ꓔꓲꓸꓸ ꓒ ꓪ ꓔꓲ ꓡꓰ ꓟꓹ ꓟ ꓟ-ꓡꓲ ꓔꓯ ꓔꓯꓸꓸ ꓢꓳ ꓠꓹ ꓟ ꓐꓯ_ ꓡꓳ=

ꓔꓲꓸꓸ ꓒ ꓪ ꓔꓲ ꓡꓰ ꓟꓹ ꓟ ꓟ-ꓡꓲ ꓔꓯ ꓔꓯꓸꓸ ꓢꓳ ꓠꓹ ꓟ ꓐꓯ_ ꓡꓳ=

ꓔꓲꓸꓸ ꓒ ꓪ ꓔꓲ ꓡꓰ ꓟꓹ ꓟ ꓟ-ꓡꓲ ꓠꓯꓼ ꓗꓪ ꓤ ꓠꓱ ꓶꓸꓹ ꓡꓰ ꓟ ꓗꓪ ꓐꓰ ꓬꓲ ꓙ ꓣꓳꓽ_ ꓟ ꓠꓲꓹ ꓟ ꓔꓯ ꓔꓯꓸꓸ ꓢꓳ ꓠꓹ ꓟ ꓪꓴ-ꓢ ꓟꓬꓺ ꓢꓲꓽ ꓗꓪ  ꓚꓵ ꓣꓴ ꓢꓴ ꓠꓬ ꓙ ꓣꓳꓽ ꓟ ꓠꓲꓹ ꓟ ꓙꓳ ꓢꓴ ꓡꓰ ꓥꓳ ꓐꓰ ꓔꓲꓺ ꓒ ꓪ ꓔꓲꓸ ꓡꓰ ꓐꓯ_ ꓡꓳ=

ꓶ ꓤ ꓫꓱꓸ ꓤ ꓣꓱ ꓛꓰ ꓐꓲ ꓞꓼ_ ꓟ

ꓟꓴ ꓗꓪ ꓝꓲ ꓓꓴ ꓡꓰ ꓟ-ꓡꓲ ꓔꓯ “ꓣꓱ ꓛꓰ ꓟꓶ ꓢꓴꓳ-ꓸ ꓧꓪꓸ ꓧꓪꓸꓼ” ꓐꓰ ꓐꓯ_ ꓡꓳ= ꓕꓱ ꓟ ꓠꓬ ꓬꓲ ꓠꓬ ꓝꓴꓲ ꓢꓲ ꓫꓬ ꓢꓴ ꓥ ꓟ ꓐꓰ ꓐꓯ_ ꓟ ꓥ ꓡꓳ= ꓟ-ꓡꓲ ꓠꓬ ꓟꓴ ꓗꓪ ꓝꓲ ꓓꓴ ꓡꓰ ꓒꓵꓽ ꓗ ꓐꓯ ꓘꓶꓽ ꓕꓱ ꓟ ꓔꓯ ꓮꓽ ꓘꓶꓸ ꓓꓵꓽ ꓙ ꓟꓶ_ ꓟ ꓐꓰ ꓬꓲ ꓙ ꓣꓳꓽ_ ꓟ ꓠꓲꓹ ꓟ ꓔꓯ ꓔꓲꓸꓸ ꓒ ꓪ ꓔꓲ ꓡꓰ ꓐꓯ_ ꓡꓳ=

ꓬꓲ ꓚꓲ ꓛꓬ ꓡꓲꓹ ꓙꓰ_ ꓟ

ꓕꓱ ꓟ ꓗꓪ ꓐꓰ ꓟꓹ ꓟ ꓟ-ꓡꓲ ꓠꓲꓹ ꓟ ꓔꓯ ꓓꓵꓽ ꓙ ꓟꓶ ꓓꓴ ꓕꓱ ꓡꓱ ꓣꓳ ꓟꓳ ꓪ_ ꓡꓳ= ꓬꓲ ꓠꓬ ꓶꓽ ꓓꓰꓽ_ ꓟ ꓟꓽ ꓙꓳ-ꓸ  ꓬꓲ ꓚꓲ ꓚꓬ ꓠꓲꓹ ꓟ ꓔꓯ ꓙ ꓣꓳꓽ ꓢꓲ-ꓸ ꓪꓴ-ꓢ ꓗꓪ ꓐꓰ ꓬꓲ ꓡꓰ ꓶ ꓤ ꓫꓱꓸ ꓤ ꓣꓱꓽ ꓛꓰ ꓔꓯ ꓘꓳꓹ ꓣꓴ ꓟꓶ_ ꓟ ꓔꓯ ꓬꓲ ꓡꓰ ꓢꓷꓸ ꓔ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓐꓯ_ ꓡꓳ= ꓬꓲ ꓠꓬ ꓬꓲ ꓚꓲ ꓛꓬ ꓗꓪ ꓐꓰ ꓡꓲꓹ ꓙꓰ ꓢꓲ-ꓸ ꓪꓴ-ꓢ ꓐꓰ ꓠꓱꓸ ꓐꓯꓼ ꓢꓴ ꓠꓯꓼ ꓗꓪ ꓪꓴꓸ ꓔꓴ_ ꓟ ꓥꓳ= ꓕꓱ ꓟ ꓠꓬ ꓔꓱ_ ꓟ ꓙ ꓣꓳꓽ ꓠꓲꓹ ꓥ ꓡꓳ ꓐꓰ ꓐꓯ_ ꓡꓳ=

ꓬꓲ ꓠꓬ ꓮ ꓕꓯ ꓥ ꓟꓲ ꓣꓳ ꓔꓯ ꓟꓽ ꓡꓳ ꓒꓰꓹ

ꓔꓲꓸꓸ ꓒ ꓪ ꓔꓲ ꓡꓰ ꓶꓽ ꓓꓳ ꓫꓱꓸ ꓓꓳ ꓬꓲꓸ ꓟꓶꓽ ꓗꓪ ꓠꓬ “ ꓶ ꓤ ꓫꓱꓸ ꓤ ꓐꓱ ꓶ ꓟꓳꓓꓳꓠꓠꓮ ꓔꓯ ꓶꓽ ꓓꓰꓽ” ꓐꓰ ꓐꓯ_ ꓡꓳ= ꓢꓲ ꓫꓬꓹ ꓟ ꓠꓬ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯꓸ ꓔꓬ ꓟ ꓒꓬꓱꓼ ꓔꓬ ꓟ ꓗꓪ ꓚꓲ ꓛꓬ ꓙ ꓣꓳꓽ_ ꓟ ꓠꓲꓹ ꓟ ꓐꓰ ꓔꓬ ꓠꓹ ꓟ ꓐꓰ ꓪꓴ-ꓢ ꓐꓰ ꓣꓳ ꓠꓶꓽ ꓞꓹ ꓢꓴ ꓔꓯ ꓞꓲ ꓡꓯꓼ ꓘꓳ_ ꓟ ꓠꓬ ꓣꓳ ꓚꓲ ꓛꓬ ꓡꓲꓹ ꓙꓰ_ ꓟ ꓥ ꓡꓳ ꓐꓰ ꓐꓯ_ ꓡꓳ=

“ ꓣꓳ ꓠꓬ ꓠꓲꓹ ꓟ ꓟꓽ ꓒꓬ ꓔꓬ ꓡꓯ”  ꓟꓹ ꓟ ꓟ-ꓡꓲ ꓔꓯ ꓶꓽ ꓓꓰꓽ_ ꓠꓬ ꓬꓰ ꓙ ꓡ ꓥꓳ ꓐꓰ ꓐꓯ ꓢꓲ ꓶ ꓓꓳ ꓫꓱꓸ ꓓꓳ ꓔꓯ ꓬꓲꓸ ꓟꓶꓽ ꓢꓲꓼ ꓗꓷ_ ꓡꓳ=