ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯꓸ ꓔꓬ ꓟ ꓤꓶꓻ ꓗꓪ ꓪꓴ-ꓢ ꓗꓪ ꓐꓰ ꓧꓪꓸ ꓛꓲ ꓐꓰ ꓔꓬ ꓡꓯ꓾

• ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯꓸ ꓔꓬ ꓟ ꓤꓶꓻ ꓗꓪ ꓪꓴ-ꓢ ꓗꓪ ꓐꓰ ꓧꓪꓸ ꓛꓲ ꓐꓰ ꓔꓬ ꓡꓯ꓾

11 ꓦ ꓟ 27 ꓠꓬꓲ ꓠꓽ ꓫꓵ ꓠꓬꓲ ꓬꓰ-ꓢꓴ ꓬꓯꓼ ꓡ ꓟ ꓔꓯ ꓡꓳꓸ ꓔꓬ ꓟ ꓙꓵꓹ ꓬꓲꓸ ꓪꓴꓸ ꓕꓲ ꓫꓵ ꓠ ꓮꓠꓖꓰꓡꓴꓢ ꓪꓽ ꓘꓴ ꓙꓵꓹ ꓕꓯ ꓔꓲꓺ ꓒ ꓪ ꓔꓲ ꓡꓰ ꓖꓳ ꓕꓲ ꓠꓬꓲ ꓢꓲ ꓫꓬ ꓕꓳ ꓶ ꓝꓲꓸ ꓗꓪ ꓐꓰ ꓣꓳ ꓤꓶꓻ ꓫꓸ ꓔ ꓟ ꓙꓵꓹ ꓗꓪ ꓥꓳ ꓡꓳꓸ ꓓꓴ ꓔꓯ ꓕꓶꓻ ꓡꓰ ꓠꓹ ꓟ ꓢꓯꓼ ꓕꓵꓼ ꓢꓲ꓾ ꓪꓴ-ꓢ ꓣꓳ ꓐꓰ ꓔꓬ ꓟ ꓣꓳ ꓠꓯꓼ ꓗꓪ ꓬꓯꓼ ꓡ ꓠꓹ ꓟ ꓠꓬꓲ ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓐꓰ ꓟꓸ ꓖꓶ_ ꓡꓳ=

ꓪꓴ-ꓢ ꓠꓬ ꓬꓲ ꓐꓰ ꓠꓶꓽ ꓞꓹ ꓠꓹ ꓟ ꓬꓲꓸ ꓟꓶꓽ ꓕꓲ ꓠꓬꓲ ꓗꓪ ꓣꓳ ꓔꓯ ꓠꓲꓹ ꓡꓱ ꓘꓳꓹ ꓣꓴ ꓠꓹ ꓟ ꓐꓱ ꓶ ꓣꓳ ꓤꓶꓻ ꓗꓪ ꓮ ꓕꓯ ꓥ ꓟꓲ ꓙꓰ ꓚꓳ ꓡ_ ꓟ ꓥꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓠꓬ ꓣꓳ ꓠꓯꓼ ꓗꓪ ꓮ ꓡꓰ ꓐꓰ ꓬꓯꓼ ꓡ_ ꓡ? ꓮ ꓡꓰ ꓐꓰ ꓘꓳꓹ ꓣꓴ ꓠ ꓔ ꓡ? ꓐꓰ ꓓꓵꓽ ꓙ ꓠ ꓔ ꓡꓳ=

 ꓔꓲꓺ ꓒ ꓪ ꓔꓲ ꓡꓰ ꓠ ꓠꓬꓲ_ ꓟ ꓠꓬ ꓣꓳ ꓙ ꓫꓱꓽ ꓟ ꓤꓶꓻ ꓗꓪ ꓪꓴ-ꓢ ꓠꓬ ꓣꓳ ꓐꓰ ꓔꓬ ꓟ ꓔꓯ ꓮ ꓕꓯ ꓥ ꓟꓲ ꓥ ꓟ ꓑꓶ ꓓꓴ ꓟꓬ ꓠꓬꓲ ꓓꓵꓽ ꓙ ꓠꓹ ꓟ ꓣꓱ ꓬꓯꓼ_ ꓟ ꓥꓳ= ꓕꓱ ꓟ ꓠꓬ ꓕꓲ ꓧꓪꓹ ꓧꓪ ꓓꓵꓽ ꓙ ꓡꓯꓼ ꓟꓽ ꓛꓲ_ ꓟ ꓙꓵꓹ ꓕꓯ ꓣꓳ ꓠꓬ ꓪꓴ-ꓢ ꓗꓪ ꓐꓰ ꓢꓷꓸ ꓡꓰ ꓓꓴ ꓔꓯ ꓡꓰ ꓧꓪꓸ ꓟ ꓥꓳ= ꓔꓲꓺ ꓒ ꓪ ꓔꓲ ꓡꓰ ꓠꓬꓲ ꓠꓬꓲ ꓟ  ꓢꓲ ꓫꓬ ꓕꓳ ꓶ ꓗꓪ ꓐꓰ ꓬꓰ-ꓢꓴ ꓠꓬ ꓛꓳ ꓢꓴ ꓠ ꓠꓹ ꓢꓴ ꓐꓴ ꓔꓯ ꓠꓳ-ꓪ ꓤꓶꓻ ꓗꓪ ꓡꓰ ꓐꓰ ꓣꓳ ꓔꓯ ꓒꓬꓱꓼ ꓟꓽ ꓥꓳ ꓡꓳꓸ ꓔ ꓟ ꓙꓵꓹ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯꓸ ꓔꓬ ꓟ ꓙꓵꓹ ꓕꓯ ꓪꓴ-ꓢ ꓬꓯꓼ ꓡ ꓟ ꓔꓯ ꓐꓯ ꓔ ꓟ ꓥꓳ=

ꓔꓲꓺ ꓒ ꓪ ꓔꓲ ꓡꓰ ꓬꓰ-ꓢꓴ ꓔꓯ ꓮ ꓡꓰ ꓐꓰ ꓘꓳꓹ ꓣꓴ ꓠꓹ ꓟ ꓗꓪ ꓐꓰ ꓐꓯ ꓔ ꓡꓳ= ꓧꓪꓸ ꓛꓲ ꓛꓲ ꓐꓰ ꓔꓬ ꓠꓹ ꓟ꓾ ꓬꓰ-ꓢꓴ ꓡꓰ ꓐꓯ ꓔ ꓟ ꓠꓬ ꓬꓲ ꓬꓯꓼ ꓡ ꓟ ꓙꓵꓹ ꓔꓯ ꓟꓽ ꓓꓵꓽ ꓙ ꓙ ꓔꓬ ꓟ꓾ ꓟꓽ ꓙ ꓖꓶ ꓔꓬ ꓟ ꓠꓬ ꓙꓲꓻ ꓣꓴꓽ_ ꓥꓳ= ꓠꓳ-ꓪ ꓤꓶꓻ ꓗꓪ ꓬꓲꓻ ꓙꓬ ꓟꓷꓸ ꓡꓰ ꓟ ꓗꓪ ꓐ ꓡꓰ ꓢꓴ ꓐꓴ ꓬꓲ ꓪ ꓔꓬ ꓟ ꓚꓱꓹ ꓔꓯ ꓓꓵꓽ ꓙ ꓡꓰ ꓝꓲ_ꓡꓳ= ꓣꓳ ꓢꓯꓸ ꓔꓬ ꓟ ꓤꓶꓻ ꓗꓪ ꓥ ꓟꓲ ꓪꓴ-ꓢ ꓔꓬ ꓟ ꓔꓯ ꓢꓷꓸ ꓠ ꓔ ꓟ ꓣꓱꓽ ꓬꓯꓼ_ ꓡꓳ= ꓣꓳ ꓠꓬ ꓟꓲ ꓠꓯ ꓗꓪ ꓒꓬꓱꓼ ꓔꓬ ꓟ ꓔꓯ ꓡꓰ ꓓꓵꓽ ꓙ ꓟ ꓙꓵꓹ ꓕꓯ ꓒꓬꓱꓼ ꓡ ꓗꓴꓸ_ ꓟ ꓥꓳ= ꓣꓳ ꓠꓬ ꓧꓪꓸ ꓛꓲ ꓐꓰ ꓔꓬ ꓠꓹ ꓟ ꓬꓲ ꓙꓵꓹ ꓥ ꓡꓳ=