ꓬꓰ-ꓢꓴ ꓠꓬ ꓣꓳ ꓐꓱ ꓶ ꓪꓽ ꓘꓴ ꓙ_ ꓡꓳ=

 ꓬꓰ-ꓢꓴ ꓠꓬ ꓣꓳ ꓐꓱ ꓶ ꓪꓽ ꓘꓴ ꓙ_ ꓡꓳ=           

              ꓢꓲ ꓒꓽꓳ-ꓸ ꓥꓪ ꓝꓴꓲ ꓓꓽ ꓟ ꓙꓳ ꓥ ꓟꓲ ꓬꓰ-ꓢꓴ ꓡꓰ ꓥꓪ ꓔꓯ ꓠꓲ꓾ꓹ ꓠꓵ_ ꓡ? ꓠꓲꓹ ꓠꓵ_ ꓡꓳ= ꓬꓰ-ꓢꓴ ꓠꓬ ꓥꓪ ꓐꓱ ꓶ ꓪꓽ ꓘꓴ ꓙ_ ꓡ? ꓪꓽ ꓘꓴ ꓙ_ ꓡꓳ=ꓥꓪ ꓝꓴꓲ ꓬꓰ ꓗꓷꓳ-ꓸ ꓝꓴꓲ ꓟꓬ ꓠꓬꓲ ꓬꓰ ꓥ ꓟꓲ ꓬꓰ-ꓢꓴ ꓠꓬ ꓥꓪ ꓐꓱ ꓶ ꓪꓽ ꓘꓴ ꓙ ꓡ? ꓪꓽ ꓘꓴ ꓙ_ ꓡꓳ= ꓬꓰ-ꓢꓴ ꓠꓬ ꓣꓳ ꓮ ꓙꓵꓽ ꓢꓴ ꓔꓯ ꓠꓲꓹ ꓠꓵ_ ꓡꓳ= ꓮ ꓕꓯ ꓥ ꓟꓲ ꓪꓽ ꓘꓴ ꓙ_ ꓡꓳ= ꓟꓬ ꓠꓬꓲ ꓬꓲꓸ ꓠꓯꓸ_ ꓟ ꓗꓪ ꓣꓳ ꓠꓬ ꓬꓲ ꓪꓽ ꓘꓴ_ ꓟ ꓗꓪ ꓔꓬ ꓟ ꓥꓳ= ꓬꓰ-ꓢꓴ ꓡꓰ ꓣꓳ ꓐꓱ ꓶ ꓪꓽ ꓘꓴ ꓙ_ ꓟ ꓔꓯ ꓣꓳ ꓠꓲꓹ ꓟ ꓗꓪ ꓓꓵꓽ ꓙ ꓠ ꓔ ꓡꓳ= ꓬꓲ ꓠꓬ ꓪꓴ-ꓢ ꓐꓰ ꓠꓶꓽ ꓞꓹ ꓗꓪ ꓔꓬ ꓢꓲ-ꓸ ꓠꓸꓸ ꓓꓴ ꓔꓯ ꓟꓳ ꓡꓰ ꓝꓲ_ ꓡꓳ= ꓪꓴ-ꓢ ꓔꓯ ꓟꓳ ꓡꓰ ꓠꓹ ꓟ ꓬꓰ-ꓢꓴ ꓠꓬ ꓬꓲ ꓐꓰ ꓕꓲ ꓪ ꓣꓳ ꓠꓸꓸ ꓓꓴ ꓔꓯ ꓔꓯꓹ ꓢꓲ-ꓸꓬꓰ-ꓢꓴ ꓣꓳ ꓔꓯ ꓠꓵ_ ꓟ ꓠꓵ ꓠꓲꓹ ꓠꓬ ꓣꓳ ꓔꓯ ꓚꓬꓴ ꓙ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓕꓱ ꓕꓲ ꓙꓵꓹ ꓗꓪ ꓬꓰ-ꓢꓴ ꓡꓰ ꓣꓳ ꓐꓱ ꓶ ꓪꓽ ꓘꓴ ꓙ_ ꓟ ꓔꓯ ꓓꓵꓽ ꓙ ꓓꓴ ꓬꓰ ꓡꓯ= ꓣꓳ ꓠꓯꓼ ꓗꓪ ꓕꓱ ꓡꓱ ꓔꓱ_ ꓟ ꓙꓵ., ꓠꓲꓹ ꓙꓳ ꓠ ꓔ ꓡꓳ=