Pakistan ꓗꓪ ꓟꓳ-ꓓꓳ ꓮ ꓔꓳꓸ ꓐꓬ ꓡꓰ ꓟ ꓑꓶ ꓓꓴ ꓬꓲꓻ ꓙꓬ ꓙꓵ_ ꓟ ꓐꓰꓘꓰꓹ ꓑꓬ ꓢꓴ 18 ꓣꓳ ꓫꓵꓻ ꓡꓰ ꓟ ꓓꓳꓽ

Friday, October 14, 2022

Pakistan ꓗꓪ ꓟꓳ-ꓓꓳ ꓮ ꓔꓳꓸ ꓐꓬ ꓡꓰ ꓟ ꓑꓶ ꓓꓴ ꓬꓲꓻ ꓙꓬ ꓙꓵ_ ꓟ ꓐꓰꓘꓰꓹ ꓑꓬ ꓢꓴ 18 ꓣꓳ ꓫꓵꓻ ꓡꓰ ꓟ ꓓꓳꓽ

ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓔꓬ ꓦꓲꓻ ꓗꓪ ꓐꓰ ꓘꓰꓹ ꓢꓲ꓾ ꓬꓲꓻ ꓙꓬ ꓬꓲ ꓡ ꓕꓯ ꓔꓬ ꓦꓲꓻ ꓗꓪ ꓡ ꓡ ꓢꓴ ꓐꓴ ꓜꓶ_ ꓟ ꓟꓳ-ꓓꓳ ꓮ ꓔꓳꓸ ꓐꓬ ꓡꓰ ꓟ ꓑꓶ ꓓꓴ 18 ꓣꓳ ꓟꓽ ꓞꓲ ꓫꓵꓻ ꓡꓰ ꓢꓲ 12 ꓣꓳ ꓠꓬ ꓤ ꓠꓱ ꓤ ꓥ ꓡꓳ ꓐꓰ ꓬꓰ ꓙ ꓢꓴ ꓐꓴ ꓡꓰ ꓠꓽ ꓡꓲꓸ ꓠꓬꓲ ꓕꓯ ꓐꓯ ꓔ ꓡꓳ=

ꓑ-ꓗꓲ-ꓢ-ꓔ ꓗꓴꓷꓼ ꓠꓬ ꓕꓱ ꓕꓲ ꓘꓳꓼ ꓟ ꓠꓬ ꓕꓱ ꓡꓱ ꓟꓽ ꓔꓳꓹ ꓜꓳ ꓠꓬꓲ ꓟ ꓟꓶꓽ ꓦ ꓮ ꓘꓶꓸ ꓦ ꓟ ꓗꓷ ꓡꓰ ꓟ ꓑꓶ ꓓꓴ ꓡ ꓞꓳ 8 ꓫꓬꓹ ꓛꓲ ꓠꓬ ꓔꓬ ꓦꓲꓻ ꓟꓶꓽ ꓡꓰ ꓟ꓾ ꓜ ꓓꓴ ꓓꓳ ꓓꓴ ꓫꓸ ꓔ ꓟ ꓗꓷ ꓡꓰ ꓢꓲ꓾ ꓐꓬ ꓡꓰ ꓓꓴ ꓮ ꓟꓬꓹ ꓙꓳ ꓡꓰ ꓟ ꓥꓳ=

ꓬꓲꓻ ꓙꓬ ꓜꓰ ꓡꓰ ꓟ ꓑꓶ ꓓꓴ ꓬꓲꓻ ꓙꓬ ꓘꓰꓹ ꓑꓬ ꓢꓴ ꓐꓴ ꓚꓲ ꓛꓬ ꓔꓬ ꓦꓲꓻ ꓗꓪ ꓡ ꓬꓰ ꓟ ꓙꓵꓹ ꓗ-ꓣ-ꓚꓲ ꓡꓳ ꓒꓱ ꓗꓪ ꓐꓰ ꓖꓴ ꓪꓴꓸ ꓕꓲ ꓛꓱ ꓗꓪ ꓙꓰ_ ꓟ ꓟꓳ-ꓓꓳ ꓮ ꓔꓳꓸ ꓐꓬ ꓡꓰ ꓢꓲ꓾ ꓙꓻ ꓫꓱꓽ ꓢꓴ ꓫꓵꓻ ꓡꓰ ꓟ ꓥꓳ ꓐꓰ ꓟꓯꓼ ꓐꓴ ꓡꓰ ꓐꓯ_ ꓡꓳ=

ꓟꓳ-ꓓꓳ Air-corn ꓙꓬ ꓡꓰ ꓟ ꓑꓶ ꓓꓴ ꓗꓷ ꓡꓰ ꓗꓴꓸ ꓥ ꓟꓲ ꓬꓲꓸ ꓚꓱꓹ ꓗꓼ ꓔꓯ ꓠꓬ ꓡ ꓟ ꓫꓵꓺ ꓚꓬꓹ ꓔꓬ ꓢꓰ ꓟ ꓥꓳ ꓐꓰ ꓟꓯꓼ ꓙꓵꓽ ꓪꓴꓽ ꓢꓴ Hashim Brohi ꓡꓰ ꓐꓯ ꓔ ꓡꓳ=