9 ꓦ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓔꓶꓻ ꓙꓱꓼ

ꓟꓵꓽ ꓗꓳꓸ ꓓꓵ ꓓꓵ ꓗꓪ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓫꓵꓻ ꓗꓪ ꓛꓲ ꓝꓴꓲ ꓖꓶ_ ꓟ ꓙꓵꓽ ꓗ ꓔꓯ ꓟꓬ ꓠꓬꓲ ꓟꓽ ꓬꓰ ꓠꓹ ꓟ ꓒꓳꓹ ꓔꓴ_ ꓟ ꓟꓶꓽ ꓡꓰ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓥꓳ= ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓐꓱ ꓶ ꓥ ꓟꓲ ꓥꓳ ꓡꓳꓸ ꓓꓴ ꓕꓲ ꓟ ꓥꓳ= ꓕꓱ ꓡꓱ ꓬꓰ ꓠꓹ ꓟ ꓟꓽ ꓣꓱꓽ ꓬꓯꓼ ꓟ ꓥꓳ= ꓟꓲ ꓠꓯ ꓡ ꓞꓳ ꓜꓴꓻ ꓗꓪ ꓐꓰ ꓕꓱ ꓡꓱ ꓝꓴꓲ ꓬꓰ ꓢꓴ ꓔꓯ ꓗꓽ ꓕꓸ ꓐ ꓡ ꓟ ꓡꓰ ꓐꓰ ꓝꓴꓲ ꓬꓰ ꓢꓴ ꓬꓲ ꓪ ꓚꓲ ꓛꓬ ꓚꓬꓴ ꓙ ꓐ ꓡ ꓟ ꓙꓵꓽ ꓪ ꓔꓯ ꓗꓽ ꓕꓸ ꓠꓹ ꓟ ꓬꓰ ꓟꓽ ꓓ꓾ ꓐꓯ ꓟꓴ ꓘꓶ_ ꓟ ꓗꓪ ꓬꓲ ꓪ ꓐꓱ ꓶ ꓮ ꓕꓯ ꓥ ꓟꓲ ꓥꓳ ꓡꓳꓸ ꓓꓴ ꓗꓸ ꓘꓶꓽ ꓕꓲ ꓟ ꓒꓴ ꓖꓶ ꓠꓹ ꓟ ꓥꓳ= ꓝꓴꓲ ꓐꓱ ꓶ ꓫꓵꓻ ꓠꓹ ꓟ ꓝꓴꓲ ꓖꓶ_ ꓟ ꓠꓬ ꓝꓴꓲ ꓬꓰ ꓢꓴ ꓐꓱ ꓶ ꓟꓽ ꓔꓱ_ ꓟ ꓥ ꓢꓲ꓾ ꓝꓮꓲ ꓒꓳꓹ ꓔꓴ ꓠꓹ ꓟ ꓡꓰ ꓢꓯꓼ ꓖꓶ_ ꓟ ꓥꓳ= ꓥꓳꓽ ꓢꓲ ꓫꓵꓻ ꓓꓴ ꓝꓴꓲ ꓖꓶ ꓟꓶ ꓕꓯ ꓝꓮꓲ ꓫꓬꓹ ꓔꓱꓹ ꓟꓽ ꓙꓰ ꓟ ꓥꓳ= ꓝꓮꓲ ꓕꓱ ꓡꓱ ꓫꓵꓻ ꓓꓴ ꓝꓴꓲ ꓖꓶ_ ꓟ ꓠꓬ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱꓹ ꓗꓪ ꓥ ꓟꓲ ꓘꓳꓹ ꓣꓴ ꓟꓽ ꓐ ꓡ꓾ ꓮ ꓘꓶꓸ ꓒꓵ_ ꓟ ꓞꓳ ꓤ ꓤꓶꓻ ꓔꓯ ꓫꓵꓻ ꓓꓴ ꓝꓴꓲ ꓖꓶ_ ꓟ ꓡꓰ ꓐꓬ ꓡꓰ ꓝꓲ_ ꓟ ꓥꓳ= ꓬꓲꓸ ꓟꓶ ꓕꓲ ꓠꓬꓲ ꓗꓪ ꓛꓲ ꓡ ꓞꓳ ꓕꓲ ꓣꓳ ꓒꓳꓹ ꓡꓶꓸ ꓐ ꓡ_ ꓟ ꓔꓯ ꓟꓲ ꓡꓰ ꓟꓽ ꓓ꓾ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓥ ꓟꓲ ꓫꓵꓻ ꓓꓴ ꓝꓴꓲ ꓖꓶ_ ꓟ ꓔꓯ ꓟꓽ ꓘꓳꓹ ꓣꓴ ꓟ ꓥꓳ= ꓡ ꓞꓳ ꓕꓽ ꓢꓰꓼ ꓐꓯ_ ꓟ ꓪꓴ-ꓢ ꓙꓵꓽ ꓗ ꓠꓬ ꓝꓴꓲ ꓬꓰ ꓢꓴ ꓐꓰ ꓝꓴꓲ ꓟꓽ ꓬꓰ ꓢꓴ ꓠꓬꓲ ꓣꓳ ꓐꓱ ꓶ ꓥ ꓡꓳ= ꓖꓳ ꓟ ꓑꓶ ꓓꓴ ꓟꓵꓽ ꓗꓳꓸ ꓓꓵ ꓓꓵ ꓗꓪ ꓫꓵꓻ ꓟ ꓝꓴꓲ ꓖꓶ ꓓꓴ ꓟꓽ ꓙꓳ ꓠꓹ ꓟ ꓥꓪ ꓗꓪ ꓐꓰ ꓢꓯꓼ ꓖꓶ_ ꓟ ꓥꓳ= ꓟꓲ ꓠꓯ ꓡ ꓞꓳ ꓪ ꓙꓵꓽ ꓙꓳ_ ꓟ ꓐꓰ ꓒꓳꓹ ꓡꓶꓸ ꓢꓲ ꓫꓵꓻ ꓠ ꓗꓪ ꓛꓲ ꓝꓴꓲ ꓖꓶ ꓗꓷ ꓟ ꓗꓴꓷꓼ ꓙꓵꓽ ꓗ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=