ꓣꓳ ꓔꓯ ꓟꓽ ꓙꓲ_ ꓟ ꓚꓱꓹ ꓗꓪ ꓙꓻ ꓫꓱꓽ ꓝꓲ_ ꓟ ꓢ-ꓓꓯ ꓘꓶ ꓡꓶꓽ ꓓꓴ ꓔꓳꓹ ꓜꓳ ꓡ ꓕꓯ ꓢꓲ ꓒ ꓬꓰ-ꓢꓴ ꓔꓯ ꓘꓴ ꓠꓹ ꓟ ꓓꓵꓽ ꓙ ꓔ꓾( When tempted or taking wrong path, invoke Jesus)

Wednesday, February 07, 2024

ꓣꓳ ꓔꓯ ꓟꓽ ꓙꓲ_ ꓟ ꓚꓱꓹ ꓗꓪ ꓙꓻ ꓫꓱꓽ ꓝꓲ_ ꓟ ꓢ-ꓓꓯ ꓘꓶ ꓡꓶꓽ ꓓꓴ ꓔꓳꓹ ꓜꓳ ꓡ ꓕꓯ ꓢꓲ ꓒ ꓬꓰ-ꓢꓴ ꓔꓯ ꓘꓴ ꓠꓹ ꓟ ꓓꓵꓽ ꓙ ꓔ꓾

ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓟꓽ ꓙꓲ_ ꓟ ꓘꓶ ꓡꓶꓽ ꓗ ꓕ ꓓꓴ ꓔꓳꓹ ꓜꓳ ꓡ ꓕꓯ ꓢꓲ ꓒ ꓬꓰ-ꓢꓴ ꓔꓯ ꓘꓴ_ ꓟ ꓗꓪ ꓐꓰ ꓣꓳ ꓢ-ꓓꓯ ꓔꓯ ꓧꓪꓸ ꓡꓰ ꓘꓴ ꓐ ꓡ ꓠꓹ ꓟ ꓚꓱꓹ ꓐꓰ ꓣꓳ ꓠꓬ ꓢ-ꓓꓯ ꓐꓰ ꓫꓱꓹ ꓡꓯꓽ ꓘꓳ ꓠꓹ ꓟ ꓕꓲ ꓢꓯꓸ ꓡꓰ ꓟꓽ ꓓꓵꓽ ꓙ ꓠꓹ ꓟ꓾ ꓟꓽ ꓬꓰ ꓠꓹ ꓟ ꓐꓰ ꓐꓯ ꓔ ꓡꓳ= ꓠꓴ ꓠꓲꓹ ꓟ ꓘꓴꓽ ꓗꓪ ꓟꓽ ꓙꓲ_ ꓟ ꓘꓶ ꓡꓶꓽ ꓓꓴ ꓓꓵꓽ ꓙ ꓕꓯ ꓟꓽ ꓥ ꓠꓬ ꓢ-ꓓꓯ ꓡꓰ ꓟꓽ ꓙꓲ_ ꓟ ꓚꓱꓹ ꓗꓪ ꓐꓰ ꓧꓳꓽ ꓣꓱꓽ ꓔꓬ ꓡꓳ ꓐꓰ ꓓꓵꓽ ꓙ ꓔꓬ ꓟ ꓙꓵꓹ ꓗꓪ ꓢꓲ ꓒ ꓬꓰ-ꓢꓴ ꓔꓯ ꓠꓲꓹ ꓟ ꓘꓴꓽ ꓗꓪ ꓐꓰ ꓓꓵꓽ ꓙ ꓢꓲ꓾ ꓘꓴ ꓠꓹ ꓟ ꓥ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓶꓼ ꓓꓳ ꓫꓱꓸ ꓓꓳ ꓟ-ꓕꓲ ꓕꓳ ꓶ ꓗꓪ ꓐꓰ ꓢꓲ ꓒ ꓬꓰ-ꓢꓴ ꓡꓰ ꓠꓲꓽ ꓢ-ꓓꓯ ꓠꓶꓽ ꓞꓹ ꓢꓴ ꓐꓰ ꓠꓲꓽ ꓢ-ꓓꓯ ꓔꓯ ꓖꓼ ꓓꓳ ꓗꓷ ꓟ ꓚꓱꓹ ꓗꓪ ꓐꓰ ꓔꓱꓹ ꓕ ꓢꓲ꓾ ꓢ-ꓓꓯ ꓠꓬ ꓣꓳ ꓔꓯ ꓬꓲ ꓡꓰ ꓧꓳꓽ ꓣꓱꓽ_ ꓟ ꓚꓱꓹ ꓗꓪ ꓛꓳ ꓡ ꓠꓹ ꓟ ꓐꓱ ꓶ ꓘꓶ ꓡꓶꓽ ꓟ꓾ ꓠꓲꓹ ꓫꓵ_ ꓥ ꓟꓲ ꓣꓳ ꓠꓬ ꓢꓲ ꓒ ꓬꓰ-ꓢꓴ ꓐꓰ ꓮ ꓕꓯ ꓟꓲ ꓑ ꓕꓲ ꓗꓪ ꓔꓬ ꓟ ꓗꓪ ꓐꓰ ꓢ-ꓓꓯ ꓘꓶ ꓡꓶꓽ ꓓꓴ ꓗꓪ ꓐꓰ ꓡꓲꓹ ꓙꓰ ꓟ ꓚꓱꓹ ꓐꓯ ꓔ ꓡꓳ= ꓢ-ꓓꓯ ꓠꓬ ꓣꓳ ꓦ ꓔꓯ ꓞꓳꓹ ꓠꓲꓹ ꓫꓵ_ ꓟ ꓑꓶ ꓓꓴ ꓕꓱ ꓟ ꓡꓰ ꓐꓰ ꓛꓲ ꓚꓻ ꓐꓰ “freedom” ꓐꓰ “ꓠꓲꓹ ꓟ “ ꓔꓯ ꓟꓽ ꓞꓳꓹ ꓟꓶ ꓠꓹ ꓟ ꓐꓱ ꓶ ꓮ ꓕꓯ ꓟꓲ ꓗ ꓕ ꓠꓹ ꓟ ꓚꓱꓹ ꓐꓯ ꓗꓷ ꓟ ꓥꓳ=

ꓣꓳ ꓔꓯ ꓮ ꓕꓯ ꓟꓲ ꓠꓲꓹ ꓘꓪꓽ ꓟꓽ ꓫꓵ_ ꓟ꓾ꓣꓳ ꓠꓲꓹ ꓫꓬꓹ ꓠꓲꓹ ꓟꓲ꓾ ꓣꓳ ꓢꓯꓼ ꓪ ꓐꓰ ꓣꓳ ꓠꓲꓹ ꓠꓵ ꓗꓴꓸ_ ꓟ ꓠꓵꓻ ꓠꓲꓹ ꓟꓽ ꓙꓳ ꓡꓰ ꓝꓲ_ ꓟ ꓕꓱ ꓟꓬ ꓫꓵ ꓮ ꓟꓬꓹ ꓣꓳ ꓠꓯꓼ ꓗꓪ ꓔꓳꓹ ꓜꓳ ꓡ ꓟ ꓔꓯ ꓐꓯ ꓖꓶ ꓔ ꓡꓳ= ꓢꓲ ꓒ ꓬꓰ-ꓢꓴ ꓬꓯꓼ ꓛꓲ ꓡ ꓟ ꓑꓶ ꓓꓴ ꓢ-ꓓꓯ ꓘꓶ ꓡꓶꓽ ꓓꓴ ꓗꓪ ꓐꓰ ꓡꓲꓹ ꓙꓰ ꓟ ꓚꓱꓹ ꓐꓯ ꓔ ꓡꓳ= “ꓢꓲ ꓒ ꓬꓰ-ꓢꓴ ꓠꓬ ꓢ-ꓓꓯ ꓤ ꓠꓬꓲ ꓫꓵ ꓠꓬꓲ ꓓꓴ ꓗꓪ ꓐꓰ ꓧꓪꓸ ꓡꓰ ꓟ” ꓥꓳ꓾ ꓕꓱ ꓟ ꓗꓪ ꓐꓰ ꓣꓳ ꓠꓲꓹ ꓟ ꓗꓪ ꓓꓵꓽ ꓙ ꓠꓹ ꓟ ꓥꓳ= “ꓢ-ꓓꓯ ꓐꓰ ꓮ ꓕꓯ ꓥ ꓟꓲ ꓫꓱꓹ ꓡꓯꓽ ꓘꓳ ꓓꓴ ꓕꓽ ꓬꓰ” ꓐꓰ ꓢꓯꓼ ꓖꓶ ꓔ ꓡꓳ=

ꓣꓳ ꓠꓱꓸ ꓐꓯꓼ ꓚꓱꓹ ꓗꓪ ꓐꓰ ꓡꓳꓸ ꓠꓬꓲ ꓠꓬ꓾ ꓣꓳ ꓠꓯꓼ ꓗꓪ ꓕꓲ ꓑꓹ ꓑꓹ ꓢ-ꓓꓯ ꓤ ꓠꓬꓲ ꓫꓵ ꓠꓬꓲ ꓓꓴ ꓔꓳꓹ ꓜꓳ ꓕꓯ ꓣꓳ ꓡꓲꓹ ꓙꓰ ꓠꓹ ꓟ ꓐꓱ ꓶ ꓫꓸ ꓓꓴ ꓔꓳꓹ ꓜꓳ ꓡ ꓥꓳ꓾ ꓕꓱ ꓡꓱ ꓙꓵꓹ ꓕꓯ ꓣꓳ ꓢꓲ ꓒ ꓬꓰ-ꓢꓴ ꓔꓯ ꓡꓰ ꓠꓲꓹ ꓟ ꓗꓪ ꓗꓷ ꓔ ꓢꓲ ꓘꓴ ꓠꓹ ꓟ ꓥꓳ꓾ “ ꓣꓳ ꓠꓬ ꓠꓲꓽ ꓢ-ꓓꓯ ꓐꓰ ꓔꓳꓹ ꓜꓳ ꓕꓯ ꓮ ꓡꓰ ꓐꓰ ꓬꓰ ꓠ ꓗꓹ ꓡ? ꓐꓯ ꓟ ꓔꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓣꓳ ꓔꓯ ꓢꓲ ꓒ ꓬꓰ-ꓢꓴ ꓔꓯ ꓘꓴ ꓠꓹ ꓟ ꓐꓯ ꓔ ꓡꓳ꓾ ꓣꓳ ꓠꓯꓼ ꓗꓪ ꓮ ꓡꓰ ꓫꓵ ꓢ-ꓓꓯ ꓤ ꓠꓬꓲ ꓫꓵ ꓠꓬꓲ ꓡ ꓥ ꓟꓲ ꓢꓲ ꓒ ꓬꓰ-ꓢꓴ ꓔꓯ ꓘꓴ ꓠꓹ ꓟ ꓐꓰ ꓢ-ꓓꓯ ꓐꓰ ꓕꓲ ꓢꓯꓸ ꓡꓲ ꓟꓽ ꓫꓸ ꓕꓱ ꓠꓹ ꓟ ꓐꓱ ꓶ ꓐꓯ ꓖꓶ ꓗꓷ ꓟ ꓥꓳ=

ꓮ ꓫꓵ ꓑꓶ ꓓꓴ ꓐꓯ ꓠꓬ꓾ ꓣꓳ ꓠꓬ ꓢ-ꓓꓯ ꓐꓰ ꓫꓸ ꓕꓱ ꓡꓯꓽ ꓘꓳ ꓗꓸ ꓠꓯꓸ ꓠꓬ ꓬꓲ ꓡꓰ ꓣꓳ ꓔꓯ ꓧꓪꓸ ꓡꓰ ꓟ ꓔꓯ ꓮ ꓕꓯ ꓟꓲ ꓤ ꓟꓳ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ꓾ “ ꓪꓴ-ꓢ ꓠꓬ ꓬꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓠꓲꓽ ꓢ-ꓓꓯ ꓔꓯ ꓣꓳ ꓗꓪ ꓐꓰ ꓫꓬꓹ ꓫꓬꓹ ꓡꓰ ꓠꓬꓲꓸ ꓠꓬꓲ ꓗꓪ ꓛꓲ ꓮ ꓕꓯ ꓟꓲ ꓗ ꓕ ꓢꓲ ꓡꓳꓸ ꓙ ꓐꓳ ꓙ ꓖꓶ_ ꓟ ꓥꓳ= ꓮ ꓫꓵ ꓑꓶ ꓓꓴ ꓐꓯ ꓠꓬ ꓬꓲ ꓠꓬ ꓣꓳ ꓔꓯ ꓚꓲ ꓛꓬ ꓕꓲ ꓦꓲꓻ ꓡ ꓞꓳ꓾ ꓕꓲ ꓠꓲꓹ ꓕꓲ ꓪꓼ ꓐꓰ ꓢꓲ ꓡꓲꓹ ꓟ ꓔꓯ ꓡꓰ ꓖꓶ ꓠꓲꓹ ꓫꓵ_ ꓟ ꓐꓰ ꓬꓲ ꓢꓲ-ꓫꓬ-ꓟ-ꓦ ꓠꓬ ꓣꓳ ꓠꓯꓼ ꓗꓪ ꓟꓬꓹ ꓠꓬꓲ ꓟꓬ ꓡ ꓠꓹ ꓟ ꓐꓱ ꓶ ꓥ ꓟ ꓚꓱꓹ ꓔꓯ ꓐꓯ ꓔ ꓡꓳ=

ꓢꓲ ꓒ ꓬꓰ-ꓢꓴ ꓡꓰ ꓣꓳ ꓠꓲꓹ ꓫꓵ_ ꓟ ꓠꓲꓹ ꓟ ꓓꓲ ꓢ ꓠꓲꓹ ꓠꓵ_ ꓟ꓾ ꓗꓹ ꓛꓲ ꓟ꓾ ꓙꓽ ꓣꓳ ꓠꓲꓹ ꓾ ꓝꓮꓲ ꓜꓲ ꓜꓲ ꓑꓲꓹ ꓑꓲꓹ ꓬꓰ_ ꓟ ꓓꓲ ꓢ ꓢꓲ ꓡꓲꓹ ꓟ ꓚꓱꓹ꓾ ꓡꓰ ꓔꓬ ꓠꓹ ꓟ ꓚꓱꓹ ꓐꓯ ꓡꓳꓹ ꓬꓰ ꓟ ꓥꓳ= ꓣꓳ ꓤꓶꓻ ꓗꓪ ꓪꓴꓽ_ ꓟ ꓠꓵꓻ ꓠꓲꓹ ꓡꓰ ꓙꓳ ꓠꓹ ꓟ ꓔꓯ ꓐꓯ ꓖꓶ ꓗꓷ ꓟ ꓥꓳ= ꓢꓲ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓢ-ꓓꓯ ꓐꓰ ꓫꓸ ꓕꓱ ꓡꓯꓽ ꓘꓳ ꓓꓴ ꓟꓽ ꓙꓳ ꓠꓹ ꓟ ꓐꓱ ꓶ ꓤ ꓟꓳ ꓠꓹ ꓟ ꓚꓱꓹ ꓐꓯ ꓢꓲ꓾ ꓪꓽ ꓘꓴ ꓢꓯꓼ ꓠꓬ ꓣꓳ ꓤꓶꓻ ꓔꓯ ꓝꓮꓲ ꓒꓳꓹ ꓔꓴ ꓘꓴ ꓐ ꓡ ꓠꓹ ꓟ ꓚꓱꓹ ꓔꓯ ꓐꓯ ꓔ ꓡꓳ= ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓬꓲꓸ ꓟꓶꓽ ꓗꓪ ꓐꓰ ꓢꓲ ꓫꓬ ꓟ ꓟꓹ ꓟ ꓟ-ꓡꓲ ꓗꓪ ꓐꓰ ꓣꓳ ꓔꓯ ꓠꓲꓽ ꓢ-ꓓꓯ ꓤ ꓠꓬꓲ ꓫꓵ ꓠꓬꓲ ꓓꓴ ꓗꓪ ꓐꓰ ꓡꓳꓸ ꓙ ꓐꓳ ꓙ ꓖꓶ ꓝꓲ ꓐꓰ ꓪꓽ ꓘꓴ ꓖꓶ ꓗꓷ ꓟ ꓥꓳ=