ꓙꓵꓻ ꓠꓲꓹ ꓮ ꓔꓳꓸ ꓐꓬꓻ ꓔꓴ ꓡꓰ ꓠꓹ ꓟ ꓬꓰ ꓡꓯ꓾

ꓙꓵꓻ ꓠꓲꓹ ꓮ ꓔꓳꓸ ꓐꓬꓻ ꓔꓴ ꓡꓰ ꓠꓹ ꓟ ꓬꓰ ꓡꓯ꓾

ꓙꓵꓻ ꓠꓲꓹ ꓮ ꓔꓳꓸ ꓐꓬꓻ ꓔꓴ ꓡꓰ ꓠꓹ ꓟ ꓬꓰ ꓡꓯ꓾

8 ꓦ 14 ꓠꓬꓲ ꓠꓽ ꓫꓵꓽ ꓠꓬꓲ ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓓꓰ ꓗꓪ ꓮꓠꓖꓰꓡꓴꓢ ꓪꓽ ꓘꓴ ꓙꓵꓹ ꓕꓯ ꓖꓳ ꓕꓲ ꓠꓬꓲ ꓵ ꓠꓹ ꓟ ꓢꓲ ꓫꓬ ꓕꓳ ꓶ ꓝꓲꓸ (ꓡꓴ-ꓘ 12ꓽ49) “ꓥꓪ ꓠꓬ ꓟꓲ ꓠꓯ ꓗꓪ ꓮ ꓔꓳꓸ ꓔꓯꓹ ꓧꓳꓽ_ ꓐꓰ ꓡ ꓟ ꓥ ꓢꓲ꓾ ꓮ ꓟꓶ_ ꓡꓰ ꓐꓬꓻ ꓔꓴ ꓡ_ ꓕꓯ ꓠꓽ ꓥꓪ ꓮ ꓘꓶꓸ ꓠꓲꓹ ꓒꓴ_ ꓡꓳ ꓫꓵꓽ ꓥ ꓡꓳ=” ꓗꓪ ꓐꓰ ꓢꓯꓼ ꓖꓶ ꓔ ꓡꓳ=

ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓠꓬ ꓮ ꓔꓳꓸ ꓡꓰ ꓐꓰ ꓥꓳ꓾

ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓐꓱ ꓶ ꓪꓴ-ꓢ ꓠꓵ ꓠꓲꓹ ꓶꓼ ꓓꓳ ꓫꓱꓸ ꓓꓳ ꓠꓬ ꓮ ꓔꓳꓸ ꓐꓬꓻ ꓔꓴ ꓡ ꓟ ꓡꓰ ꓐꓰ ꓟꓬ ꓡ ꓠ ꓔ ꓟ ꓥꓳ= ꓢꓯꓸ ꓬꓯꓼ ꓡ_ ꓟ ꓬꓰ-ꓢꓴ ꓗꓪ ꓐꓰ ꓢꓯꓼ ꓟꓬ ꓫꓵꓼ ꓔꓯ ꓢꓯꓸ ꓔꓬ ꓟꓶ ꓠꓹ ꓟ ꓐꓱ ꓶ ꓬꓲ ꓔꓯ ꓙꓵꓻ ꓠꓲꓹ ꓐꓰ ꓙꓵꓻ ꓠꓹ ꓟ ꓥ ꓡꓳ=

ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓣꓳ ꓠꓲꓹ ꓟ ꓗꓪ ꓔꓬ ꓠꓬ ꓣꓳ ꓔꓳꓹ ꓜꓳ ꓡ_ ꓟ ꓠꓬ ꓡꓳꓹ ꓬꓰ ꓟ ꓙꓵꓹ ꓗꓪ ꓐꓰ ꓟꓽ ꓪꓽ꓾ ꓒꓳꓹ ꓡꓰ ꓟ ꓥꓳ= ꓪꓴ-ꓢ ꓐꓰ ꓣꓳ ꓬꓲ ꓤ ꓠꓬꓲ ꓤ ꓐꓴ ꓐꓱ ꓶ ꓠꓲꓹ ꓟ ꓗꓸ ꓘꓶꓽ ꓒꓴ ꓖꓶ ꓐ ꓡ ꓡꓳ= ꓠꓯ ꓞꓲꓹ ꓟ ꓗꓪ ꓐꓰ ꓠꓬꓲ ꓟꓳ ꓓꓴ ꓒꓴ ꓖꓶ ꓡ ꓡꓳ=

ꓪꓴ-ꓢ ꓠꓵ ꓠꓲꓹ  

ꓢꓲ ꓫꓬ ꓕꓳ ꓶ ꓗꓪ ꓐꓰ ꓟꓷ ꓠꓷ ꓝꓸ ꓒ ꓬꓲ-ꓡꓲ-ꓬ ꓐꓰ ꓬꓰ-ꓡꓲ-ꓟꓲ ꓟꓷ ꓠꓷ ꓝꓸ ꓒ ꓐꓯ ꓘꓶꓽ ꓡꓰ ꓐꓰ ꓬꓰ-ꓢꓴ ꓠꓬ ꓪꓴ-ꓢ ꓠꓵ ꓠꓲꓹ ꓐꓰ ꓐꓲ ꓜꓲꓼ ꓟ ꓥ ꓢꓲ꓾ ꓬꓲꓸ ꓟꓶ ꓗꓪ ꓬꓲ ꓢꓯꓼ ꓟꓬ ꓖꓶ ꓗꓷ ꓗꓪ ꓛꓲ ꓬꓲ ꓚꓲ ꓛꓬ ꓡꓯꓼ ꓙꓱ ꓗꓷ ꓟ ꓥ ꓡꓳ= ꓬꓲ ꓠꓬ ꓮ ꓔꓳꓸ ꓟꓬ ꓡꓰ ꓟ ꓡꓰ ꓐꓰ ꓢꓲ-ꓫꓬ-ꓟ-ꓦ ꓐꓰ ꓐꓲ ꓜꓲꓼ ꓟ ꓥ ꓡꓳ=

ꓬꓲ ꓠꓬ ꓬꓲ ꓚꓲ ꓛꓬ  ꓟꓲ ꓠꓯ ꓡ ꓞꓳ ꓕꓲ ꓣꓳ ꓡꓰ ꓐꓰ ꓬꓯꓼ ꓡ ꓢꓲ꓾ ꓟꓶꓽ ꓡꓰ ꓢꓴ꓾ ꓟꓽ ꓠꓲꓹ ꓫꓵ ꓢꓲ ꓒꓲꓹ ꓗꓷ ꓢꓴ꓾ ꓧꓪ ꓖꓳ ꓓꓱꓽ ꓕꓲ ꓒꓳꓹ ꓦ ꓕꓲ ꓒꓳꓹ ꓗꓪ ꓠꓻ ꓔꓬ ꓢꓴ ꓮ ꓙꓵ ꓔꓯ ꓠꓻ ꓫꓬꓹ ꓖꓶ_ ꓟ ꓥ ꓡꓳ= ꓬꓰ-ꓢꓴ ꓬꓲ ꓐꓯ ꓘꓶꓽ ꓠꓬ ꓣꓳ ꓔꓯ ꓙꓵꓻ ꓠꓲꓹ ꓮ ꓔꓳꓸ ꓔꓯ ꓟꓬ ꓡ ꓝꓲ_ ꓟ ꓥ ꓡꓳ=

ꓶꓼ ꓓꓳ ꓫꓱꓸ ꓓꓳ ꓔꓯ ꓠꓲꓹ ꓡꓱ ꓗꓹ ꓛꓲ_ ꓟ

ꓕꓲ ꓣꓳ ꓕꓵꓼ ꓥ ꓟꓲ꓾ ꓘꓴ ꓜꓲꓼ ꓞꓳ ꓗꓪ ꓐꓰ ꓥ ꓟꓲ꓾ ꓗꓹ ꓛꓲ_ ꓟ ꓶꓼ ꓓꓳ ꓫꓱꓸ ꓓꓳ ꓔꓯ ꓢꓷꓸ ꓙ ꓟꓳ ꓙ ꓠꓹ ꓟ ꓠꓲꓹ ꓟ ꓙꓳ ꓠ ꓔ ꓡꓳ= ꓢꓲ-ꓫꓬ-ꓟ-ꓦ ꓮ ꓔꓳꓸ ꓣꓳ ꓠꓯꓼ ꓗꓪ ꓐꓬꓻ ꓡꓰ ꓠꓬ ꓣꓳ ꓶꓽ ꓓꓰ ꓪꓽ ꓘꓴ_ ꓟ ꓗꓪ ꓬꓰ ꓙ ꓢꓲ꓾ ꓬꓰ_ ꓟ ꓟꓬꓱꓽ ꓚꓱꓹ ꓗꓪ ꓙ ꓖꓴ ꓧꓳꓽ ꓟꓳꓸ ꓖꓶ ꓢꓲ ꓢꓯꓼ ꓕꓵꓼ ꓠꓲꓹ ꓖꓶ_ ꓡꓳ= ꓙꓵꓻ ꓠꓲꓹ ꓚꓱꓹ ꓗꓪ ꓥ ꓟꓲ ꓗꓹ ꓛꓲ ꓡꓰ ꓝꓲ_ ꓟ ꓥꓳ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓟ ꓥꓳ=

Add new comment

2 + 0 =