Costa Rica ꓔꓲꓸꓸ ꓒ ꓓꓽ ꓡꓰ Mother Teresa ꓔꓲꓸꓸ ꓟ ꓜꓴ ꓐꓴ ꓔꓯ ꓘꓳꓹ ꓣꓴ_ ꓟ ꓓꓳꓽ

Costa Rica ꓔꓲꓸꓸ ꓒ ꓓꓽ ꓡꓰ Mother Teresa ꓔꓲꓸꓸ ꓟ ꓜꓴ ꓐꓴ ꓔꓯ ꓘꓳꓹ ꓣꓴ_ ꓟ ꓓꓳꓽ

Nicaragua ꓗꓴꓷꓼ ꓗꓪ ꓟꓽ ꓔꓬ ꓝꓲ_ ꓟ Mother Teresa (Missionaries of Charity) ꓔꓲꓸꓸ ꓟ ꓜꓴ ꓐꓴ ꓔꓯ Costa Rica ꓔꓲꓺ ꓒ ꓓ ꓡꓰ ꓠꓲꓹ ꓡꓱ ꓡꓱ ꓐꓰ ꓘꓳꓹ ꓣꓴ_ ꓟ ꓥꓳ=

Costa Rica ꓗꓴꓷꓼ Tilaran-Liberia ꓗꓪ ꓐꓰ ꓔꓲꓺ ꓒ ꓓ Eugenio Salazar Mora ꓠꓬ Nicaragua ꓗꓴꓷꓼ ꓙꓵꓽ ꓢꓲ ꓒꓽ Daniel Ortega ꓮ-ꓢꓳ-ꓬ ꓡꓰ ꓖꓼ ꓓꓳ ꓗꓷ ꓟ Mother Teresa (Missionaries of Charity) ꓔꓲꓸꓸ ꓟ ꓜꓴ ꓐꓴ ꓔꓯ 7 ꓦ 6 ꓠꓬꓲ ꓕꓯ ꓘꓳꓹ ꓣꓴ ꓟ ꓗꓪ ꓛꓲ ꓝꓲꓸ ꓖꓶ ꓢꓲ ꓘꓳꓹ ꓣꓴ_ ꓟ ꓥꓳ=

ꓬꓲꓸ ꓪ ꓠꓯꓼ ꓗꓪ ꓮ ꓫꓵꓽ ꓥꓳꓽ ꓡꓰ ꓓꓴ ꓥ ꓟꓲ ꓟꓽ ꓟꓳ ꓪ ꓟ꓾ ꓬꓲ ꓪ ꓠꓬ ꓤ ꓟꓶꓼ ꓤ ꓐꓴ ꓥ ꓟ꓾ ꓬꓲ ꓪ ꓠꓬ ꓠꓱꓸ ꓐꓯꓼ ꓢꓴ ꓬꓰ ꓟꓽ ꓐ ꓡ ꓟ ꓔꓯ ꓬꓰ ꓠꓹ ꓟ ꓐꓰ ꓫꓸ ꓢꓴ ꓟꓷꓼ ꓢꓴ ꓔꓯ ꓒꓵꓽ ꓛꓳ ꓠꓹ ꓟ ꓐꓱ ꓶ ꓬꓲ ꓪ ꓤꓶꓻ ꓔꓯ ꓡꓯꓼ ꓙꓱ ꓦ ꓢꓴ ꓢꓲ ꓫꓬ ꓢꓴ ꓜꓴ ꓥ ꓡꓳ ꓐꓰꓔꓲꓺ ꓒ ꓓ ꓡꓰ ꓐꓯ_ ꓡꓳ=

ꓖꓼ ꓓꓳ ꓗꓷ ꓟ ꓔꓲꓺ ꓟ 18 ꓣꓳ ꓗꓪ ꓠꓬ ꓲ-ꓓꓲ-ꓬ ꓞꓳ ꓫꓵꓽ 7 ꓣꓳ꓾ Mexican ꓞꓳ ꓫꓵꓽ 2 ꓣꓳ꓾ Philippine ꓞꓳ ꓫꓵꓽ 2 ꓣꓳ꓾ ꓗꓪ-ꓔꓲ-ꓟ-ꓡ ꓞꓳ ꓫꓵꓽ 2 ꓣꓳ꓾ ꓠꓲ-ꓗ-ꓬ-ꓖꓴ-ꓪ ꓞꓳ ꓫꓵꓽ 2 ꓣꓳ꓾ Spain ꓞꓳ ꓫꓵꓽ 1 ꓣꓳ꓾ ꓲ-ꓗꓪꓲ-ꓓ ꓞꓳ ꓫꓵꓽ 1 ꓣꓳ ꓐꓰ Vietnam ꓞꓳ ꓫꓵꓽ 1 ꓣꓳ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=