Singapore ꓗꓴꓷꓼ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓐꓱ ꓶ Cardinal ꓔꓲꓺ ꓒ ꓓꓽ ꓬꓲꓸ ꓪꓴꓸ ꓕꓲ ꓣꓳ ꓪ ꓟꓶ_ ꓟ ꓓꓳꓽ

Singapore ꓗꓴꓷꓼ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓐꓱ ꓶ Cardinal ꓔꓲꓺ ꓒ ꓓꓽ ꓬꓲꓸ ꓪꓴꓸ ꓕꓲ ꓣꓳ ꓪ ꓟꓶ_ ꓟ ꓓꓳꓽ

ꓡꓳꓹ ꓬꓰ ꓟ ꓙꓵꓹ ꓗꓪ ꓐꓮꓠꓗ ꓗꓪ ꓟꓬꓱꓽ ꓣꓱꓽ ꓢꓴ ꓕꓲ ꓣꓳ ꓥ ꓢꓲ꓾ ꓗ-ꓕꓳ-ꓡꓲꓗ ꓔꓲꓺꓒ ꓕꓲ ꓣꓳ ꓒꓬꓱꓼ ꓡ ꓟ ꓥꓳ= ꓮ ꓟꓶ Singapore ꓗꓴꓷꓼ ꓗꓪ ꓬꓲꓸ ꓪꓴꓸ ꓕꓲ ꓣꓳ ꓟ Cardinal ꓔꓲꓺ ꓒ ꓓꓽ William Goh Seng  Chye ꓠꓬ Singapore ꓗꓴꓷꓼ ꓔꓲꓺ ꓒ ꓓꓽ ꓜꓴ ꓗꓪ ꓪꓴꓸ ꓓꓵ ꓣꓱꓽ ꓠꓹ ꓟ ꓙꓵꓽ ꓪ ꓟꓶ ꓡꓰ ꓟ ꓥꓳ=

Singapore ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓔꓲꓺ ꓒ ꓐꓴ ꓛꓲ ꓡ ꓟ ꓘꓳꓼ ꓠꓬ 1821 ꓕꓯ ꓥ ꓢꓲ꓾ 1839 ꓘꓳꓼ ꓕꓯ ꓔꓲꓺ ꓒ  Jean-Marie Beurel ꓛꓲ ꓡ ꓟ ꓥꓳ= ꓬꓲꓸ ꓠꓬ Breton ꓔꓲꓺ ꓒ ꓜꓴ ꓔꓲꓺ ꓒ ꓕꓲ ꓣꓳ ꓥ ꓡꓳ= ꓐꓯ ꓠꓬ ꓬꓲ ꓠꓬ Singapore ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓢ-ꓢꓶ-ꓠ ꓟꓬ ꓡ ꓠꓹ ꓟ ꓢꓯꓼ ꓕꓵꓼ ꓖꓶ ꓢꓴ ꓔꓲꓺ ꓒ ꓕꓲ ꓣꓳ ꓥ ꓡꓳ=

Cardinal ꓔꓲꓺ ꓒ ꓓꓽ William Goh Seng Chye ꓔꓯ ꓠꓬ 1957 ꓘꓳꓼ ꓕꓯ Singapore ꓗꓴꓷꓼ ꓗꓪ ꓒꓬꓱꓽ ꓟꓳ ꓟ ꓥꓳ= 1985 ꓘꓳꓼ ꓕꓯ ꓣꓳ-ꓟ Urban ꓢꓷꓸ ꓠꓲꓹ ꓙꓳ ꓗꓪ Theology ꓔꓯ ꓕꓲ ꓘꓳꓼ ꓛꓲ ꓢꓷꓸ ꓠꓲꓹ ꓙ ꓜꓲꓼ ꓓꓳ ꓡꓰ ꓗꓸ ꓠꓯꓸ ꓔꓬ ꓟꓵꓽ ꓗꓪ ꓬꓯꓼ ꓡ ꓢꓲ꓾ 5 ꓦ 1 ꓠꓬꓲ ꓕꓯ ꓔꓲꓺ ꓒ ꓙꓵꓽ ꓪ ꓟꓶ ꓡꓰ ꓟ ꓥꓳ= 200 ꓘꓳꓼ ꓡꓳꓹ ꓬꓰ ꓗꓸ ꓠꓯꓸ Singapore ꓗꓴꓷꓼ ꓗꓪ ꓬꓲꓸ ꓪꓴꓸ ꓕꓲ ꓣꓳ ꓟ Cardinal ꓔꓲꓺ ꓒ ꓓꓽ William Goh Seng  Chye  ꓥ ꓡꓳ=