Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
2021 ꓘꓳꓼ 7 ꓦ ꓐꓱ ꓶ ꓔꓲꓸꓸ ꓒ ꓪ ꓔꓲ ꓡꓰ ꓪꓽ ꓘꓴ_ ꓟ ꓔꓶꓸꓹ ꓙꓱꓼ ꓠꓬ ꓞꓳ ꓡꓲꓽ ꓪ ꓚꓱꓹ ꓙꓳ ꓠꓹ ꓟ ꓥ ꓡꓳ=
Friday, July 16, 2021
2021 ꓘꓳꓼ 7 ꓦ ꓐꓱ ꓶ ꓔꓲꓸꓸ ꓒ ꓪ ꓔꓲ ꓡꓰ ꓪꓽ ꓘꓴ_ ꓟ ꓔꓶꓸꓹ ꓙꓱꓼ ꓠꓬ ꓞꓳ ꓡꓲꓽ ꓪ ꓚꓱꓹ ꓙꓳ ꓠꓹ ꓟ ꓥ ꓡꓳ=
ꓢꓲ ꓫꓬ ꓕꓳ ꓶ ꓗꓪ ꓣꓳ ꓟꓯꓼ ꓛꓳ ꓒꓯꓹ ꓔꓯ ꓧꓪ ꓟꓶꓸꓸ ꓢꓴ ꓠꓬ ꓮ ꓘꓶꓸ ꓒꓵꓽ_ ꓟ ꓒꓴ ꓫꓵꓸꓸ ꓡꓰ ꓥꓳ ꓐꓰ ꓐꓯ ꓔ ꓡꓳ= ꓣꓳ ꓪ ꓡꓯꓼ ꓘꓳ_ ꓟ ꓡꓰ ꓟꓽ ꓞꓲ ꓞꓳ ꓡꓲꓽ ꓪ ꓚꓱꓹ ꓙꓳ ꓠꓹ ꓟ ꓮ ꓙꓵꓽ ꓔꓯ ꓥꓪ ꓘꓴ_ ꓡꓳ= ꓕꓱ ꓟ ꓠꓬ ꓙꓲꓹ ꓟ ꓐꓰ ꓔꓬ ꓠꓹ ꓟ ꓮ ꓘꓶꓸ ꓣꓱꓽ ꓬꓯꓼ_ ꓡꓳ= ꓣꓳ ꓠꓬ ꓶ ꓤ ꓗꓪ ꓔꓬ ꓢꓴ ꓐꓰ ꓜꓲꓸꓸ ꓡꓯꓼ ꓘꓳ ꓠꓹ ꓟ ꓣꓱ ꓬꓯꓼ_ ꓡꓳ= ꓡ ꓞꓳ ꓐꓴ ꓔꓯ ꓙꓲ ꓖꓴ ꓟꓽ ꓙꓳ_ ꓟ ꓫꓸ ꓕꓱ ꓢꓲ-ꓸ ꓫꓸ ꓓꓴ ꓔꓳꓹ ꓜꓳ ꓥ ꓟꓲ ꓮ ꓫꓵꓽ ꓡꓲ ꓬꓰ ꓖꓶ ꓟꓽ ꓐ ꓡ_ ꓟ ꓕꓱ ꓡꓱ ꓗꓴꓷꓼ ꓙꓵꓽ ꓢꓴ ꓐꓴ_ ꓐꓰ ꓣꓳ ꓤ ꓟꓳ ꓠ ꓔ ꓡꓳ= ꓐꓬ ꓡꓰ ꓟ ꓗꓪ ꓐꓰ ꓛꓴꓽ ꓙꓳ ꓠꓲꓹ ꓙꓳ_ ꓟ ꓔꓯ ꓤ ꓟꓳ ꓠ ꓔ ꓡꓳ= ꓕꓱ ꓡꓱ ꓬꓰ ꓓꓴ ꓠꓬ ꓟꓽ ꓢ-ꓸ ꓗꓴꓷꓼ ꓚꓱꓹ ꓗꓪ ꓟꓬ ꓠꓬꓲ ꓟꓽ ꓢ ꓟ ꓥꓳ= ꓜꓴ ꓗꓪ ꓐꓰ ꓛꓴꓽ ꓙꓳ ꓗꓷ ꓡꓰ ꓝꓲ_ ꓟ ꓙꓵꓽ ꓪ ꓔꓯ ꓔꓯ ꓡꓯꓼ ꓘꓳ_ ꓟ ꓑꓶꓸ ꓓꓴ ꓥ ꓡꓳ= ꓜꓲꓸꓸ ꓡꓯꓼ ꓘꓳ ꓫꓸ ꓕꓱ ꓡꓯꓼ ꓘꓳ_ ꓟ ꓠꓬ ꓒꓬꓱꓼ ꓔꓬ ꓟ ꓔꓯ ꓬꓲꓸ ꓚꓱꓹ ꓫꓵꓼ ꓗꓪ ꓬꓰ ꓠꓹ ꓟ ꓐꓱ ꓶ ꓬꓲꓸ ꓚꓱꓹ ꓥ ꓡꓳ= ꓖꓳ ꓕꓯ ꓢꓲ-ꓸ ꓣꓳ ꓔꓳꓹ ꓜꓳ_ ꓟ ꓔꓯ ꓡ ꓞꓳ ꓮ ꓟꓬꓹ ꓐꓱ ꓶ ꓙꓲ ꓖꓴ ꓙꓳ ꓓꓴ ꓒꓬꓱꓼ ꓡ ꓠꓹ ꓟ ꓠꓲꓹ ꓟ ꓐꓰ ꓔꓬ ꓟꓶ ꓡ_ ꓥꓳ= ꓞꓳ ꓡꓲꓽ ꓪ ꓚꓱꓹ ꓶꓸꓸ ꓡꓯꓼ ꓚꓱꓹ ꓐꓰ ꓗꓴꓷꓼ ꓫꓵꓽ ꓪꓴ ꓚꓱꓹ ꓕꓱ ꓟꓬ ꓫꓵꓽ ꓔꓯ ꓣꓳ ꓠꓬ ꓢꓯꓼ ꓪ ꓙꓳ ꓢꓲ-ꓸ ꓪ ꓡꓯꓼ ꓘꓳ ꓫꓱꓹ ꓡꓯꓼ ꓘꓳ ꓠꓹ ꓟ ꓐꓰ ꓕꓲ ꓪꓼ ꓖꓪ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓤ-ꓸ ꓤ ꓟꓶ ꓤ ꓐꓴ ꓠꓬ ꓮ ꓕꓯ ꓥ ꓟꓲ ꓬꓰ ꓙ ꓔ ꓙ ꓖꓶ ꓢꓲ-ꓸ ꓛꓴꓽ ꓙꓳ ꓢꓲ-ꓸ ꓗꓴꓷꓼ ꓫꓵꓽ ꓪꓴ ꓚꓱꓹ ꓕꓱ ꓟ ꓟꓶꓽ ꓡꓰ ꓠꓹ ꓟ ꓪꓽ ꓘꓴ ꓓꓴ ꓬꓰ ꓡꓯ=
Subscribe
Sign up to our newsletter and get latest news and updates straight to your inbox!
Download RVA App
Add new comment