ASEAN ꓗꓴꓷꓼ ꓙꓵꓽ ꓪꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ_ ꓟ ꓓꓳꓽ

• ASEAN ꓗꓴꓷꓼ ꓙꓵꓽ ꓪꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ_ ꓟ ꓓꓳꓽ

Cambodia ꓗꓴꓷꓼ ꓒ-ꓠꓱꓸ-ꓑꓲꓠ ꓡꓳ ꓒꓱ ASEAN ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓡ ꓟ ꓮꓢꓰꓮꓠ ꓗꓴꓷꓼ ꓙꓵꓽ ꓪꓴ ꓢꓴ ꓐꓴ ꓠꓬ ꓚꓮꓟꓐꓳꓓꓲꓮ ꓪ ꓔꓲ Norodom Sihamoni ꓔꓯ 11 ꓦ ꓟ 10 ꓠꓬꓲ ꓕꓯ ꓜꓲ ꓡꓰ ꓟ ꓥꓳ=

ꓪ ꓔꓲ Sihamoni ꓡꓰ ꓬꓲ ꓪ ꓔꓯ ꓘꓳꓹ ꓣꓴ ꓢꓲ ꓕꓲ ꓣꓳ ꓐꓰ ꓕꓲ ꓣꓳ ꓙꓵꓻ ꓢꓲ꓾ ꓙꓻ ꓡꓯꓼ ꓘꓳ ꓠꓹ ꓟ ꓙꓲ_ ꓟ ꓠꓲꓹ ꓟ ꓐꓰ ꓔꓱ ꓟ ꓠꓲꓹ ꓟ ꓙꓳ ꓠꓹ ꓟ ꓥꓳ ꓡꓳꓸ ꓔ ꓡꓳ ꓐꓰ ꓐꓯ ꓔ ꓡꓳ=

ꓟꓵꓽ ꓗꓳꓸ ꓓꓵ ꓓꓵ ꓗꓪ ꓐꓰ ꓗꓴꓷꓼ ꓙꓵꓽ ꓪꓴ ꓢꓴ ꓐꓴ ꓐꓰ ꓕꓲ ꓪꓼ American ꓗꓴꓷꓼ ꓙꓵꓽ ꓢꓲꓽ ꓒ Joe Biden ꓥ ꓟꓲ ꓜꓲꓼ ꓡ ꓟ ꓥꓳ= ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓚꓱꓹ ꓐꓰ ꓬ-ꓗ-ꓣꓲꓸ ꓗꓴꓷꓼ ꓫꓵꓽ ꓪꓴ ꓚꓱꓹ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓝꓮꓲ ꓫꓬꓹ ꓔꓴ ꓠꓹ ꓟ ꓚꓱꓹ ꓶꓻ ꓡꓯꓼ ꓟꓬꓱꓽ ꓚꓱꓹ ꓟꓵꓽ ꓘꓳꓼ ꓒꓳꓹ ꓡ ꓟ ꓑꓶ ꓓꓴ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓚꓱꓹ ꓕꓱ ꓡꓱ ꓫꓵ ꓧꓳꓽ ꓪꓴ ꓟꓴ ꓢꓲ ꓖꓪ ꓙꓱ ꓜꓲꓼ ꓓꓴ ꓥ ꓡꓳ=  

ꓖꓪ ꓙꓱ ꓜꓲꓼ ꓓꓴ ꓔꓯ Cambodia ꓗꓴꓷꓼ ꓒ-ꓠꓱꓸ-ꓑꓲꓠ ꓗꓪ ꓠꓬ 11 ꓦ 10 ꓠꓬꓲ ꓗꓪ ꓐꓰ 13 ꓠꓬꓲ ꓗꓪ ꓛꓲ ꓥ ꓢꓲ꓾ Indonesia ꓗꓪ ꓠꓬ 11 ꓦ 15 ꓠꓬꓲ ꓗꓪ ꓐꓰ 16 ꓠꓬꓲ ꓗꓪ ꓛꓲ G-20 ꓙꓵꓽ ꓪꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓥ ꓢꓲ꓾ 11 ꓦ 18 ꓠꓬꓲ ꓗꓪ ꓐꓰ 19 ꓠꓬꓲ ꓗꓪ ꓛꓲ Bangkok ꓗꓪ ꓮꓑꓰꓚ ꓖꓪ ꓙꓱ ꓜꓲꓼ ꓓꓴ ꓔꓯ ꓬꓰ ꓠꓹ ꓟ ꓥ ꓡꓳ=