 13 ꓣꓳ ꓟꓽ ꓞꓲ ꓫꓵꓻꓡꓰ ꓟ ꓓꓳꓽ

Wednesday, October 26, 2022

ꓲ-ꓓꓳ-ꓠꓲ-ꓫ ꓗꓪ ꓡꓲ ꓕꓲ ꓟ ꓮ ꓔꓳꓸ ꓐꓬ ꓡꓰ ꓢꓲ ꓡ ꓞꓳ 13 ꓣꓳ ꓟꓽ ꓞꓲ ꓫꓵꓻꓡꓰ ꓟ ꓓꓳꓽ

ꓲ-ꓓꓳ-ꓠꓲ-ꓫ ꓗꓴꓷꓼ ꓐꓶ ꓓꓳ ꓕꓲ ꓛꓱ ꓗꓪ 10 ꓦ 24 ꓠꓬꓲ ꓠꓽ ꓕꓲ ꓠꓬꓲ ꓕꓯ ꓡ ꓞꓳ ꓮ ꓟꓬꓹ ꓜꓶ_ ꓟ ꓡꓲ ꓕꓲ ꓟ ꓮ ꓔꓳꓸ ꓐꓬ ꓡꓰ ꓢꓲ ꓡ ꓞꓳ 13 ꓣꓳ ꓟꓽ ꓞꓲ ꓫꓵꓻ ꓡꓰꓳ ꓐꓰ ꓙꓵꓽ ꓪꓴ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓐꓶ ꓓꓳ ꓠꓴ-ꓢ-ꓔ-ꓗꓮ ꓗꓴꓓꓼ ꓫꓴꓺ ꓕꓲ ꓛꓱ ꓗꓪ ꓡꓲ ꓮ ꓔꓳꓸ ꓐꓬ ꓡꓰ ꓢꓲ꓾ ꓖꓳ ꓗꓪ ꓜꓶ ꓡ ꓢꓲ ꓕꓲ ꓐꓱ ꓠꓬ ꓡꓲ ꓗꓪ ꓐꓰ ꓔꓷꓸ ꓞꓰ ꓡꓰ ꓟ ꓥꓳ= ꓬꓰ ꓙ ꓢꓴ ꓐꓴ ꓡꓰ ꓢꓯꓼ ꓕꓵꓼ ꓧꓪ ꓔꓬ ꓥ ꓟꓲ ꓙꓻ ꓫꓱꓽ ꓢꓴ ꓐꓰ ꓟꓬꓱꓽ ꓬꓰ ꓢꓴ 254 ꓣꓳ ꓗꓪ ꓐꓰ 241 ꓣꓳ ꓡꓰ ꓟꓽ ꓫꓵꓻ ꓟꓳ ꓡꓰ ꓟ ꓥꓳ ꓐꓰ ꓙꓵꓽ ꓪꓴ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ=

ꓡ ꓞꓳ 13 ꓣꓳ ꓫꓵꓻ ꓡꓰ ꓢꓲ 241 ꓣꓳ ꓔꓯ ꓙꓬ ꓫꓸ ꓓꓴ ꓟꓽ ꓙꓳ ꓟ ꓗꓪ ꓛꓵꓸ ꓦ ꓟ ꓥꓳ ꓕꓲ ꓐꓱ ꓔꓯ ꓠꓬ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓙꓰ ꓦ ꓢꓲ꓾ ꓮ ꓫꓵ ꓑꓶ ꓓꓴ ꓮ ꓔꓳꓸ ꓐꓬ ꓡꓰ ꓟ ꓔꓯ ꓟꓽ ꓐꓯ ꓑꓶ_ ꓢꓲ ꓟ ꓥꓳ=