ꓔꓲꓺ ꓒ ꓪ ꓔꓲꓸ ꓝꓣꓮꓠꓚꓲꓢ ꓟꓬꓽ-ꓟ ꓗꓴꓷꓼ ꓐꓱ ꓶ ꓢꓯꓼ ꓖꓶꓽ ꓘꓶꓽ

Pope Francis image in Art.

Monday, May 17, 2021

ꓔꓲꓺ ꓒ ꓪ ꓔꓲꓸ ꓝꓣꓮꓠꓚꓲꓢ ꓟꓬꓽ-ꓟ ꓗꓴꓷꓼ ꓐꓱ ꓶ ꓢꓯꓼ ꓖꓶꓽ ꓘꓶꓽ

“ꓬꓲꓸ ꓤ ꓠꓬꓲ ꓤ ꓐꓴ ꓳ ꓥꓳ ꓡꓳꓸ ꓓꓴ ꓕꓽ ꓟꓶꓽ ꓬꓰ ꓝꓲ ꓥ= ꓢꓲ ꓒ ꓬꓰ-ꓢꓴ ꓠꓬ ꓣꓳꓽ ꓐꓱ ꓶ ꓬꓲꓸ ꓐꓹ ꓐ ꓔꓬꓹ ꓗꓪ ꓪꓽ ꓘꓴ ꓙ ꓖꓶꓽ ꓔꓬ ꓡꓳ ꓐꓯˍ ꓟ꓾ ꓠꓬꓲ ꓠꓬꓲ ꓟꓸ ꓟꓲꓽ ꓔꓯ ꓓꓵꓽ ꓙ ꓔ= ꓟꓽ ꓙꓲ ꓟꓽ ꓙꓳꓽ ꓟ ꓗꓪ ꓐꓰ ꓣꓳꓽ ꓔꓯ ꓗꓽ ꓔ ꓖꓶꓽ ꓥꓳ= ꓖꓳ ꓡꓱ ꓠꓬ ꓮ ꓟꓶ ꓣꓳꓽ ꓚꓲꓸ ꓛꓬꓼ ꓚꓳꓽ ꓚꓲꓸ ꓛꓬꓼ ꓠꓹ ꓠꓬꓲ ꓠꓬꓲ ꓡꓯ= ꓣꓳꓽ ꓔꓯ ꓪꓴ-ꓢ ꓮ ꓫꓵꓽ ꓐꓱ ꓶ ꓘꓴ ꓔ ꓡ?

ꓓꓽ ꓪꓴꓸ ꓕꓲꓽ ꓟ ꓟ ꓠꓬ ꓙꓵꓹ ꓠꓲꓹ ꓔꓯ ꓪꓳ ꓫꓳꓸ ꓔ ꓐ ꓡ ꓠꓹ ꓟ ꓥꓳ= ꓠꓲꓹ ꓫ ꓮ ꓘꓶꓸ ꓫꓸ ꓕꓯ꓾ ꓙ ꓖꓴ ꓮ ꓡꓰ ꓕꓲꓽ ꓚꓱ ꓥ ꓡ ꓐꓯ ꓟ ꓟꓳꓻ ꓟꓽ ꓐ ꓡ ꓕꓯ ꓙꓵ ꓠꓲꓹ ꓕꓱ ꓟ ꓠꓬ ꓟꓬꓺ ꓡꓴ ꓥ ꓡꓳ= ꓙꓵ ꓠꓲꓹ ꓕꓱ ꓟ ꓔꓯ ꓫꓺ ꓔ ꓐ ꓡ ꓠ ꓟ ꓠꓬ ꓮ ꓫꓵꓽ ꓬꓰ ꓠꓯˍ ꓡ? ꓟꓴ ꓗꓪ ꓔꓯ ꓟꓳꓸ ꓣꓳꓽ ꓟꓬꓺ ꓢꓲꓽ ꓡꓳꓸ ꓠꓬꓲ ꓢꓲ ꓙꓰ ꓠꓹ ꓟ ꓥꓳ=

ꓠꓲꓽ ꓢ ꓓꓯꓼ ꓠꓬ ꓣꓳꓽ ꓔꓯ ꓐꓰꓽ ꓡꓰ ꓝꓲ ꓗꓪꓺ ꓡꓰ ꓝꓲ ꓠꓹ ꓟ ꓢꓯꓼ ꓕꓱꓼˍ ꓡꓳ= ꓕꓱ ꓟ ꓔꓯ ꓣꓳꓽ ꓠꓲꓹ ꓟ ꓗꓪ ꓮ ꓘꓶꓸ ꓢꓯꓼ ꓪ ꓐꓽ ꓡꓰ ꓝꓲ ꓟ ꓥˍ ꓡꓳ= ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓟꓬꓺ ꓔꓳ ꓡꓯ ꓘꓳ ꓟ꓾ ꓫꓸ ꓚꓲꓸ ꓡꓯ ꓘꓳˍ ꓟ ꓠꓬ ꓠꓲꓽ ꓡꓰ ꓬꓰˍ ꓟ ꓟꓬꓱꓽ ꓥ ꓡꓳ= ꓕꓱ ꓟ ꓔꓯ ꓩ ꓔ ꓓꓴ ꓬꓰ ꓡꓯ=

ꓥꓪ ꓥˍ ꓟꓲ ꓠꓴ ꓪ ꓐꓱ ꓶ ꓛꓲ ꓝꓲꓸ ꓖꓶꓽ ꓢꓲ ꓪꓽ ꓘꓴ ꓙ ꓖꓶꓽ ꓗꓷꓳ= ꓪꓴ-ꓢ ꓡꓰ ꓠꓴ ꓪ ꓐꓴ ꓔꓯ ꓢꓯꓼ ꓪ ꓖꓶꓽ ꓝꓲ=

ꓔꓱꓹ ꓙꓳꓽ ꓟ ꓔꓯ ꓫꓺ ꓡꓯ ꓐꓯ ꓟ ꓮ ꓫꓵꓽ ꓔꓯ ꓐꓯˍ ꓡ? ꓘꓴ ꓜꓲꓼ ꓞꓳ ꓓꓵꓽ ꓙ ꓚꓱ ꓐꓱ ꓶ꓾ ꓚ ꓟꓲꓽ ꓐꓱ ꓶ ꓢꓴ ꓐꓯ ꓕ ꓡꓯ ꓘꓳˍ ꓟ ꓗꓸ ꓧꓪꓸ ꓡꓯꓼ ꓘꓳ ꓟ ꓟꓽ ꓥ ꓥ ꓐꓰ꓾ ꓢꓲ ꓫꓬ ꓕꓳ ꓶ ꓘꓴ ꓗꓪ ꓓꓯ ꓟ ꓐꓰ ꓕꓲꓽ ꓠꓲꓹ ꓕꓲꓽ ꓪ ꓞꓳ ꓫꓵꓽ ꓐ ꓡ ꓠꓹ ꓟ ꓢꓯꓼ ꓕꓵꓼ ꓠꓹ ꓟ ꓥꓳ=

ꓔꓲꓺ ꓒ ꓪ ꓔꓲꓸ ꓝꓣꓮꓠꓚꓲꓢ