ꓡꓽ ꓞꓳ ꓠꓲꓹ ꓟ ꓔꓯ ꓒꓳꓹ ꓖꓶ_ ꓟ ꓢꓯꓼ ꓪ ꓠꓬ ꓠꓵ ꓠꓲꓹ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓣꓝꓮꓠꓚꓲꓢ ꓐꓯ_ ꓡꓳ=

ꓡꓽ ꓞꓳ ꓠꓲꓹ ꓟ ꓔꓯ ꓒꓳꓹ ꓖꓶ_ ꓟ ꓢꓯꓼ ꓪ ꓠꓬ ꓠꓵ ꓠꓲꓹ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓣꓝꓮꓠꓚꓲꓢ ꓐꓯ_ ꓡꓳ=

ꓡꓽ ꓞꓳ ꓠꓲꓹ ꓟ ꓔꓯ ꓒꓳꓹ ꓖꓶ_ ꓟ ꓢꓯꓼ ꓪ ꓠꓬ ꓠꓵ ꓠꓲꓹ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓣꓝꓮꓠꓚꓲꓢ ꓐꓯ_ ꓡꓳ=

ꓮ ꓟꓶ ꓟ ꓦꓬꓼ ꓠꓬꓲ ꓢꓯꓸ ꓔꓬ ꓟ ꓤꓶꓸꓹ ꓗꓪ ꓔꓱ_ ꓟ ꓪꓴ-ꓢ ꓔꓯ ꓧꓪ ꓠꓹ ꓟ ꓡꓰ ꓟ ꓞꓲ ꓢ-ꓢꓶ-ꓠ ꓔꓯ ꓟꓬꓽ ꓠꓬꓲ ꓧꓪ ꓢꓴ ꓥ ꓟꓲ ꓮ ꓟꓬꓹ ꓔꓬ ꓟ ꓥꓳ= ꓬꓲ ꓪ ꓠꓬ ꓪꓴ-ꓢ ꓠꓵ ꓠꓲꓹ ꓔꓯ ꓚꓲ ꓚꓬ ꓤꓶꓸꓹ ꓗꓪ ꓐꓰ ꓙꓵꓸꓹ ꓠꓹ ꓟ ꓡꓰ ꓟ ꓞꓲ ꓡꓲꓽ ꓒꓲꓼ ꓐꓰ ꓙꓵꓽ ꓗ ꓔꓯ ꓟꓬ ꓠꓬꓲ ꓙꓵꓸꓹ_ ꓟ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓐꓯ_ ꓡꓳ=

ꓪꓴ-ꓢ ꓐꓰ ꓫꓸ ꓕꓱ ꓠꓹ ꓟ ꓣꓳ ꓦ ꓢꓯꓼ ꓟꓽ ꓙꓳ ꓕꓱ ꓡꓱ ꓓꓵꓽ ꓙ ꓟꓶ_ ꓠꓬ ꓢꓲ ꓫꓬ ꓖꓳ ꓓꓱꓽ ꓑ ꓑ ꓐꓰ ꓡꓯꓼ ꓐꓳ ꓔꓶ ꓓꓴ ꓔꓯ ꓚꓲ ꓛꓬ ꓡꓯꓼ ꓙꓱ ꓢꓲ ꓙꓵꓸꓹ ꓠꓲꓹ ꓐꓰ ꓙꓵꓸꓹ ꓠꓹ ꓟ ꓢꓯꓼ ꓖꓶ_ ꓡꓳ=

ꓡꓯꓼ ꓐꓳ ꓔꓶ ꓓꓴ ꓗꓪ ꓫꓵꓸꓹ ꓙ ꓗꓷ_ ꓟ ꓬꓰ-ꓢꓴ ꓔꓯ ꓣꓳ ꓟꓳ ꓠꓬ ꓣꓳ ꓠꓲꓹ ꓟ ꓔꓯ ꓒꓳꓹ ꓡꓲꓼ ꓝꓲ ꓢꓲ-ꓸ ꓶꓼ ꓓꓳ ꓫꓱꓸ ꓓꓳ ꓠꓬ ꓣꓳ ꓮ ꓙꓵꓽ ꓢꓴ ꓐꓱ ꓶ ꓥ ꓟ ꓔꓯ ꓢꓷꓸ ꓡ ꓟ ꓥꓳ ꓐꓰ ꓐꓯ_ ꓡꓳ= ꓢꓲ-ꓫꓬ-ꓟ-ꓦ ꓗꓪ ꓐꓰ ꓙꓲ-ꓢꓴ ꓢꓲ ꓤ ꓐꓴ ꓤꓶꓸꓹ ꓔꓯ ꓝꓮꓲ ꓤꓶꓸꓹ ꓫꓵꓼ ꓒꓬꓱꓼ ꓡ ꓝꓲ ꓢꓲ-ꓸ ꓣꓳ ꓦ ꓕꓲꓽ ꓒꓳꓹ ꓗꓪ ꓥ ꓟꓲ ꓝꓮꓲ ꓢꓯꓼ ꓪ ꓖꓶ_ ꓟ ꓥꓳ ꓐꓰ ꓐꓯ_ ꓡꓳ=

ꓔꓲꓸꓸ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓝꓲ ꓓꓴ ꓐꓴ ꓡꓰ ꓟꓸ ꓖꓶ_ ꓟ ꓠꓬ ꓣꓳ ꓡ ꓞꓳ ꓐꓱ ꓶ ꓢꓯꓼ ꓪ ꓣꓴ ꓠꓹ ꓟ ꓥꓳ ꓐꓰ ꓐꓯ_ ꓡꓳ= ꓬꓰ-ꓢꓴ ꓙꓵꓽ ꓪ ꓐꓰ ꓙꓵꓸꓹ ꓠꓲꓹ ꓠꓬ ꓢꓲ ꓡꓲꓹ ꓟ ꓐꓰ ꓗꓹ ꓛꓲ_ ꓟ ꓟꓶ_ ꓥꓳ ꓐꓰ ꓐꓯ_ ꓡꓳ= ꓠꓲꓹ ꓟ ꓒꓳꓹ ꓡꓲꓼ ꓠꓹ ꓟ ꓦ ꓕꓲꓽ ꓒꓳꓹ ꓗꓪ ꓶꓼ ꓤ ꓫꓱꓸ ꓤ ꓣꓱ ꓛꓲ ꓟꓶ ꓠꓹ ꓟ ꓢꓲ-ꓫꓬ-ꓟ-ꓦ ꓤꓶꓸꓹ ꓔꓯ ꓗ ꓕ ꓟꓽ ꓘꓴꓽ_ ꓟ ꓔꓯ ꓐꓯ ꓔ ꓡꓳ=

ꓖꓳ ꓟ ꓑꓶ ꓓꓴ ꓔꓲꓸꓸ ꓒ ꓪ ꓔꓲ ꓡꓰ ꓡꓯꓼ ꓐꓳ ꓔꓶ ꓓꓴ ꓗꓪ ꓫꓵꓸꓹ ꓙ ꓢꓲ-ꓸ ꓝꓮꓲ ꓢꓯꓸ ꓬꓯꓼ ꓡ_ ꓟ ꓬꓰ-ꓢꓴ ꓚꓱꓹ ꓬꓲ ꓠꓵ ꓠꓲꓹ ꓔꓯ ꓣꓳ ꓚ ꓟꓸ ꓠꓹ ꓟ ꓣꓳ ꓠꓯꓼ ꓗꓪ ꓙꓵꓽ ꓪ ꓙꓳ_ ꓡꓳ= ꓡꓽ ꓞꓳ ꓠꓲꓹ ꓟ ꓔꓯ ꓒꓳꓹ ꓖꓶ_ ꓟ ꓢꓯꓼ ꓪ ꓠꓬ ꓠꓵ ꓠꓲꓹ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓣꓝꓮꓠꓚꓲꓢ ꓐꓯ_ ꓡꓳ=

Add new comment

3 + 8 =