X’ mas ꓦꓬꓼ ꓠꓬꓲ ꓘꓴꓽ ꓗꓪ Mandalay ꓔꓲꓺ ꓒ ꓓꓽ ꓢ-ꓢꓶ-ꓠ ꓗꓪ ꓛꓳ ꓠꓹ ꓟ ꓚꓱꓹ ꓔꓯ ꓔꓲꓺ ꓒ ꓓꓽ Marco Tin Win ꓡꓰ ꓐꓯ ꓑꓶ_ ꓟ ꓓꓳꓽ

Archbishop Marco Tin Win

Friday, November 25, 2022

X’ mas ꓦꓬꓼ ꓠꓬꓲ ꓘꓴꓽ ꓗꓪ Mandalay ꓔꓲꓺ ꓒ ꓓꓽ ꓢ-ꓢꓶ-ꓠ ꓗꓪ ꓛꓳ ꓠꓹ ꓟ ꓚꓱꓹ ꓔꓯ ꓔꓲꓺ ꓒ ꓓꓽ Marco Tin Win ꓡꓰ ꓐꓯ ꓑꓶ_ ꓟ ꓓꓳꓽ

Mandalay ꓔꓲꓺ ꓒ ꓓꓽ ꓙꓵꓽ ꓔꓶꓸ ꓗꓪ ꓔꓲꓺ ꓒ ꓓꓽ Marco Tin Win ꓡꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓛꓳ ꓠꓹ ꓟ ꓚꓱꓹ ꓐꓯ ꓑꓶ_ ꓗꓷꓳ=

ꓔꓲꓺ ꓒ ꓓꓽ ꓡꓰ ꓬꓲ ꓡꓰ ꓐꓯ ꓑꓶ_ ꓟ ꓗꓪ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓖꓳ ꓓꓱ ꓗꓹ ꓛꓲ_ ꓟ ꓡꓰ ꓟꓽ ꓞꓲ ꓣꓳ ꓠꓲꓹ ꓟ ꓔꓯ ꓙꓽ ꓖꓶ ꓠꓹ ꓟ꓾ ꓝꓴꓲ ꓣꓷꓠꓸ ꓠꓹ ꓟ꓾ ꓟꓲ-ꓢ ꓪꓽ ꓘꓴ ꓟ ꓗꓪ ꓐ ꓠꓹ ꓟ꓾ ꓢꓲ ꓫꓬ ꓕꓳ ꓶ ꓵ ꓠꓹ ꓟ꓾ ꓢꓲ ꓡꓲꓹ ꓐꓰ ꓪꓽ ꓘꓴ ꓠꓹ ꓟ꓾ ꓣꓳꓢꓮꓣꓬ ꓵ ꓠꓹ ꓟ꓾ ꓣꓱ ꓬꓯꓼ ꓢꓴ ꓔꓯ ꓬꓰ ꓙ ꓠꓹ ꓟ ꓢꓯꓼ ꓖꓶ_ ꓟ ꓥꓳ=

ꓙꓲ-ꓢꓴ ꓢꓲ ꓤ ꓦꓵ ꓡ_ ꓟ ꓦꓬꓼ ꓠꓬꓲ ꓔꓯ ꓡꓳꓸ ꓔꓬ ꓟ ꓡꓰ ꓐꓰ ꓫ’ꓟꓮꓢ ꓠꓳꓦꓮꓠꓮ ꓔꓯ ꓥ ꓟꓲ 12 ꓦ 17 ꓠꓬꓲ ꓕꓯ ꓬꓰ ꓠꓹ ꓟ꓾ ꓫ’ꓟꓮꓢ ꓟꓴ ꓖꓪ ꓟꓽ ꓖꓪ ꓚꓳ ꓠꓹ ꓟ꓾ ꓗꓹ ꓛꓲ_ ꓟ ꓑꓮꓲ ꓔꓯ ꓤ ꓟꓳ ꓠꓹ ꓟ꓾ ꓫ’ꓟꓮꓢ ꓙꓵꓹ ꓗꓪ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓜ ꓠꓬꓲ ꓓꓳ ꓠꓬꓲ ꓗꓹ ꓛꓲ ꓠꓬꓲ ꓬꓰ_ ꓟ ꓞꓳ ꓙꓱꓽ ꓔꓯ ꓢꓳꓚꓲꓮꓡ ꓟꓰꓓꓲꓮ ꓗꓪ ꓟꓽ ꓛꓰꓹ ꓠꓹ ꓟ꓾ ꓪꓽ ꓘꓴ ꓦꓲꓻ ꓔꓯ ꓟꓽ ꓐꓲ ꓫꓴ ꓠꓹ ꓟ ꓔꓲꓺ ꓒ ꓐꓴ ꓔꓲꓺ ꓟ ꓐꓴ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓐꓯ ꓔ ꓡꓳ=

ꓕꓱ ꓟ ꓠꓬ ꓗꓴꓷꓼ ꓫꓵꓽ ꓪꓴ ꓑꓶ ꓓꓴ ꓔꓬ ꓦꓲꓻ ꓐꓬ ꓡꓰ ꓢꓴ ꓘꓰꓹ ꓑꓬ ꓔꓬ ꓢꓴ ꓑ ꓫꓬ ꓐꓴ ꓐꓰ ꓕꓲ ꓪꓼ ꓔꓬ ꓟ ꓔꓯ ꓟꓸ ꓖꓶ_ ꓟ ꓥꓳ ꓐꓰ ꓐꓯ_ ꓡꓳ=