ꓑꓳꓸꓸ (ꓡ ꓛꓴꓸ) ꓗꓪ ꓐꓰ ꓬꓰ ꓟꓽ ꓐ ꓡ ꓟ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓪꓽ ꓘꓴ ꓓꓴ ꓬꓰ ꓡꓯ=

ꓑꓳꓸꓸ (ꓡ ꓛꓴꓸ) ꓗꓪ ꓐꓰ ꓬꓰ ꓟꓽ ꓐ ꓡ ꓟ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓪꓽ ꓘꓴ ꓓꓴ ꓬꓰ ꓡꓯ=

5 ꓦ 8 ꓠꓬꓲ ꓠꓽ ꓫꓵꓽ ꓠꓬꓲ ꓕꓯ ꓔꓲꓸꓸ ꓒ ꓪ ꓔꓲ ꓡꓰ St. Peter ꓪꓽ ꓘꓴ ꓦꓲꓸꓹ ꓓꓽ ꓗꓪ Regina Coeli ꓪꓽ ꓘꓴ ꓙꓵꓹ ꓕꓯ ꓟꓯꓼ ꓢꓰꓼ_ ꓟ ꓑꓳꓸꓸ (ꓡ ꓛꓴꓸ) ꓗꓪ ꓐꓰ ꓬꓰ ꓟꓽ ꓐ ꓡ_ ꓟ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶ_ ꓡꓳ=

ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓕꓲꓽ ꓖ ꓡꓰ ꓕꓲꓽ ꓖ ꓗꓪ ꓟꓯꓼ ꓢꓰꓼ ꓡꓯꓼ ꓘꓳ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓟꓹ ꓟ ꓟ-ꓡꓲ ꓟꓲ ꓙꓬ ꓗꓪ ꓛꓲ ꓝꓲꓸ ꓖꓶꓽ ꓢꓲ-ꓸ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓟꓹ ꓟ ꓟ-ꓡꓲ ꓔꓯ ꓙꓵꓸꓹ ꓠꓹ ꓟ ꓐꓱ ꓶ ꓢꓯꓼ ꓖꓶ_ ꓡꓳ= ꓕꓱ ꓕꓲꓽ ꓙꓵꓹ ꓠꓬ ꓟꓹ ꓟ ꓟ-ꓡꓲ ꓠꓯꓼ ꓗꓪ ꓔꓱ_ ꓟ ꓙꓵꓸꓹ ꓠꓲꓹ ꓐꓰ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓶꓽ ꓓꓰ ꓪꓽ ꓘꓴ ꓠꓹ ꓟ ꓥ ꓡꓳ= ꓟꓹ ꓟ ꓟ-ꓡꓲ ꓡꓰ ꓢꓲ ꓡꓲꓹ ꓗꓹ ꓛꓲ ꓓꓴ ꓖꓶ ꓠꓹ ꓟ ꓐꓱ ꓶ ꓮ ꓘꓶꓸ ꓪꓽ ꓘꓴ ꓠꓹ ꓟ ꓢꓯꓼ ꓖꓶ_ ꓡꓳ=

“ꓟꓯꓼ ꓢꓰꓼ ꓡꓯꓼ ꓘꓳ ꓟ ꓑꓶ ꓓꓴ ꓫꓸ ꓓꓴ ꓟꓶꓽ ꓓꓴ ꓔꓳꓹ ꓜꓳ ꓔꓬ ꓢꓴ ꓬꓴ-ꓗ-ꓣꓲꓸ ꓑ ꓫꓬ ꓐꓴ ꓟꓬ ꓐꓲꓸꓸ ꓓꓳ ꓢꓲ ꓫꓸ ꓜꓲꓽ ꓔꓬ ꓟ ꓮ ꓙꓵꓽ ꓔꓯ ꓟꓹ ꓟ ꓟ-ꓡꓲ ꓔꓯ ꓡꓯꓼ ꓙꓱ_ ꓥꓳ” ꓐꓰ ꓥ ꓟꓲ ꓪꓽ ꓘꓴ ꓖꓶ_ ꓥꓳ= ꓟꓶꓸꓸ ꓡꓰ ꓟ ꓠꓲꓹ ꓟ ꓐꓰ ꓟꓯꓼ ꓢꓰꓼ ꓪꓴꓸ ꓔꓴ ꓢꓲ ꓟꓯꓼ ꓘꓴꓽ ꓗꓪ ꓫ ꓓꓴ ꓔꓳꓹ ꓜꓳ ꓔꓬ ꓢꓴ ꓮ ꓙꓵꓽ ꓢꓲ ꓡꓲꓹ ꓗꓹ ꓛꓲ ꓓꓴ ꓟꓶ ꓠꓹ ꓟ ꓐꓱ ꓶ ꓕꓲ ꓠꓬꓲ ꓡꓲ ꓕꓲ ꓠꓬꓲ Rosary ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓥ ꓟꓲ ꓢꓯꓼ ꓖꓶ_ ꓡꓳ=

“ ꓬꓲ ꓪ ꓠꓬ ꓢꓲ ꓡꓲꓹ ꓗꓹ ꓛꓲ_ ꓟ ꓔꓯ ꓠꓲꓹ ꓫꓵ_ ꓟ-ꓸ ꓑ ꓫꓬ ꓐꓴ ꓠꓲꓹ ꓫꓵ_ ꓟ ꓔꓯ ꓓꓵꓽ ꓙ ꓙ ꓡꓰ ꓝꓲ ꓑꓳꓸꓸ (ꓡ ꓛꓴꓸ) ꓗꓪ ꓐꓰ ꓮ ꓕꓯ ꓡꓰ ꓢꓲ ꓡꓲꓹ ꓗꓹ ꓛꓲ ꓓꓴ ꓟꓽ ꓟꓶꓸꓸ ꓡ ꓟ ꓔꓯ ꓥ ꓟꓲ ꓢꓷꓸ ꓡꓰ ꓝꓲ” ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓐꓯ ꓔ ꓡꓳ= ꓪꓴ-ꓢ ꓡꓰ ꓬꓲ ꓢꓲ ꓫꓬ ꓟ-ꓦ ꓔꓯ ꓝꓲ ꓩꓴ ꓗꓷ ꓟ ꓠ ꓕꓱ ꓡꓱ ꓢꓰꓼ ꓡꓯꓼ ꓘꓳ_ ꓟ ꓠꓬ ꓟꓲ ꓠꓯ ꓡ ꓞꓳ ꓔꓯ  ꓒꓬ ꓡꓰ ꓝꓲ ꓡꓳ ꓐꓯ ꓟ ꓔꓯ ꓢꓷꓸ ꓡꓰ ꓝꓲ ꓐꓰ ꓪꓽ ꓘꓴ ꓙ ꓢꓲ-ꓸ ꓔꓲꓸꓸ ꓒ ꓪ ꓔꓲ ꓡꓰ ꓶꓽ ꓓꓳ ꓫꓱꓸ ꓓꓳ ꓔꓯ ꓬꓲꓸ ꓟꓶꓽ ꓢꓰꓼ ꓗꓷ_ ꓡꓳ=