ꓔꓲꓸꓸ ꓒ ꓪ ꓔꓲ ꓡꓰ 6 ꓦ ꓐꓱ ꓶ ꓔꓶꓸꓹ ꓙꓱꓼ ꓠꓬ ꓕꓲ ꓦꓲ ꓡ ꓞꓳ ꓐꓱ ꓶ ꓪꓽ ꓘꓴ ꓙ ꓠꓹ ꓟ

ꓕꓲ ꓦꓲ ꓡ ꓞꓳ ꓐꓱ ꓶ ꓪꓽ ꓘꓴ ꓙ ꓠꓹ ꓟ

                ꓕꓲꓽ ꓦꓲ ꓡ ꓞꓳ ꓐꓯ_ ꓟ ꓠꓬ ꓞꓲꓼ ꓣꓳꓸꓸ ꓢꓴ ꓐꓰ ꓞꓲꓼ ꓪꓴꓽ ꓢꓴ ꓕꓲ ꓣꓳ ꓐꓰ ꓕꓲ ꓣꓳ ꓪ ꓜꓲ ꓢꓷꓸ ꓡꓰ ꓠꓹ ꓟ ꓬꓰ ꓠ ꓔ ꓟ ꓬꓲꓸ ꓔꓶꓸ ꓥ ꓡꓳ= ꓞꓳ ꓡꓱ ꓞꓲꓼ ꓪꓴ ꓢꓴ ꓞꓳ ꓟꓳ ꓤ ꓠꓱ ꓤ ꓕꓱ ꓡꓱ ꓟꓽ ꓪ_ ꓟ ꓤꓶꓸꓹ ꓕꓲꓽ ꓠꓲꓹ ꓕꓲ ꓪꓼ ꓔꓬ ꓟ ꓔꓯ ꓣꓳ ꓤꓶꓸꓹ ꓔꓯ ꓥꓳꓽ ꓗꓪ ꓐꓰ ꓶꓽ ꓓꓳ ꓫꓱꓸ ꓓꓳ ꓚ_ ꓟ ꓥꓳ= ꓥ ꓡꓳ-ꓸ ꓐꓲ ꓜꓲꓼ_ ꓟ ꓕꓲꓽ ꓦꓲ ꓡ ꓞꓳ ꓠꓬ ꓟꓽ ꓔꓬ-ꓸ “ꓖꓳ ꓡꓱ ꓥ ꓟꓲ” ꓐꓯ_ ꓟ ꓕꓱ ꓐꓯ ꓘꓶꓽ ꓮ ꓘꓶꓸ ꓙꓳ_ ꓡꓳ= ꓖꓳ ꓡꓱ ꓥ ꓟꓲ ꓕꓱ ꓟ ꓠꓬ ꓟꓽ ꓣꓳꓸ ꓚꓵ_ ꓟ ꓥꓳ= ꓣꓳ ꓬꓰ ꓥꓳꓽ ꓡ ꓓꓴ ꓟ ꓔꓯ ꓟꓽ ꓙꓳ ꓙꓳ-ꓸ ꓣꓳ ꓖꓳ ꓗꓪ ꓐꓰ ꓝꓮꓲ ꓢꓷꓸ ꓠꓲꓹ ꓣꓴ ꓢꓲ-ꓸ ꓙꓸꓹ ꓫꓱꓽ ꓠꓹ ꓟ ꓥꓳ= ꓣꓳ ꓕꓲꓽ ꓦꓲ ꓡ ꓞꓳ ꓣꓳ ꓠꓶꓽ ꓛꓳ ꓕꓲꓽ ꓛꓳ ꓣꓳ ꓮ ꓡꓰ ꓕꓲ ꓔꓶꓸ ꓗꓪ ꓔꓬ ꓥ ꓟꓲ ꓪꓴ-ꓢ ꓠꓬ ꓣꓳ ꓐꓰ ꓔꓬ ꓟ ꓔꓯ ꓓꓵꓽ ꓙ ꓠ ꓔ ꓡꓳ= ꓬꓲ ꓠꓬ ꓮ ꓕꓯ ꓥ ꓟꓲ ꓣꓳ ꓔꓯ ꓡꓳꓸ ꓙ ꓔ ꓙ_ ꓡꓳ= ꓣꓳ ꓐꓯ ꓔꓳꓹ ꓡꓯꓼ ꓘꓳ_ ꓟ ꓙꓵ-ꓸ ꓣꓳ ꓫꓸ ꓔꓬ ꓟ ꓙꓵꓹ-ꓸ ꓗꓹ ꓛꓲ_ ꓟ ꓙꓵꓹ ꓗꓪ ꓥ ꓟꓲ ꓮ ꓕꓯ ꓥ ꓟꓲ ꓣꓳ ꓐꓰ ꓔꓬ ꓢꓲ ꓬꓰ ꓙ_ ꓟ ꓥꓳ= ꓕꓲ ꓦꓲ ꓡ ꓞꓳ ꓠꓵ ꓠꓲꓹ ꓠꓬ ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓐꓱ ꓶ ꓚꓲꓸ ꓛꓬ ꓤꓶꓸꓹ ꓗꓪ ꓢꓲ ꓫꓬ ꓟ ꓐꓰ ꓙꓸꓹ ꓫꓱꓽ ꓠꓹ ꓟ ꓚꓱꓹ ꓥ ꓡꓳ= ꓖꓳ ꓟ ꓑꓶ ꓓꓴ ꓕꓱ ꓕꓲ ꓦ ꓠꓬ ꓕꓲꓽ ꓦꓲ ꓡ ꓞꓳ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓔꓶꓸꓹ ꓙꓱꓼ ꓐꓯ ꓔ ꓟ ꓥꓳ= ꓙꓲ-ꓢꓴ ꓢꓲ ꓤ ꓕꓲ ꓦꓲ ꓡ ꓞꓳ ꓐꓱ ꓶ ꓪꓼ ꓘꓴ ꓙ-ꓸ ꓬꓲꓸ ꓪ ꓗꓳꓹ ꓡꓳ ꓗꓪ ꓠꓵ ꓠꓲꓹ ꓐꓲ ꓜꓲꓼ ꓢꓲ ꓦꓲ ꓘꓴꓽ ꓗꓪ ꓢꓲ ꓡꓲꓹ ꓔꓬ ꓪ ꓠꓹ ꓟ ꓪ ꓘꓴ ꓙ ꓓꓴ ꓬꓰ ꓡꓯ=