ꓠꓸꓹ ꓓꓴ ꓒꓬ: ꓓꓴ ꓚꓱꓹ ꓗꓪ ꓠꓯꓸꓹ ꓞꓲꓼ ꓫꓬꓹ ꓖꓶ: ꓢꓯꓼ ꓕꓵꓼ ꓔꓬ ꓢꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=

ꓠꓸꓹ ꓓꓴ ꓒꓬ: ꓓꓴ ꓚꓱꓹ ꓗꓪ ꓠꓯꓸꓹ ꓞꓲꓼ ꓫꓬꓹ ꓖꓶ: ꓢꓯꓼ ꓕꓵꓼ ꓔꓬ ꓢꓴ ꓐꓱ ꓶ  ꓪꓽ ꓘꓴ ꓙ ꓓꓴ ꓬꓰ ꓡꓯ= ꓠꓸꓹ ꓓꓴ ꓒꓬ: ꓓꓴ ꓚꓱꓹ ꓗꓪ ꓠꓯꓸꓹ ꓞꓲꓼ ꓫꓬꓹ ꓖꓶ: ꓢꓴ ꓟꓬꓱꓽ ꓣꓱꓽ ꓙ ꓢꓴ ꓔꓲꓸꓸ ꓒ ꓐꓴ ꓐꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓤ ꓑ ꓤ ꓤ ꓟꓶ ꓤ ꓬꓲ ꓪ ꓠꓲꓹ ꓡꓱꓽ ꓡꓱꓽ ꓐꓰ ꓫꓬꓹ ꓖꓶ_ ꓟ ꓔꓯ ꓠꓸꓹ ꓫꓵꓽ ꓗꓪ ꓐꓰ ꓟꓸ ꓖꓶꓽ_ ꓟ ꓥꓳ= ꓖꓳ ꓡꓱ ꓥ ꓟꓲ ꓮ ꓙꓵꓽ ꓠꓬ ꓕꓱ ꓡꓱ ꓙꓲ_ ꓟ ꓠꓯꓸꓹ ꓞꓲꓼ ꓫꓬꓹ ꓠꓹ ꓟ ꓟꓽ ꓪ_ ꓟ ꓥꓳ= ꓮ ꓘꓶꓸ ꓫꓸ ꓔ ꓟ ꓗꓴꓷꓼ ꓐꓰ ꓢꓯꓼ ꓐ_ ꓟ ꓗꓴꓷꓼ ꓗꓪ ꓠꓬ ꓣꓱ ꓬꓯꓼ_ ꓟ ꓠꓸꓹ ꓫꓵꓽ ꓫꓬꓹ ꓖꓶ ꓓꓴ ꓟꓽ ꓪ ꓟ ꓥꓳ= ꓕꓱ ꓟ ꓠꓬ꓾ ꓙꓳ: ꓙꓳ: ꓣꓱ: ꓬꓰ ꓟ: ꓗꓴ. ꓟ ꓐꓰ ꓗꓴꓷꓼ ꓫꓵ: ꓟꓬꓱ: ꓬꓰ ꓟ ꓗꓪ ꓢꓯꓼ ꓕꓵꓼ ꓟ ꓠꓲꓹ ꓟ ꓟ: ꓙꓳ ꓟ ꓑꓶ. ꓓꓴ ꓥꓳ= ꓖꓳ ꓟ ꓑꓶ ꓓꓴ ꓗꓴꓓꓼ ꓙꓵꓽ ꓢꓴ ꓐꓴ ꓔꓯ ꓙꓲ_ ꓟ ꓠꓯꓸꓹ ꓞꓲꓼ ꓫꓬꓹ ꓖꓶ ꓠꓹ ꓟ ꓠꓬ ꓮ ꓙꓵꓽ ꓐꓱ ꓶ ꓣꓱꓽ ꓬꓯꓼ ꓟ ꓔꓯ ꓓꓵꓽ ꓙ ꓠꓹ ꓟ ꓐꓱ ꓶ ꓥꓪ ꓐꓯ ꓠꓲꓹ ꓫꓵꓽ_ ꓡꓳ= ꓖꓳ ꓡꓱ ꓥˍ ꓟꓲ꓾ ꓠꓯꓺ ꓞꓲꓼ ꓦꓲꓻ ꓗꓪ ꓟꓬꓱ: ꓬꓰ ꓔꓬ ꓢꓴ ꓠꓬ ꓞꓳ ꓜꓴ ꓕꓲ: ꓜꓴ ꓡꓰ ꓬꓰ ꓔꓬ ꓫꓵ: ꓟ: ꓥ ꓟ ꓔꓯ ꓓꓵ: ꓙ ꓔ= ꓠꓱ. ꓐꓯ ꓢꓴ ꓜ: ꓟꓲ ꓔꓬ ꓢ ꓠꓹ ꓟ ꓐꓱ ꓶ ꓚꓲ. ꓛꓬ ꓤꓶꓻ ꓔꓯ ꓔꓲꓺ ꓖꓶ: ꓔ ꓟ ꓤ ꓑ ꓤ꓾ ꓤ ꓟꓶ ꓤ ꓐꓴˍ ꓟꓲ ꓮ ꓟꓬ ꓙꓳ ꓢꓰ ꓡꓳ= ꓕꓱ ꓠꓸꓹ ꓫꓵꓽ ꓒꓬꓱꓼ ꓔꓬ ꓟ ꓙꓵꓹ ꓗꓪ ꓠꓸꓹ ꓢꓴ ꓒꓬꓽ ꓢꓴ ꓮ ꓟꓬꓹ ꓓ ꓡꓰ ꓠꓹ ꓟ ꓐꓱ ꓶ ꓬꓰ ꓙ ꓢꓴ ꓐꓴ ꓥ ꓡꓳ= ꓮ ꓘꓶꓸ ꓫꓸ ꓔꓬ ꓟ ꓗꓴꓷꓼ ꓗꓪ ꓞꓲꓼ ꓪꓴꓽ ꓢꓲ ꓠꓸꓹ ꓔꓬ ꓢꓴ ꓐꓴ ꓔꓯ ꓠꓯꓸꓹ ꓞꓲꓼ ꓫꓬꓹ ꓖꓶ ꓟꓬꓱꓽ ꓬꓰ ꓙ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ= ꓬꓲ. ꓪ ꓐꓴ ꓔꓯ ꓗꓴꓷꓼ ꓙꓵ: ꓢꓴ ꓐꓴ ꓐꓰ ꓞꓳ ꓜꓴ ꓗꓪ ꓐꓰ ꓬꓰ ꓙ ꓔꓳꓹ ꓙ ꓟ ꓮ ꓟꓬ ꓪ ꓡꓰ ꓝꓲ=

Add new comment

5 + 2 =