ꓬꓰ-ꓢꓴ ꓐꓰ ꓕꓲ ꓪꓼ ꓔꓬ ꓠꓬ ꓮ ꓕꓯ ꓥ ꓟꓲ ꓬꓲ ꓚꓱꓹ ꓫꓵꓼ ꓔꓯ ꓪꓴꓸ ꓔꓴ ꓐ ꓡ_ ꓡꓳ꓾

ꓬꓰ-ꓢꓴ ꓐꓰ ꓕꓲ ꓪꓼ ꓔꓬ ꓠꓬ ꓮ ꓕꓯ ꓥ ꓟꓲ ꓬꓲ ꓚꓱꓹ ꓫꓵꓼ ꓔꓯ ꓪꓴꓸ ꓔꓴ ꓐ ꓡ_ ꓥꓳ꓾

12 ꓦ 4 ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰ ꓬꓰ-ꓢꓴ ꓐꓰ ꓕꓲ ꓪꓼ ꓔꓬ ꓠꓬ ꓮ ꓕꓯ ꓥ ꓟꓲ ꓬꓲ ꓚꓱꓹ ꓫꓵꓼ ꓔꓯ ꓪꓴꓸ ꓔꓴ ꓐ ꓡ_ ꓥꓳ ꓐꓰ ꓢꓯꓼ ꓖꓶ_ ꓡꓳ=

ꓣꓳ ꓠꓯꓼ ꓗꓪ ꓙꓳꓺ ꓟ ꓙꓵꓹ ꓫꓸ ꓔ ꓟ ꓙꓵꓹ ꓞꓳꓸ ꓡꓰ_ ꓟ ꓙꓵꓹ ꓙꓳ ꓥ ꓟꓲ ꓪꓴ-ꓢ ꓬꓲ ꓫꓱꓸ ꓤ ꓠꓵ ꓠꓲꓹ ꓔꓯ ꓪ ꓟꓶ ꓠꓹ ꓟ ꓐꓱ ꓶ ꓶ ꓓꓰꓽ ꓠꓹ ꓟ ꓥꓳ= ꓪꓴ-ꓢ ꓡꓳꓸ ꓠꓬꓲ ꓔꓬ ꓠꓹ ꓟ ꓐꓱ ꓶ ꓬꓰ-ꓢꓴ ꓐꓰ ꓥ ꓠꓬ ꓮ ꓕꓯ ꓥ ꓟꓲ ꓪ ꓟꓶ_ ꓟ ꓥꓳ=

ꓢꓲ ꓫꓬ ꓕꓳ ꓶ ꓶ ꓓꓳꓽ ꓫꓱꓸ ꓓꓳꓽ ꓟ-ꓕꓲ 3ꓽ1-12 ꓗꓪ ꓖꓳ ꓓꓱ ꓔꓲꓹ ꓒ ꓬꓳ-ꓦ ꓚꓱꓹ ꓥ ꓡꓳ= “ꓟꓴ ꓗꓪ ꓗꓴꓷꓼ ꓠꓶꓽ ꓡꓺꓳ꓾ ꓠꓴ ꓪ ꓠꓲꓹ ꓟ ꓡꓶꓸ꓾’’ ꓐꓰ ꓐꓯ_ ꓡꓳ=

ꓖꓳ ꓓꓱ ꓔꓲꓹ ꓒ ꓬꓳ-ꓦ ꓠꓬ ꓬꓲ ꓤꓶꓻ ꓗꓪ ꓫꓸ ꓔ ꓟ ꓙꓳꓺ ꓓꓴ ꓔꓳꓹ ꓜꓳ ꓓꓴ ꓙꓳ_ ꓥꓳ ꓐꓰ ꓓꓵꓽ ꓙ ꓥꓳ= ꓖꓳ ꓡꓱ ꓥ ꓟꓲ ꓬꓲ ꓠꓬ ꓣꓳ ꓐꓱ ꓶ ꓬꓰ-ꓢꓴ ꓬꓯꓼ ꓡ ꓟ ꓥꓳ ꓡꓳꓸ ꓙꓵꓹ ꓗꓪ ꓙꓲ_ ꓟ ꓛꓳꓽ ꓒꓯꓹ ꓥ ꓡꓳ= ꓒ-ꓡꓲ-ꓢꓷ ꓐꓴ_ ꓐꓰ ꓢ-ꓓꓴ-ꓗꓷ ꓐꓴ ꓮꓽ ꓟꓬꓹ ꓠꓬ ꓟꓽ ꓙꓲ_ ꓟ ꓟꓽ ꓔꓱ_ ꓟ ꓠꓲꓹ ꓟ ꓐꓰ ꓬꓲ ꓔꓬ ꓗꓪ ꓡ_ ꓡꓳ= ꓥꓪ ꓠꓴ ꓠꓬ ꓮ ꓙꓵ ꓐꓲ ꓜꓲꓼ_ ꓟ ꓑꓶ ꓓꓴ ꓠꓲꓹ ꓟ ꓡꓶꓸ ꓟꓽ ꓛꓲ ꓐꓰ ꓘꓳꓹ ꓣꓴ ꓟ ꓥꓳ= ꓖꓳ ꓓꓱ ꓔꓲꓹ ꓒ ꓬꓳ-ꓦ ꓡꓰ ꓐꓯ ꓔ ꓟ ꓔꓯ ꓟꓽ ꓘꓳꓹ ꓣꓴ꓾ ꓠꓲꓹ ꓟ ꓫꓵꓼ ꓔꓯ ꓒꓳꓹ ꓡꓶꓸ ꓟꓽ ꓛꓲ ꓐꓰ ꓓꓵꓽ ꓙ_ ꓟ ꓥꓳ= ꓬꓳ-ꓦ ꓡꓰ ꓢꓷꓸ ꓡꓰ ꓝꓲ_ ꓟ ꓢꓯꓼ ꓠꓬ ꓪꓴ-ꓢ ꓫꓱꓸ ꓤ ꓠꓵ ꓠꓲꓹ ꓗꓪ ꓐꓰ ꓢꓷꓸ ꓡꓰ ꓠꓹ ꓟ ꓢꓯꓼ ꓥ ꓡꓳ= “ꓠꓴ ꓪ ꓠꓲꓹ ꓟ ꓡꓶ꓾ ꓟꓴ ꓗꓪ ꓗꓴꓷꓼ ꓠꓶꓽ ꓡꓺꓳ꓾’’

Hypocrisy ꓠꓬ ꓢꓲ ꓫꓬ_ ꓟ ꓔꓱ_ ꓟ ꓔꓯ ꓐꓬ ꓡꓰ ꓝꓲ_ ꓟ ꓮ ꓘꓶꓸ ꓦꓶ_ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓖꓳ ꓓꓱ ꓔꓲꓹ ꓒ ꓬꓳ-ꓦ ꓐꓰ ꓬꓰ-ꓢꓴ ꓠꓬ ꓙꓺ ꓣꓳꓽ_ ꓟ ꓠꓲꓹ ꓟ ꓟꓽ ꓙꓳ ꓢꓴ ꓐꓰ ꓬꓲ ꓪ ꓝꓴꓲ ꓔꓯ ꓟꓽ ꓫꓸ ꓔꓳ ꓢꓴ hypocrites ꓐꓴ ꓔꓯ ꓢꓷꓸ ꓡꓰ ꓝꓲ_ ꓟ ꓥꓳ= ꓣꓳ ꓖꓳ ꓓꓱ ꓚꓲ ꓛꓬ ꓬꓰ_ ꓟ ꓟꓬꓱꓽ ꓥ ꓟꓲ ꓣꓳ ꓠꓲꓹ ꓟ ꓗꓪ ꓓꓵꓽ ꓙ_ ꓟ ꓐꓰ ꓕꓲ ꓪ ꓗꓷ ꓡꓰ ꓠꓹ ꓟ ꓥꓳ= ꓟꓽ ꓥ ꓠꓬ ꓒ-ꓡꓲ-ꓢꓷ ꓐꓴ ꓡꓰ ꓐꓰ ꓥ ꓡ? ꓪꓴ-ꓢ ꓗꓪ ꓐꓰ ꓬꓲꓼ ꓠꓬꓲ ꓤ ꓐꓴ ꓣꓱꓽ ꓬꓯꓼ_ ꓟ ꓚꓱꓹ ꓗꓪ ꓪꓴ-ꓢ ꓶꓼ ꓓꓳ ꓫꓱꓸ ꓓꓳꓽ ꓐꓰ ꓙ ꓫꓱꓽ ꓠꓹ ꓟ ꓥꓳ= ꓪꓴ-ꓢ ꓡꓰ ꓝꓴꓲ ꓣꓷꓠꓸ ꓖꓶ ꓠꓹ ꓟ ꓶꓽ ꓓꓰꓽ ꓠꓹ ꓟ ꓥꓳ= “ ꓕꓱ ꓫꓸ ꓔ ꓟ ꓚꓱꓹ ꓔꓯ ꓓꓵꓽ ꓙ꓾ ꓬꓰ-ꓢꓴ ꓐꓰ ꓕꓲ ꓪꓼ ꓔꓬ ꓠꓬ ꓟꓬꓱꓽ ꓬꓲ ꓫꓵꓼ ꓪꓴꓸ ꓔꓴ_ ꓟ ꓚꓱꓹ ꓥ ꓔ ꓑꓳꓸ ꓠꓬ ꓒꓬꓱꓼ ꓡ ꓓ_ ꓡꓳ꓾ ꓒꓬꓱꓼ ꓡ_ ꓥꓳ=’’ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ=

 ꓕꓱ ꓥꓳ ꓡꓳꓸ ꓟ ꓙꓵꓹ ꓠꓬ ꓶꓼ ꓤ ꓫꓱꓸ ꓤ ꓐꓰ ꓐꓲ ꓞ_ ꓟ ꓐꓰ ꓪꓴ-ꓢ ꓡꓳꓸ ꓠꓬꓲ ꓢꓲ ꓬꓯꓼ ꓡ ꓠꓹ ꓟ ꓙꓵꓹ ꓥ ꓡꓳ= ꓬꓲꓼ ꓠꓬꓲ ꓤ ꓠꓵ ꓠꓲꓹ ꓐꓰ ꓬꓰ-ꓢꓴ ꓔꓯ ꓘꓳꓹ ꓣꓴ ꓠꓹ ꓟ ꓐꓱ ꓶ ꓟꓹ ꓟ ꓟ-ꓡꓲ ꓔꓯ ꓶꓽ ꓓꓰꓽ ꓪꓽ ꓘꓴ ꓓꓴ ꓬꓰ ꓡꓯ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ=

ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓢꓲ ꓫꓬ_ ꓟ ꓟꓹ ꓟ ꓟ-ꓡꓲ ꓑꓮꓲ ꓪꓽ ꓘꓴ ꓙꓵꓹ ꓗꓪ ꓐ ꓓꓴ ꓬꓰ ꓡꓯ= Ukraine ꓐꓰ ꓢꓰꓼ ꓡꓯ ꓘꓳ ꓓꓴ ꓔꓳꓹ ꓜꓳ_ ꓔꓬ ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓢꓯꓼ ꓖꓶ_ ꓡꓳ=