8 ꓦ ꓐꓱ ꓶ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓪꓽ ꓘꓴ ꓔꓶꓻ ꓙꓱꓼ

Friday, August 04, 2023

8 ꓦ ꓐꓱ ꓶ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓪꓽ ꓘꓴ ꓔꓶꓻ ꓙꓱꓼ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓥ ꓡꓳ꓾

ꓦꓲꓻ ꓑ ꓕꓲ ꓪꓽ ꓘꓴ ꓦꓲꓻ ꓗꓪ ꓙꓰ ꓕꓯ ꓞꓲꓼ ꓪꓴꓽ ꓢꓴ ꓔꓯ ꓡꓰ ꓟꓬ ꓠꓬꓲ ꓟꓳ ꓪ_ ꓡꓳ= ꓪꓽ ꓘꓴ ꓦꓲꓻ ꓠꓬ ꓬꓲꓸ ꓪ ꓐꓱ ꓶ ꓡꓰ ꓥ ꓡ?

ꓪꓽ ꓘꓴ ꓦꓲꓻ ꓠꓬ ꓞꓲꓼ ꓪꓴꓽ ꓢꓴ ꓐꓱ ꓶ ꓡꓰ ꓟꓽ ꓥ ꓟ ꓡꓰ ꓐꓰ ꓞꓲꓼ ꓣꓳꓺ ꓢꓴ ꓞꓳ ꓡꓱ ꓤ ꓐꓱ ꓶ ꓡꓰ ꓟꓽ ꓥ꓾ ꓪꓽ ꓘꓴ ꓦꓲꓻ ꓠꓬ ꓞꓲꓼ ꓪꓴꓽ ꓢꓴ ꓐꓱ ꓶ ꓡꓰ ꓥ ꓠꓬ ꓟꓶꓽ ꓡꓰ ꓡ ꓥꓳ꓾ ꓞꓳ ꓡꓱ ꓐꓴ ꓐꓰ ꓔꓬ ꓠꓬ ꓣꓳ ꓥ ꓟꓲ ꓣꓳꓺ ꓡꓰ_ ꓡꓳ꓾ ꓐꓰ ꓔꓲꓺ ꓒ ꓪ ꓔꓲ ꓙꓳꓧꓠ ꓑꓮꓴꓡ ꓲꓲ ꓡꓰ ꓐꓯ ꓔ ꓡꓳ= ꓐꓲꓽ ꓡꓰ_ ꓟ ꓪꓽ ꓘꓴ ꓦꓲꓻ ꓟꓽ ꓗꓷ ꓡꓰ ꓠꓹ ꓟ ꓪꓽ ꓘꓴ ꓦꓲꓻ ꓗꓪ ꓞꓳ ꓡꓱ ꓐꓴ ꓔꓯ ꓣꓱꓽ ꓬꓯꓼ_ ꓡꓳ=

ꓠꓲꓹ ꓠꓵ_ ꓟ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ꓾ “ꓟ-ꓡꓲ ꓠꓬ ꓞꓼ ꓐꓰ ꓪꓽ ꓚꓲ ꓟꓵꓽ ꓗꓪ ꓙꓰ_ ꓡꓳ꓾” ꓐꓰ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓐꓱ ꓶ ꓮ ꓫꓵ ꓑꓶ ꓓꓴ ꓬꓲꓸ ꓕꓲꓽ ꓟꓴꓽ ꓢꓲ ꓚꓰꓸ ꓖꓶ ꓔ ꓡ?

ꓮ ꓫꓵ ꓑꓶ ꓓꓴ ꓐꓯ ꓠꓬ꓾ ꓟ-ꓡꓲ ꓠꓬ ꓪꓴ-ꓢ ꓟꓹ ꓟ ꓐꓰ ꓒꓬꓱꓼ ꓡ ꓟ ꓔꓯ ꓬꓲ ꓢꓷꓸ ꓠꓬ ꓠꓱꓸ ꓐꓯꓼ ꓢꓴ ꓔꓯ ꓟꓽ ꓟꓸ꓾ ꓬꓲꓸ ꓙꓵꓹ ꓙꓳ ꓕꓯ ꓓꓽ ꓪꓴꓸ ꓬꓲꓸ ꓬꓰ_ ꓟ ꓠꓬ ꓠꓱꓸ ꓐꓯꓼ ꓢꓴ ꓔꓯ ꓬꓰ ꓙ ꓢꓲ꓾ ꓛꓳ ꓫꓱꓽ ꓠꓹ ꓟ ꓐꓱ ꓶ ꓬꓲꓸ ꓞꓽ ꓞꓽ ꓐꓰ ꓓꓳꓺ ꓙꓰ_ ꓟ ꓥꓳ= ꓠꓴ ꓪ ꓥ ꓟꓲ ꓟ-ꓡꓲ ꓡꓰ ꓐꓰ ꓙꓻ ꓫꓱꓽ ꓢꓲ꓾ ꓠꓱꓸ ꓐꓯꓼ ꓢꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓢꓳꓺ ꓣꓴ ꓓꓴ ꓬꓰ ꓡꓯ=

ꓡꓲꓢꓐꓳꓠ ꓗꓪ ꓬꓰ_ ꓟ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓐꓱ ꓶ ꓮ ꓫꓵ ꓥꓳꓸ ꓡꓳꓸ ꓔ ꓡ?

ꓡꓲꓢꓐꓳꓠ ꓗꓪ ꓐꓰ ꓡ ꓠꓹ ꓟ ꓤꓶꓻ ꓐꓱ ꓶ ꓙꓲ_ ꓟ ꓬꓲꓸ ꓫꓵꓸ ꓒꓬꓱꓼ ꓡꓰ ꓠꓹ ꓟ ꓥꓪ ꓥꓳ ꓡꓳꓸ ꓔ ꓡꓳ꓾ ꓠꓵ ꓠꓲꓹ ꓐꓰ ꓐꓲ ꓞꓹ ꓟ ꓟꓲ ꓠꓯ ꓒꓬꓱꓼ ꓡ ꓢꓲ꓾ ꓣꓳ ꓮ ꓙꓵ ꓠꓬ ꓬꓲꓼ ꓠꓬꓲ ꓤ ꓐꓴ ꓥ ꓡꓳ ꓐꓯ_ ꓟ ꓔꓯ ꓢꓷꓸ_ ꓟ ꓟꓲ ꓠꓯ ꓒꓬꓱꓼ ꓠꓹ ꓟ ꓥꓳ= ꓢꓰꓼ ꓡꓯꓼ ꓘꓳ ꓓꓴ ꓡꓰ ꓗꓷ ꓠꓬ ꓠꓱꓸ ꓐꓯꓼ ꓣꓱꓽ ꓬꓯꓼ ꓔꓬ ꓟ ꓥꓳ= ꓪꓴ-ꓢ ꓶꓼ ꓓꓳꓽ ꓫꓱꓸ ꓓꓳꓽ ꓔꓯ ꓢꓷꓸ ꓙ ꓟꓳ ꓙ_ ꓟ ꓟꓲ ꓠꓯ ꓒꓬꓱꓼ ꓠ ꓔ ꓡꓳ= ꓢꓲ ꓡꓲꓹ ꓗꓹ ꓛꓲ ꓟ ꓟꓲ ꓠꓯ ꓥ ꓡꓳ꓾ ꓟꓽ ꓥ ꓠꓬ ꓣꓳ ꓙꓲ ꓢꓲ ꓢꓲ ꓤ ꓐꓴ ꓥ ꓟꓲ ꓗꓹ ꓛꓲ ꓟꓽ ꓐ ꓡ꓾ ꓣꓳ ꓔꓯ ꓮ ꓡꓲ ꓕꓲ ꓣꓳ ꓥ ꓟꓲ ꓟꓽ ꓙꓵꓻ ꓡ꓾

ꓡꓲꓢꓐꓳꓠ ꓗꓪ ꓬꓰ_ ꓟ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓗꓪ ꓐꓰ ꓞꓳ ꓡꓱ ꓤ ꓐꓴ ꓓꓽ ꓪꓴꓸ ꓙꓻ ꓫꓱꓽ ꓐ ꓡ ꓠꓹ ꓟ ꓐꓰ ꓞꓳ ꓡꓱ ꓤꓶꓻ ꓗꓪ ꓐꓰ ꓪꓴ-ꓢ ꓶꓼ ꓓꓳ ꓫꓱꓸ ꓓꓳꓽ ꓔꓯ ꓢꓷꓸ ꓙ ꓟꓳ ꓙ ꓐ ꓡ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=