Indawgyi ꓗꓪ ꓟꓶꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓞꓳ ꓘꓹ ꓗꓪ ꓬꓲꓻ ꓙꓬ ꓓꓵꓽ ꓡ ꓟ ꓓꓳꓽ

Thursday, August 04, 2022

Indawgyi ꓗꓪ ꓟꓶꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓞꓳ ꓘꓹ ꓗꓪ ꓬꓲꓻ ꓙꓬ ꓓꓵꓽ ꓡ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓺ ꓟꓳ-ꓠꓬꓲꓸ ꓡꓳ ꓒꓱ Indawgyi ꓗꓪ 8 ꓦ 3 ꓠꓬꓲ ꓠꓯꓼ ꓠꓯꓼ 6 ꓙꓵꓹ ꓗꓪ ꓐꓰ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓞꓳ ꓘꓹ ꓘꓴꓽ ꓗꓪ ꓬꓲꓻ ꓙꓬ ꓓꓵꓽ ꓡ ꓡꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓟꓶꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓠꓮ-ꓟꓳ ꓬꓲꓻ ꓙꓬ ꓡꓳ ꓐꓰ ꓠꓮ-ꓔ ꓬꓲꓻ ꓙꓬ ꓡꓳ ꓗꓪ ꓐꓰ ꓬꓲꓻ ꓙꓬ ꓓꓯ ꓡ ꓟ ꓥ ꓢꓲ꓾ ꓠꓮ-ꓟꓳ ꓕꓲ ꓛꓱ ꓟꓲ ꓠꓯ ꓚꓯꓻ_ ꓟ ꓞꓳ ꓘꓹ ꓞꓳ ꓦꓲ ꓗꓪ ꓬꓲꓻ ꓙꓬ ꓓꓵꓽ ꓡ ꓟ ꓥꓳ=

ꓬꓲꓻ ꓙꓬ ꓓꓵꓽ ꓡ ꓟ ꓞꓳ ꓦꓲ ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓐꓴ ꓡꓰ ꓔꓬ ꓖꓴ ꓙ ꓖꓶ ꓦ ꓟ ꓥꓳ= ꓙ ꓖꓴ ꓗꓪ ꓥ ꓟꓲ ꓬꓲꓻ ꓙꓬ ꓙ ꓡ ꓟ ꓑꓶ ꓓꓴ ꓙꓺ ꓫꓱꓽ ꓢꓴ ꓐꓴ ꓙꓰ ꓢ ꓠꓹ ꓟ ꓐꓱ ꓶ ꓬꓰ ꓙ ꓔꓬ ꓡꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓕꓲ ꓣꓳ ꓡꓰ ꓐꓯ_ ꓡꓳ=