Momauk ꓟꓯꓼ ꓘꓰꓹ ꓑꓬ ꓢꓴ ꓑ ꓫꓬ ꓐꓴ ꓔꓯ ꓣꓱꓽ ꓫꓵ ꓣꓱꓽ ꓙꓰ ꓫ_ ꓟ ꓢꓷꓸ ꓠꓲꓹ ꓒꓴ ꓖꓶ_ ꓟ꓾

Friday, February 03, 2023

Momauk ꓟꓯꓼ ꓘꓰꓹ ꓑꓬ ꓢꓴ ꓑ ꓫꓬ ꓐꓴ ꓔꓯ ꓣꓱꓽ ꓫꓵ ꓣꓱꓽ ꓙꓰ ꓫ_ ꓟ ꓢꓷꓸ ꓠꓲꓹ ꓒꓴ ꓖꓶ_ ꓟ꓾

Kachin ꓗꓴꓷꓼ ꓫꓴꓺ Banmaw ꓟꓬꓱꓽ ꓬꓰ ꓜ ꓚꓱꓹ ꓜꓴꓻ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ Momauk ꓟꓯꓼ ꓘꓰꓹ ꓑꓬ ꓢꓴ ꓐꓴ ꓔꓯ ꓣꓱꓽ ꓫꓵ ꓣꓱꓽ ꓙꓰ ꓬꓰ_ ꓟ (10) ꓫꓵꓽ ꓢꓷꓸ ꓠꓲꓹ ꓢꓳ ꓜꓲꓼ ꓓꓴ ꓔꓯ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓸ ꓖꓶ_ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓢꓳ ꓜꓲꓼ ꓓꓴ ꓒꓴ ꓖꓶ_ ꓟ ꓗꓪ ꓐꓰ ꓬꓲ ꓪ ꓐ ꓡ_ ꓟ ꓶ ꓡꓯꓼ ꓟꓬꓱꓽ ꓬꓰ ꓐ ꓡ ꓠꓬ ꓬꓲ ꓪ ꓐꓱ ꓶ ꓒꓴ ꓓꓵꓽ ꓡ ꓚꓱꓹ ꓙꓳ ꓡ ꓠꓹ ꓟ꓾ ꓔꓬ ꓖ ꓗꓪ ꓶ ꓡꓯꓼ ꓟꓬꓱꓽ ꓚꓱꓹ ꓪꓴꓽ ꓟꓴ ꓡ ꓠꓹ ꓟ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ=

ꓕꓱ ꓟ ꓔꓯ 2 ꓦ 1 ꓠꓬꓲ ꓗꓪ ꓐꓰ 5 ꓠꓬꓲ ꓗꓪ ꓛꓲ ꓟꓸ ꓖꓶ ꓢꓲ꓾ ꓑ ꓫꓬ 20 ꓣꓳ ꓢꓳ ꓜꓲꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓬꓲ ꓪ ꓐꓱ ꓶ ꓮ ꓘꓶꓸ ꓙꓲ ꓖꓴ ꓙꓳ_ ꓟ ꓢꓳ ꓜꓲꓼ ꓓꓴ ꓥ ꓡꓳ꓾ ꓕꓱ ꓡꓱ ꓒꓴ ꓖꓶ ꓡ ꓠꓬꓲ ꓮ ꓘꓶꓸ ꓫ ꓟꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓐꓯ ꓔ ꓡꓳ=