ꓜ ꓚꓲꓸ ꓧꓪꓽ ꓚꓲꓸ_ ꓟ ꓦꓬꓼ ꓠꓬꓲ ꓠꓬ ꓪꓴ-ꓢ ꓐꓰ ꓠꓱꓸ ꓐꓯꓼ ꓢꓴ ꓐꓰ ꓙ ꓡꓯ ꓘꓳ ꓠꓹ ꓟ꓾ ꓶ ꓤ ꓫꓱꓸ ꓤ ꓘꓳꓹ ꓣꓴ ꓠꓹ ꓟ ꓬꓲꓸ ꓙꓵꓹ ꓥ ꓡꓳ꓾

ꓜ ꓚꓲꓸ ꓧꓪꓽ ꓚꓲꓸ_ ꓟ ꓦꓬꓼ ꓠꓬꓲ ꓠꓬ ꓪꓴ-ꓢ ꓐꓰ ꓠꓱꓸ ꓐꓯꓼ ꓢꓴ ꓐꓰ ꓙ ꓡꓯ ꓘꓳ ꓠꓹ ꓟ꓾ ꓶ ꓤ ꓫꓱꓸ ꓤ ꓘꓳꓹ ꓣꓴ ꓠꓹ ꓟ ꓬꓲꓸ ꓙꓵꓹ ꓥ ꓡꓳ꓾

ꓜꓽ ꓚꓲꓸ ꓧꓪꓽ ꓚꓲꓸ ꓟ ꓬꓲ ꓪꓴꓸ ꓓꓵꓽ_ ꓟ ꓙꓵꓹ ꓣꓳ ꓠꓻ ꓖꓼ (ꓠꓬ ꓘꓶꓽ ꓛꓵ) ꓗꓪ ꓘꓳ ꓦ (ꓗꓳ ꓒꓴ) ꓔꓯ ꓟꓲꓻ_ ꓟ ꓠꓬ ꓪꓴ-ꓢ ꓠꓯꓼ ꓗꓪ ꓣꓳ ꓬꓲꓼ ꓙꓰ ꓠꓹ ꓟ ꓬꓲꓸ ꓪꓴꓸ ꓔꓴ_ ꓟ ꓥꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓘꓳ ꓦ ꓟꓲꓻ_ ꓟ ꓑꓮꓲ ꓠꓽ ꓢ ꓠꓬꓲ ꓕꓯ ꓐꓯ ꓔ ꓡꓳ=

ꓕꓱ ꓟ ꓠꓬ ꓣꓳ ꓤꓶꓻ ꓗꓪ ꓟꓽ ꓙꓳ ꓟꓽ ꓓ ꓟꓽ ꓢꓷꓸ ꓟꓽ ꓓ ꓣꓱꓽ ꓬꓯꓼ_ ꓟ ꓔꓱ_ ꓟ ꓚꓱꓹ ꓥ ꓡꓳ= ꓢꓲ ꓒꓽ ꓕꓲ ꓣꓳ ꓡꓰ ꓪꓴ-ꓢ ꓥ ꓡꓳ꓾ ꓣꓳ ꓠꓬ ꓬꓲ ꓠꓯꓼ ꓗꓪ ꓟꓬꓱꓽ ꓬꓰ ꓢꓴ ꓡꓰ ꓥ ꓡꓳ= ꓣꓳ ꓮ ꓡꓲ ꓕꓲ ꓣꓳ ꓥ ꓟ ꓚꓲ ꓛꓬ ꓚꓱꓹ ꓔꓯ ꓕꓱ ꓘꓳ ꓦ (ꓗꓳ ꓒꓴ) ꓗꓪ ꓐꓰ ꓓꓵꓽ ꓙ ꓡꓰ ꓝꓲ_ ꓡꓳ= ꓖꓳ ꓟ ꓑꓶ ꓓꓴ ꓜꓽ ꓚꓲꓸ ꓧꓪꓽ ꓚꓲꓸ_ ꓟ ꓠꓬ ꓣꓳ ꓪꓴ-ꓢ ꓔꓯ ꓙꓵꓻ ꓟ ꓔꓯ ꓓꓵꓽ ꓙ_ ꓠꓹ ꓟ ꓐꓰ ꓣꓳ ꓚꓲ ꓛꓬ ꓗꓶꓸ ꓔ ꓟ ꓚꓲ ꓛꓬ ꓟꓽ ꓔꓱ_ ꓟ ꓔꓯ ꓒꓰꓹ ꓗꓷ ꓠꓹ ꓟ ꓥ ꓡꓳ=

ꓜꓽ ꓚꓲꓸ ꓧꓪꓽ ꓚꓲꓸ ꓟ ꓙꓵꓹ ꓐꓯ ꓕꓯ꓾ ꓣꓳ ꓠꓬ ꓪꓴ-ꓢ ꓐꓰ ꓠꓱꓸ ꓐꓯꓼ ꓢꓴ ꓐꓰ ꓙ ꓡꓯ ꓘꓳ ꓢꓲ꓾ꓢꓲ ꓡꓲꓹ ꓐꓰ ꓪꓽ ꓘꓴ ꓢꓯꓼ ꓕꓵꓼ ꓣꓳ ꓠꓲꓹ ꓟ ꓔꓯ ꓒꓴ ꓢꓲ꓾ ꓶ ꓤ ꓫꓱꓸ ꓤ ꓘꓳꓹ ꓣꓴ ꓠꓹ ꓟ ꓙꓵꓹ ꓥ ꓡꓳ= ꓠꓲꓹ ꓡꓱ ꓡꓱ ꓐꓰ ꓫꓸ ꓢꓴ ꓔꓯ ꓖꓶ ꓠꓹ ꓟ꓾ ꓪꓽ ꓘꓴ ꓠꓹ ꓟ꓾ ꓜꓽ ꓚꓲꓸ ꓧꓪꓽ ꓚꓲꓸ ꓠꓹ ꓟ ꓕꓱ ꓢ ꓚꓱꓹ ꓐꓰ ꓙ ꓫꓱꓽ ꓠꓹ ꓟ ꓥ ꓡꓳ=

ꓜ ꓚꓲꓸ ꓧꓪꓽ ꓚꓲꓸ_ ꓟ ꓣꓳ ꓢꓯꓼ ꓕꓵꓼ ꓠꓬ ꓬꓲ ꓟꓶꓽ ꓕꓯ ꓗꓹ ꓛꓲ_ ꓟ ꓤꓶꓻ ꓔꓯ ꓪ ꓟꓶ ꓢꓲ꓾ ꓘꓳ ꓦ ꓗꓪ ꓐꓰ ꓢꓯꓸ ꓬꓲꓼ ꓡ ꓝꓲ ꓡ ꓟ ꓥꓳ=