ꓘꓴ-ꓜꓲꓼ-ꓞꓳ ꓔꓯ ꓝꓴꓲ ꓟꓽ ꓟꓳ ꓗꓽ ꓕꓸ ꓓꓴ ꓬꓰ ꓡꓯ=

ꓴ-ꓜꓲꓼ-ꓞꓳ ꓔꓯ ꓝꓴꓲ ꓐꓯ_ ꓟ-ꓸ ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯꓼ ꓘꓳ_ ꓟ ꓔꓯ ꓐꓯ ꓔꓳꓹ ꓔ ꓟ ꓕꓱ ꓡꓱ ꓫꓵꓽ ꓮ ꓟꓶ ꓤꓶꓸꓹ ꓗꓪ ꓒꓬꓱꓼ ꓔꓬ ꓟ ꓥꓳ= ꓕꓱ ꓟ ꓠꓬ ꓣꓳ ꓐꓰ ꓟꓽ ꓪ_ ꓟ ꓣꓳ ꓝꓴꓲ ꓥ ꓡꓳ= ꓣꓳ ꓠꓬ ꓝꓴꓲ ꓙꓳ ꓢꓴ ꓡ ꓞꓳ ꓥ ꓟ ꓑꓶ ꓓꓴ ꓘꓴ-ꓜꓲꓼ-ꓞꓳ ꓠꓬ ꓪꓴ-ꓢ ꓫꓱꓸ ꓤ ꓓꓴ ꓮ ꓟꓬꓹ ꓟꓶ_ ꓟ ꓥ ꓡꓳ=ꓘꓴ-ꓜꓲꓼ-ꓞꓳ ꓔꓯ ꓝꓴꓲ ꓐꓯ_ ꓟ-ꓸ ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯꓼ ꓘꓳ_ ꓟ ꓔꓯ ꓐꓯ ꓔꓳꓹ ꓔ ꓟ ꓕꓱ ꓡꓱ ꓫꓵꓽ ꓮ ꓟꓶ ꓤꓶꓸꓹ ꓗꓪ ꓒꓬꓱꓼ ꓔꓬ ꓟ ꓥꓳ= ꓕꓱ ꓟ ꓠꓬ ꓣꓳ ꓐꓰ ꓟꓽ ꓪ_ ꓟ ꓣꓳ ꓝꓴꓲ ꓥ ꓡꓳ= ꓣꓳ ꓠꓬ ꓝꓴꓲ ꓙꓳ ꓢꓴ ꓡ ꓞꓳ ꓥ ꓟ ꓑꓶ ꓓꓴ ꓘꓴ-ꓜꓲꓼ-ꓞꓳ ꓠꓬ ꓪꓴ-ꓢ ꓫꓱꓸ ꓤ ꓓꓴ ꓮ ꓟꓬꓹ ꓟꓶ_ ꓟ ꓥ ꓡꓳ= ꓣꓳ ꓠꓲꓹ ꓟ ꓘꓴꓽ ꓗꓪ ꓐꓰ ꓣꓳ ꓙꓸꓸ ꓫꓱꓽ_ ꓟ ꓚꓱꓹ ꓗꓪ ꓪꓴ-ꓢ ꓢꓲ ꓤ ꓐꓴ ꓥ ꓟ ꓡꓰ ꓐꓰ ꓘꓴ-ꓜꓲꓼ-ꓞꓳ ꓔꓯ ꓠꓲꓹ ꓥꓳ_ ꓡ? ꓪꓴ-ꓢ ꓔꓯ ꓣꓳ ꓙꓵꓸꓹ ꓠꓲꓹ ꓐꓰ ꓪꓽ ꓘꓴ_ ꓡ? ꓐꓰ ꓣꓳ ꓚꓲ ꓛꓬ ꓠ ꓠꓬꓲ ꓓꓴ ꓬꓰ ꓡꓯ= ꓠꓵ ꓠꓲꓹ ꓠꓬ ꓣꓳ ꓔꓯ ꓔꓱ_ ꓟ ꓔꓯ ꓐꓯ ꓖꓶ ꓐ ꓡ_ ꓟ ꓡꓰ ꓟꓽ ꓞꓲ-ꓸ ꓬꓰ-ꓢꓴ ꓐꓰ ꓟꓹ ꓟ ꓟ-ꓡꓲ ꓐꓰ ꓕꓲꓽ ꓪꓼ ꓘꓴ-ꓜꓲꓼ ꓞꓳ ꓗꓪ ꓙꓲ_ ꓟ ꓢꓲ ꓫꓬ_ ꓟ ꓮ ꓙꓵꓽ ꓔꓯ ꓥ ꓟꓲ ꓖꓶꓽ ꓐ ꓡ ꓝꓲ_ ꓟ ꓥꓳ= ꓘꓴ-ꓜꓲꓼ-ꓞꓳ ꓔꓯ ꓠꓲꓹ ꓠꓵ-ꓸ ꓘꓴ-ꓜꓲꓼ-ꓞꓳ ꓔꓯ ꓗꓽ ꓕ-ꓸ ꓘꓴ-ꓜꓲꓼ-ꓞꓳ ꓐꓰ ꓕꓲꓽ ꓪꓼ ꓙꓸꓸ ꓫꓱꓽ ꓖꓳ ꓡꓱ ꓥ ꓟꓲ ꓪꓽ ꓘꓴ ꓦꓲꓸꓹ ꓛꓳ ꓡꓳ ꓛꓳ ꓫꓵꓽ ꓗꓪ ꓔꓬ ꓢꓴ ꓐꓴ ꓔꓯ ꓔꓲꓸꓸ ꓒ ꓐꓴ ꓡꓰ ꓙꓵꓽ_ ꓟ ꓡꓰ ꓟꓽ ꓥ= ꓘꓴ-ꓜꓲꓼ-ꓞꓳ ꓠꓬ ꓮ ꓙꓵꓽ ꓐꓱ ꓶ ꓥ ꓡꓳ= ꓙꓸꓹ ꓫꓱꓽ_ ꓟ ꓚꓱꓹ ꓗꓪ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓡꓳꓸ ꓙ ꓔ ꓙ ꓢꓲ-ꓸ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓬꓰ ꓙ ꓔ ꓙ ꓖꓶ ꓠ ꓔ ꓡꓳ= ꓣꓳ ꓛꓴꓽ ꓙꓳ ꓢꓴ ꓡ ꓞꓳ ꓕꓲꓽ ꓣꓳ ꓔꓯ ꓬꓰ ꓙ ꓔ ꓙ ꓡ? ꓟꓽ ꓥ ꓠꓬ ꓝꓴꓲ ꓐꓯ_ ꓡ? ꓐꓬ ꓡꓰ ꓓꓴ ꓬꓰ_ ꓡ? ꓕꓱ ꓟ ꓠꓬ ꓣꓳ ꓚꓲ ꓛꓬ ꓠ ꓠꓬꓲ ꓠ ꓔ ꓡꓳ= ꓮ ꓕꓯ ꓥ ꓟꓲ ꓗꓽ ꓕꓸ ꓠ ꓔ ꓡꓳ=

Add new comment

9 + 8 =