ꓔꓲꓺ ꓒ ꓪ ꓔꓲ 2 ꓦ 2024 ꓘꓳꓼ ꓐꓱ ꓶ ꓪꓽ ꓘꓴ ꓔꓶꓻ ꓙꓱꓼ (Pope prayer intention for February)

ꓠꓻ ꓫꓵꓽ ꓬꓲꓸ ꓟꓶꓽ ꓗꓪ ꓛꓲ ꓠꓻ ꓡꓰ ꓔꓬ ꓢꓴ ꓐꓴ ꓚꓱꓹ ꓔꓯ ꓞꓳ ꓤ ꓐꓴ ꓐꓯ_ ꓕꓯ ꓠꓻ ꓫꓬꓹ ꓟꓽ ꓓ ꓡꓰ ꓫꓵ ꓐꓰ ꓣꓱꓽ ꓙ ꓟꓽ ꓙꓲ ꓡꓰ ꓫꓵ ꓕꓱ ꓟ ꓔꓯ ꓮ ꓕꓯ ꓟꓲ ꓚꓹ ꓟꓽ ꓠ ꓫꓵ ꓗꓷ ꓡꓰ ꓔꓬ ꓟ ꓥꓳ= ꓠꓻ ꓫꓬꓹ ꓓ ꓡꓰ ꓠꓹ ꓟ ꓮ ꓠꓶꓸ ꓤ ꓬꓲꓸ ꓚꓱꓹ ꓙꓳ ꓥ ꓟꓲ ꓠꓻ ꓢꓴ ꓮ ꓙꓵ ꓠꓯꓼ ꓗꓪ ꓠꓯꓺ ꓞꓲꓼ ꓫꓬꓹ ꓠꓹ ꓟ ꓬꓲꓸ ꓚꓱꓹ ꓙꓳ_ ꓟ ꓥ ꓢꓲ꓾ ꓟꓲ ꓠꓯ ꓡ ꓞꓳ ꓞꓳ ꓙꓳ ꓠꓹ ꓟ꓾ ꓬꓰ ꓙ ꓠꓹ ꓟ꓾ ꓦ ꓕꓲ ꓒꓳꓹ ꓗꓪ ꓠꓲꓹ ꓟ ꓕꓲ ꓒꓳꓹ ꓗꓪ ꓢꓯꓼ ꓖꓶ ꓠꓹ ꓟ ꓥ ꓡꓳ= ꓕꓲ ꓧꓪꓹ ꓧꓪꓹ ꓠꓻ ꓔꓬ ꓢꓴ ꓐꓴ ꓠꓬ ꓫꓸ ꓪ ꓕꓱ ꓟꓽ ꓐ ꓡ꓾ ꓕꓲ ꓧꓪꓹ ꓧꓪꓹ ꓣꓳ ꓔꓯ ꓟꓽ ꓚꓹ ꓪ ꓐꓰ ꓓꓵꓽ ꓙ_ ꓡꓳ= ꓖꓳ ꓡꓱ ꓥ ꓟꓲ ꓬꓲꓸ ꓪ ꓡꓯꓽ ꓒꓯꓹ ꓔꓯ ꓣꓱꓽ ꓕꓯ ꓣꓳ ꓐꓰ ꓙꓻ ꓡꓯꓽ ꓘꓳ ꓔꓬ ꓟ ꓔꓯ ꓢꓷꓸ ꓔ ꓡꓳ= ꓮ ꓕꓯ ꓟꓲ ꓠꓻ ꓫꓬꓹ ꓖꓶ ꓠꓹ ꓟ ꓠꓬ ꓟꓽ ꓐ ꓡ꓾ ꓖꓳ ꓡꓱ ꓥ ꓟꓲ ꓠꓻ ꓔꓬ ꓢꓴ ꓐꓴ ꓔꓯ ꓮ ꓕꓯ ꓟꓲ ꓠꓬꓲ ꓠꓹ ꓐ ꓡ_ ꓡꓳ=

“ꓮ ꓕꓯ ꓟꓲ ꓣꓱꓽ ꓙ ꓔꓳꓹ ꓙ꓾ ꓐ ꓡ ꓟꓬ ꓛꓲ ꓠꓻ ꓫꓬꓹ ꓖꓶ꓾” ꓐꓰ ꓢꓲ ꓫꓬ ꓢꓴ ꓬꓳ-ꓦ ꓒꓳ-ꓡꓳ ꓲꓲ ꓡꓰ ꓐꓯ ꓔ ꓟ ꓥꓳ꓾ꓕꓱ ꓗꓪ ꓐꓰ ꓠꓻ ꓫꓵ ꓓ ꓠꓹ ꓟ ꓣꓱꓽ ꓙ ꓔꓳꓹ ꓙ ꓟ ꓙꓳ ꓡ ꓟ ꓥꓳ= ꓕꓱ ꓟ ꓠꓬ ꓠꓻ ꓢꓴ ꓔꓯ ꓠꓻ ꓫꓬꓹ ꓖꓶ_ ꓟ ꓡꓰ ꓟꓽ ꓞꓲ ꓕꓲ ꓣꓳ ꓛꓳ ꓕꓲ ꓣꓳ ꓫꓱꓹ ꓡꓯꓽ ꓘꓳ ꓟ ꓐꓰ ꓠꓬꓲ ꓙ ꓔꓳꓹ ꓙ ꓬꓰ ꓙ_ ꓟ ꓟꓲ ꓥ ꓡꓳ= ꓫꓸ ꓓꓴ ꓔꓳꓹ ꓜꓳ ꓟ ꓙꓵꓹ ꓗꓪ ꓕꓲ ꓦꓲꓻ ꓡ ꓞꓳ ꓐꓴ ꓔꓯ ꓕꓲ ꓣꓳ ꓕꓵꓼ ꓕꓽ ꓒꓰꓹ ꓡꓰ ꓝꓲ꓾ ꓬꓲꓸ ꓪ ꓖꓳ ꓓꓱ꓾ ꓦ ꓐꓱ ꓶ ꓐꓰ ꓞꓳ ꓙꓳ ꓢꓯꓸ ꓔꓬ ꓟ ꓙꓵꓹ ꓗꓪ ꓡꓳꓼ ꓡꓰ ꓗꓪ ꓛꓲ ꓣꓱꓽ ꓙ ꓔꓳꓹ ꓙ ꓠꓹ ꓟ ꓣꓱꓽ ꓬꓯꓼ ꓡꓳ= ꓠꓻ ꓫꓵ ꓬꓲꓸ ꓟꓶꓽ ꓗꓪ ꓛꓲ ꓠꓻ ꓡꓰ ꓔꓬ ꓢꓴ ꓐꓰ ꓬꓲ ꓪ ꓕꓲ ꓦꓲꓻ ꓡ ꓞꓳ ꓐꓴ ꓮ ꓕꓯ ꓟꓲ ꓣꓱꓽ ꓬꓯꓼ_ ꓟ ꓠꓯꓺ ꓞꓲꓼ꓾ ꓟꓲ ꓠꓯ ꓡ ꓞꓳ ꓐꓴ ꓗꓪ ꓐꓰ ꓬꓰ ꓙ ꓔꓳꓹ ꓙ ꓪ ꓡꓰ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=