ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓓꓵ_ ꓟ (ꓟꓵꓽ ꓙꓴꓽ ꓚꓵꓹ_ ꓟ) ꓔꓳꓹ ꓜꓳ ꓡꓰ ꓟ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓔꓯ ꓓꓵꓽ ꓙ ꓢꓲ ꓬꓰ ꓙ ꓓꓴ ꓐꓯ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓓꓵ_ ꓟ (ꓟꓵꓽ ꓙꓴꓽ ꓚꓵꓹ_ ꓟ) ꓔꓳꓹ ꓜꓳ ꓡꓰ ꓟ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓔꓯ ꓓꓵꓽ ꓙ ꓢꓲ ꓬꓰ ꓙ ꓓꓴ ꓐꓯ_ ꓟ ꓓꓳꓽ

2 ꓦ 6 ꓠꓬꓲ ꓕꓯ ꓟꓵꓽ ꓓꓵ ꓡꓰ ꓓꓴ ꓔꓳꓹ ꓜꓳ ꓡꓰ ꓟ ꓔꓴ-ꓣ-ꓗꓲ ꓐꓰ ꓢꓲ-ꓡꓲ-ꓬ ꓐꓱ ꓶ ꓬꓰ ꓙ ꓠꓹ ꓟ ꓐꓯ ꓗꓷꓳ= ꓕꓱ ꓡꓱ ꓗꓷ ꓓꓳ ꓗꓸ ꓠꓯꓸ 9 ꓠꓬꓲ ꓘꓴꓽ ꓗꓪ ꓫꓵꓻ ꓡꓰ ꓢꓴ 41000 ꓣꓳ ꓛꓲ ꓙꓳ ꓡꓰ ꓟ ꓥꓳ= ꓡ ꓞꓳ ꓮ ꓟꓬꓹ ꓔꓬ ꓦꓲꓻ ꓟꓽ ꓙꓳ ꓕꓱ ꓡꓱ ꓫꓸ ꓔꓬ ꓟ ꓥꓳ=

ꓔꓴ-ꓣ-ꓗꓲ ꓗꓴꓷꓼ Iskenderum ꓗꓪ ꓠꓬꓲ ꓠꓬꓲ ꓕꓯ ꓛꓲ ꓓꓴ ꓙ ꓖꓶ ꓔ ꓟ ꓬꓰ ꓙ_ ꓟ ꓶꓻ ꓚꓰꓹ ꓡꓲ ꓟꓢꓚ Aurelia ꓠꓬ ꓠꓲ-ꓑꓳ ꓗꓪ ꓐꓰ ꓠꓽ ꓢ ꓠꓬꓲ ꓠꓯꓼ ꓕꓯ ꓪꓴꓸ ꓔꓴ ꓡ ꓟ ꓥꓳ= ꓲ-ꓔ-ꓡꓲ ꓗꓴꓷꓼ ꓙꓵꓽ ꓪꓴ ꓢꓴ ꓐꓰ ꓠꓱꓸ ꓐꓯꓼ ꓬꓰ ꓙ ꓢꓴ ꓜꓴꓻ ꓠꓖꓳ ꓗꓪ ꓐꓰ ꓬꓰ ꓙ ꓟ Papal Almoner ꓗꓪ ꓐꓰ Cardinal Konrad Krajewski ꓡꓰ ꓔꓯꓹ ꓖꓶ ꓡ ꓟ ꓶꓻ ꓚꓰꓹ ꓡꓲ ꓗꓪ ꓞꓺ ꓢꓯꓼ ꓚꓹ ꓓꓴ ꓙꓼ 10000 ꓐ_ ꓟ ꓥꓳ=

ꓢꓲ-ꓡꓲ-ꓬ ꓗꓪ ꓗꓴꓷꓼ ꓫꓵꓽ ꓪꓴ ꓑꓶ ꓓꓴ ꓟꓯꓼ ꓘꓰꓹ ꓑꓬ ꓢꓴ ꓑ ꓫꓬ 60000 ꓛꓲ ꓙꓳ ꓔꓬ ꓢꓲ꓾ ꓮ ꓟꓶ ꓟꓵꓽ ꓓꓵ ꓡꓰ ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓠꓬ ꓟꓬ ꓠꓬꓲ ꓫꓸ ꓓꓴ ꓔꓳꓹ ꓜꓳ ꓢꓲ ꓔꓬ ꓟ ꓥꓳ=