2021 ꓘꓳꓼ ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓗꓪ ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ ꓐꓯ ꓘꓶꓽ

2021 ꓘꓳꓼ ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓗꓪ ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ ꓐꓯ ꓘꓶꓽ

        2021 ꓘꓳꓼ 2 ꓦ 12 ꓠꓬꓲ ꓕꓯ-ꓸ ꓕꓳꓽ ꓶ ꓫꓬꓹ ꓩꓴ ꓡ_ ꓟ ꓗꓪ ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ ꓡꓰ 2021 ꓘꓳꓼ ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓶꓼ ꓓꓳꓽ ꓫꓱꓹ ꓓꓳꓽ ꓔꓯ ꓠ ꓠꓹ-ꓸ ꓣꓳ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓓꓯ ꓙꓰ ꓔꓬ ꓥꓳ= (ꓟ-ꓕꓲ 20ꓽ18) ꓢꓲ ꓫꓬ ꓕꓳ ꓶ ꓝꓲꓸ ꓗꓪ ꓐꓰ ꓓ ꓪꓴꓸ ꓐꓯ_ ꓡꓳ=

ꓕꓱ ꓟ ꓔꓯ ꓙꓵ ꓠꓲꓹ-ꓸ ꓥꓳ ꓡꓳꓸ ꓓꓴ-ꓸ ꓠꓵ ꓠꓲꓹ ꓐꓰ ꓝꓮꓲ ꓫꓬꓹ ꓔꓱꓹ ꓦꓬꓼ ꓠꓬꓲ ꓥ ꓟ ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓥꓳ ꓐꓰ ꓕꓱ (3) ꓚꓱꓹ ꓗꓪ ꓐꓰ ꓐꓳ ꓔ ꓟ ꓔꓯ-ꓸ ꓡꓳꓸ ꓟꓳ_ ꓡꓳ=

(1) ꓙꓵ ꓠꓲꓹ ꓚꓱꓹ ꓐꓯ_ ꓟ ꓠꓬ ꓔꓱꓹ ꓚꓵꓸꓹ ꓟ ꓔꓯ ꓘꓳ ꓣꓴ ꓠꓹ ꓟ ꓡꓰ ꓟꓽ ꓞꓲ ꓕꓱ ꓔꓱꓹ ꓚꓵꓸꓹ ꓟ ꓔꓯ ꓪꓴ-ꓢ ꓟꓲꓽ ꓙꓬ ꓞꓳ ꓤ ꓟꓲꓽ ꓙꓬ ꓗꓪ ꓢꓷꓸ ꓙ ꓟꓳ ꓙ ꓠꓹ ꓟ ꓐꓱ ꓶ ꓥꓳ ꓐꓰ ꓐꓯ_ ꓡꓳ=

(2) ꓥꓳ ꓡꓳꓸ ꓓꓴ ꓐꓯ_ ꓟ ꓠꓬ ꓟꓴ ꓗꓪ ꓗꓴꓷꓼ ꓙ ꓫꓱꓸꓸ ꓔꓬ ꓟ ꓣꓳ ꓔꓯ ꓚꓬꓴ ꓙ ꓟ ꓟꓬꓱꓽ ꓔꓯ ꓢꓯꓼ ꓪ ꓖꓶ_ ꓟ ꓬꓲ ꓙꓬꓸꓹ ꓥꓳ ꓐꓰ ꓐꓯ ꓔ ꓟ ꓥꓳ=

(3) ꓠꓵ ꓠꓲꓹ ꓐꓯ_ ꓟ ꓠꓬ ꓡꓽ ꓞꓳ ꓮ ꓙꓵ ꓔꓯ ꓒꓵꓸꓸ ꓢꓲ-ꓸ ꓫꓱꓹ ꓤꓼ_ ꓟ ꓠꓲꓹ ꓟ ꓙꓳ ꓢꓲ-ꓸ ꓙꓲ-ꓢꓴ ꓟꓸ ꓖꓶ ꓔ ꓟ ꓡꓰ ꓐꓰ ꓛꓳ ꓢꓲ-ꓸ ꓣꓳ ꓙꓵ ꓠꓲꓹ_ ꓐꓰ ꓥꓳ ꓡꓳꓸ ꓟ ꓔꓯ-ꓸ ꓢꓯꓼ ꓪ ꓖꓶ_ ꓟ ꓥꓳ ꓐꓰ ꓐꓯ ꓔ ꓡꓳ=

       ꓖꓳ ꓟ ꓑꓶꓸ ꓓꓴ ꓣꓳ ꓤꓶꓸꓹ ꓗꓪ ꓙꓵ ꓠꓲꓹ ꓙꓳ ꓢꓲ-ꓸ ꓥꓳ ꓡꓳꓸ ꓓꓴ ꓐꓰ ꓢꓯꓼ ꓪ ꓣꓴ ꓢꓲ-ꓸ ꓠꓵ ꓠꓲꓹ ꓐꓰ ꓙ ꓫꓱꓸꓹ ꓠꓹ ꓟ ꓐꓯ ꓔ ꓟ ꓥꓳ= ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓗꓪ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓡꓰ ꓟꓽ ꓞꓲ ꓜꓴꓸꓸ ꓗꓪ ꓐꓰ ꓥ ꓟꓲ ꓪꓽ ꓘꓴ_ ꓟ-ꓸ ꓬꓰ ꓙ ꓖꓶ ꓢꓲ-ꓸ ꓙꓲ-ꓢꓴ ꓢꓲ ꓤ ꓤꓶꓸꓹ ꓗꓪ ꓐꓰ ꓙꓵ ꓠꓲꓹ ꓤꓶꓸꓹ ꓔꓯ ꓟꓬꓽ ꓠꓬꓲ ꓢꓯꓼ ꓪ ꓟꓶ_ ꓠꓹ ꓟ ꓢꓯꓼ ꓖꓶ_ ꓡꓳ=