ꓣꓳ ꓫꓱꓸ ꓖꓶ ꓗꓴꓸ ꓠꓹ ꓟ ꓐꓱ ꓶ ꓟꓹ ꓟ ꓟ-ꓡꓲ ꓡꓰ ꓬꓰ ꓙ ꓝꓲ꓾

ꓣꓳ ꓫꓱꓸ ꓖꓶ ꓗꓴꓸ ꓠꓹ ꓟ ꓐꓱ ꓶ ꓟꓹ ꓟ ꓟ-ꓡꓲ ꓡꓰ ꓬꓰ ꓙ ꓝꓲ꓾

ꓔꓲꓺ ꓒ ꓪ ꓔꓲ ꓡꓰ ꓡꓳꓹ ꓬꓰ ꓟ ꓠꓽ ꓫꓵ ꓠꓬꓲ ꓟꓲ-ꓢ ꓪꓽ ꓘꓴ ꓙꓵꓹ ꓕꓯ ꓢꓲ ꓫꓬ ꓕꓳ ꓶ ꓟ-ꓕꓲ ꓶꓼ ꓓꓳ ꓫꓸ ꓓꓳ ꓗꓪ ꓐꓰ ꓟꓽ ꓙꓲ_ ꓟ ꓦ ꓟꓲ ꓥꓪꓸ ꓢꓴ ꓔꓯꓺ ꓥꓳꓽ ꓗꓪ ꓐꓰ ꓔꓱꓹ ꓕ ꓖꓶ_ ꓡꓳ=

ꓠꓽ ꓫꓵ ꓠꓬꓲ ꓶꓼ ꓓꓳ ꓫꓱꓸ ꓓꓳꓽ ꓗꓪ ꓟꓽ ꓙꓲ_ ꓟ ꓦ ꓟꓲ ꓥꓪꓸ ꓢꓴ ꓔꓯ ꓥꓳꓽ ꓗꓪ ꓐꓰ “ꓣꓳ ꓮ ꓘꓶꓸ ꓙꓲ ꓠ ꓬꓰ ꓔ ꓟ ꓮ ꓙꓵ ꓠꓬ ꓬꓲ ꓢꓲ ꓒꓽ ꓔꓬ ꓠꓹ ꓟ ꓥꓳ꓾” ꓐꓰ ꓣꓳ ꓠꓲꓹ ꓟ ꓘꓴꓽ ꓗꓪ ꓫ ꓟꓳ ꓗꓴꓸ ꓟ꓾ ꓠꓲꓹ ꓦꓯꓹ ꓟ ꓠꓲꓹ ꓟ ꓡꓰ ꓟꓬꓽ ꓡ ꓟ ꓦ ꓟꓲ ꓥꓪꓸ ꓢꓴ ꓚꓱꓹ ꓔꓯ ꓐꓯ ꓟ ꓥꓳ꓾

ꓦ ꓟꓲ ꓗꓪ ꓔꓶ ꓔ ꓟ ꓛꓱꓼ ꓡꓱꓼ ꓢꓶꓽ ꓧꓼ ꓝꓲꓸ ꓛꓲ ꓡ ꓕꓯ ꓦ ꓟꓲ ꓥꓪꓸ ꓢꓴ ꓠꓬ ꓮ ꓙꓵ ꓔꓯ ꓦ ꓟꓲ ꓢꓲ ꓒꓽ ꓐꓰ ꓕꓲ ꓪ ꓐꓬꓱ ꓠꓹ ꓟ ꓟꓽ ꓬꓰ꓾ ꓬꓲ ꓪ ꓡꓰ ꓮ ꓙꓵ ꓣꓴ ꓔꓯꓹ ꓠꓹ ꓟ ꓠꓲꓹ ꓟ ꓙꓳ ꓟ ꓑꓶ ꓓꓴ ꓦ ꓟꓲ ꓢꓲ ꓒꓽ ꓡꓰ ꓝꓲ ꓗꓷ ꓟ ꓬꓲ ꓚꓳ ꓑꓸ ꓮ ꓙꓵ ꓔꓯ ꓓꓶꓽ ꓠꓬꓲ ꓭꓸ ꓛꓲ ꓡꓰ ꓡꓳ ꓠꓬꓲ ꓬꓰ_ ꓡꓳ꓾ ꓬꓲꓸ ꓟꓶ ꓗꓪ ꓬꓲ ꓮ ꓐꓲ ꓔꓯ ꓝꓲ ꓩꓴ ꓗꓷ ꓕꓯ ꓢꓰꓼ ꓗꓷ ꓟ ꓥ ꓡꓳ꓾

ꓕꓱ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓔꓱꓹ ꓕ ꓠꓬꓲ ꓠꓬ ꓔꓲꓺ ꓒ ꓪ ꓔꓲ ꓡꓰ ꓦ ꓟꓲ ꓥꓪꓸ ꓢꓴ ꓔꓯ “ꓬꓲ ꓪ ꓟꓶ ꓟ ꓮ ꓙꓵ ꓔꓯ ꓫ ꓟꓳ ꓗꓴꓸ ꓠ ꓔ ꓡꓳ꓾ ꓫꓱꓸ ꓖꓶ ꓠꓹ ꓟ꓾ ꓫꓸ ꓟꓳ ꓠꓹ ꓟ ꓟꓽ ꓬꓰ꓾ ꓬꓲꓸ ꓪ ꓠꓲꓹ ꓟ ꓗꓪ ꓒꓳꓹ ꓔꓴ ꓡ ꓢꓲ ꓟꓬ ꓠꓬꓲ ꓠꓲꓹ ꓦꓯꓹ ꓟ ꓠꓲꓹ ꓟ ꓑꓶ ꓓꓴ ꓓꓵꓽ ꓙ ꓥꓳꓽ ꓡꓰ ꓝꓲ_ ꓟ ꓥꓳ꓾ ꓬꓲ ꓟꓶꓽ ꓗꓪ ꓠꓬ ꓦ ꓟꓲ ꓢꓲ ꓒꓽ ꓡꓰ ꓬꓲ ꓪ ꓔꓯ ꓝꓮꓲ ꓡꓲꓸ ꓖꓶ ꓠꓹ ꓟ ꓐꓰ ꓓꓵꓽ ꓙ ꓥꓳꓽ ꓡꓰ_ ꓟ ꓥꓳ꓾” ꓐꓰ ꓐꓯ ꓔ ꓡꓳ꓾

ꓖꓳ ꓟ ꓑꓶ ꓓꓴ ꓬꓲ ꓪ ꓠꓬ ꓠꓲꓹ ꓦꓯꓹ ꓟ ꓠꓲꓹ ꓟ ꓙꓳ ꓟ ꓑꓶ ꓓꓴ ꓬꓲ ꓪ ꓠꓬ ꓦ ꓟꓲ ꓥꓪꓸ ꓢꓴ ꓗꓪ ꓐꓰ ꓞꓳ ꓤ ꓢꓰꓼ ꓢꓴ ꓗꓷ ꓡꓰ_ ꓟ ꓥꓳ꓾

ꓕꓱ ꓢꓲ ꓫꓬ ꓕꓳ ꓶ ꓗꓪ ꓐꓰ ꓞꓳ ꓤ ꓠꓬ ꓚꓲꓸ ꓛꓬ ꓬꓰ ꓐ ꓡ_ ꓡꓳ ꓐꓰ ꓠꓲꓹ ꓟ ꓗꓪ ꓓꓵꓽ ꓙ ꓢꓴ ꓠꓬ ꓫꓸ ꓟꓳ ꓗꓴꓸ ꓠꓹ ꓟ꓾ ꓫꓱꓸ ꓖꓶ ꓠꓹ ꓟ ꓟꓲ ꓡꓰ ꓗꓴꓸ ꓔ ꓟ ꓓꓵꓽ ꓙ ꓟꓽ ꓛꓲ ꓟ ꓔꓯ ꓢꓲ ꓒ ꓬꓰ-ꓢꓴ ꓡꓰ ꓟꓳꓸ ꓖꓶ ꓔ ꓟ ꓥꓳ꓾ ꓕꓱ ꓟ ꓡꓰ ꓐꓰ ꓠꓲꓹ ꓦꓯꓹ ꓟ ꓠꓲꓹ ꓟ ꓫꓸ ꓟꓳ ꓟꓽ ꓗꓴꓸ ꓟ ꓠꓲꓹ ꓟ ꓙꓳ ꓡꓰ ꓠꓬ꓾ ꓠꓲꓹ ꓘꓪ ꓫꓵꓺ ꓫꓵ ꓟꓽ ꓙꓳ꓾ ꓠꓲꓹ ꓟ ꓠꓻ ꓟ꓾ ꓙꓽ ꓜꓲꓼ ꓟ ꓟꓽ ꓙꓳ꓾ ꓬꓲꓸ ꓟꓶꓽ ꓗꓪ ꓞꓳ ꓤ ꓢꓰꓼ ꓠ ꓗꓪ ꓛꓲ ꓬꓰ ꓐ ꓡ ꓟ ꓥꓳ꓾ “ꓫ ꓟꓳ” ꓐꓰ ꓐꓯ ꓘꓶꓽ ꓠꓬ ꓢꓲ ꓡꓲꓹ ꓗꓹ ꓛꓲ ꓟ ꓔꓯ ꓖꓶ_ ꓡꓳ꓾ ꓐꓰ ꓐꓯ ꓔ ꓡꓳ꓾

ꓔꓲꓺ ꓒ ꓪ ꓔꓲ ꓡꓰ “ꓕꓲ ꓠꓬꓲ ꓡꓲ ꓕꓲ ꓠꓬꓲ ꓣꓳ ꓠꓲꓹ ꓟ ꓘꓴꓽ ꓗꓪ ꓫꓸ ꓟꓳ ꓗꓴꓸ ꓠꓹ ꓟ ꓐꓱ ꓶ” ꓪꓴ-ꓢ ꓶꓼ ꓤ ꓫꓱꓸ ꓤ ꓔꓯ ꓮ ꓕꓯ ꓟꓲ ꓫꓱꓸ ꓖꓶ ꓔꓬ ꓟ ꓟꓹ ꓟ ꓟ-ꓡꓲ ꓡꓰ ꓣꓳ ꓔꓯ ꓬꓰ ꓙ ꓖꓶ ꓠꓹ ꓟ ꓐꓱ ꓶ ꓪꓽ ꓘꓴ ꓖꓶ ꓔꓬ ꓟ ꓥꓳ꓾ ꓐꓰ ꓐꓯ ꓔ ꓡꓳ=