Typhoon Noro ꓟꓶꓽ ꓦꓲ ꓕꓳꓽ ꓥꓳꓽ ꓑꓶ ꓓꓴ ꓡ ꓞꓳ ꓮ ꓟꓬꓹ ꓘꓰꓹ ꓑꓬ ꓠ ꓗꓷ ꓡꓰ ꓟ ꓓꓳꓽ

• Typhoon Noro ꓟꓶꓽ ꓦꓲ ꓕꓳꓽ ꓥꓳꓽ ꓑꓶ ꓓꓴ ꓡ ꓞꓳ ꓮ ꓟꓬꓹ ꓘꓰꓹ ꓑꓬ ꓠ ꓗꓷ ꓡꓰ ꓟ ꓓꓳꓽ

Typhoon Noro ꓠꓬ (20) ꓘꓳꓼ ꓘꓴꓽ ꓗꓪ Vietnam ꓐꓱ ꓶ ꓢꓯꓼ ꓮ ꓘꓶꓸ ꓙꓳ_ ꓟ ꓟꓶꓽ ꓦꓲ ꓕꓳꓽ ꓥꓳꓽ ꓕꓲ ꓟ ꓗꓷ ꓡꓰ ꓢꓲ ꓟꓶꓽ ꓦꓲ ꓕꓳꓽ ꓥꓳꓽ ꓑꓶ ꓓꓴ ꓙꓱ ꓦꓲꓻ ꓚꓱꓹ ꓥ ꓟꓲ ꓟꓽ ꓙꓰ ꓡ ꓞꓳ 8 ꓫꓬꓹ ꓛꓲ ꓥ ꓟꓲ ꓘꓰꓹ ꓑꓬ ꓠ ꓗꓷ ꓡꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=

9 ꓦ 27 ꓠꓬꓲ ꓗꓸ ꓠꓯꓸ ꓠꓳꓣꓳ ꓟꓶꓽ ꓦꓲ ꓕꓳꓽ ꓥꓳꓽ ꓙꓱꓼ_ ꓟ ꓠꓬ 1 ꓠ ꓣꓲ 113 ꓟꓲꓡꓰ ꓗꓪ ꓛꓲ ꓙꓳ ꓢꓲ ꓡ ꓞꓳ 8 ꓣꓳ ꓟꓽ ꓞꓲ ꓫꓵꓻ ꓡꓰ ꓟ꓾ ꓝꓮꓲ ꓟꓽ ꓞꓲ ꓬꓲꓻ ꓙꓬ ꓮ ꓟꓬꓹ ꓙꓵ_ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=

ꓮ ꓟꓲ ꓟꓶꓽ ꓘꓶꓼ ꓙꓵꓹ ꓕꓯ Vietnam ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓓꓳ ꓗꓸ ꓠꓯꓸ ꓔꓬ ꓦꓲꓻ ꓢꓲꓹ ꓜꓲ ꓐꓰ ꓮ ꓔꓳꓸ ꓕꓶꓹ ꓥ ꓟꓲ ꓮ ꓟꓬꓹ ꓐꓬ ꓡꓰ ꓟ ꓔꓯ ꓟꓳ ꓪ ꓡꓳ=