Peninsula ꓗꓴꓷꓼ ꓗꓪ ꓟꓵꓽ ꓡꓶꓽ ꓡ ꓟ ꓑꓶ ꓓꓴ 20 ꓣꓳ ꓟ ꓞꓲ ꓫꓵꓻ ꓡꓰ ꓟ ꓓꓳꓽ

• Peninsula ꓗꓴꓷꓼ ꓗꓪ ꓟꓵꓽ ꓡꓶꓽ ꓡ ꓟ ꓑꓶ ꓓꓴ 20 ꓣꓳ ꓟ ꓞꓲ ꓫꓵꓻ ꓡꓰ ꓟ ꓓꓳꓽ

Peninsula ꓗꓴꓷꓼ ꓗꓪ ꓟꓲꓽ ꓦ ꓮ ꓘꓶꓸ ꓦ ꓡ ꓟ ꓪꓴꓸ ꓠꓬꓲ ꓬꓲꓻ ꓙꓬ ꓡꓳ ꓓꓯ ꓡ ꓢꓲ ꓟꓵꓽ ꓡꓶꓽ ꓓꓴ ꓗꓷ ꓡꓰ ꓟ ꓑꓶ ꓓꓴ ꓡ ꓞꓳ 22 ꓣꓳ ꓛꓲ ꓫꓵꓻ ꓡꓰ ꓢꓲ 50 ꓣꓳ ꓟ ꓞꓲ ꓟꓶꓽ ꓡꓰ ꓢꓰ ꓡꓳ꓾ ꓟꓶꓽ ꓡꓰ ꓢꓴ ꓔꓯ ꓡ ꓟ ꓫꓵ ꓧꓪ ꓔꓬ ꓡꓳ ꓐꓰ ꓗꓴꓷꓼ ꓙꓵꓽ ꓢꓲꓽ ꓒꓽ ꓠꓬꓲ Delcy Rodriguez  ꓡꓰ ꓠꓽ ꓫꓵ ꓠꓬꓲ ꓕꓯ ꓐꓯ ꓔ ꓡꓳ=

ꓔꓬ ꓦꓲꓻ꓾ ꓙꓲ ꓔꓲ꓾ ꓙ ꓖꓴ ꓮ ꓟꓬꓹ ꓐꓬ ꓡꓰ ꓓꓴ ꓙꓳ_ ꓡꓳ ꓐꓰ ꓮꓝꓑ ꓓꓳꓽ ꓫꓵꓽ ꓣꓴ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ= ꓬꓰ ꓙ ꓠꓹ ꓟ ꓐꓱ ꓶ ꓥ ꓟꓲ ꓬꓰ ꓙ ꓢꓴ 1000 ꓣꓳ ꓛꓲ ꓬꓰ ꓙ ꓔꓬ ꓡꓳ ꓐꓰ ꓗꓴꓷꓼ ꓘꓴꓽ ꓗꓪ ꓐꓰ ꓢꓲꓽ ꓒꓽ Remigio Ceballos ꓡꓰ ꓐꓯ ꓔ ꓡꓳ=

ꓗꓴꓷꓼ ꓘꓴꓽ ꓗꓪ ꓬꓲꓻ ꓙꓬ ꓡꓳ ꓠꓬ 30 ꓘꓳꓼ ꓘꓴꓽ ꓗꓪ ꓬꓲꓻ ꓙꓬ ꓮ ꓘꓶꓸ ꓓꓯ ꓡ ꓓꓴ ꓗꓷ ꓡꓰ ꓟ ꓪꓴꓸ ꓠꓬꓲ ꓮ ꓟꓶ ꓡꓰ ꓐꓰ ꓟꓵꓽ ꓡꓶꓽ ꓡ ꓓꓴ ꓗꓷ ꓡꓰ ꓟ ꓥ ꓢꓲ꓾ ꓕꓱ ꓕꓲ ꓘꓳꓼ ꓟ ꓠꓬ ꓟꓬ ꓠꓬꓲ ꓗꓷ ꓡꓰ ꓡꓳ ꓐꓰ ꓢꓷꓸ ꓪ ꓡꓳ=