ꓐꓱ-ꓢꓰ-ꓓ ꓞꓳ ꓘꓹ ꓟꓸ ꓟꓲꓽ

ꓕꓱ ꓕꓲ ꓧꓪꓹ ꓢꓲꓽ ꓫꓬ ꓕꓳ ꓶ ꓗꓪ ꓟ ꓡꓳ ꓒꓱ ꓚꓱꓹ ꓔꓯ ꓣꓳ ꓢꓳˍ ꓟ ꓙꓵꓹ ꓗꓪ ꓠꓬ ꓐꓯ-ꓢꓰ-ꓓ ꓞꓳ ꓘꓹ ꓚꓱꓹ ꓔꓯ ꓢꓳ ꓣꓴ ꓓꓴ ꓬꓰ ꓡꓯ= ꓐꓱ-ꓢꓰ-ꓓ ꓐꓯ ꓟ ꓬꓲ ꓟꓸ ꓟꓲꓽ ꓠꓬ ꓦꓲ-ꓐꓱ-ꓣꓴ ꓥꓳꓽ ꓗꓪ ꓐꓰ ꓧꓪꓽ ꓖꓼ ꓦꓲ꓾ ꓥꓪꓸ ꓢꓰꓼ ꓦꓲ꓾ ꓥꓪꓸ ꓧꓪ ꓦꓲ ꓐꓰ꓾ ꓕꓰ ꓡꓰ ꓬꓲ ꓟꓸ ꓟꓲꓽ ꓙꓳˍ ꓥ= ꓞꓳ ꓘꓹ ꓕꓱ ꓟ ꓠꓬ ꓬꓳ-ꓔ ꓬꓲꓻ ꓟ ꓟꓲꓽ ꓟꓲ ꓓꓳ ꓕꓲ ꓛꓱꓽ ꓔꓯ ꓢꓲ ꓙꓳˍ ꓟ ꓞꓳ ꓘꓹ ꓕꓲ ꓟ ꓥ ꓡꓳ= ꓐꓱ-ꓢꓰ-ꓓ ꓠꓬ ꓭꓸ ꓚꓲ ꓓꓰ꓾ ꓭ ꓛꓲꓸ ꓟꓲ ꓙꓳˍ ꓟ ꓕꓲ ꓔꓶꓸ ꓥ ꓢꓲ ꓔꓶꓺ ꓫꓵꓽ ꓔꓶꓺ ꓙꓰꓽ ꓮ ꓘꓶꓸ ꓔꓶꓺ ꓜꓽ ꓟꓽ ꓙꓲꓻ ꓟ ꓔꓲ ꓔꓳꓸ ꓥ ꓡꓳ= ꓕꓱ ꓕꓲ ꓔꓶꓸ ꓗꓪ ꓢꓲ ꓒ ꓬꓰ-ꓢꓴ ꓠꓬ ꓑ ꓑ ꓥꓪꓽ ꓑꓬ ꓐꓰ ꓥꓪꓸ ꓠꓬꓲꓽ ꓟ ꓗꓪ ꓐꓰ ꓟꓬꓽ ꓡ ꓝꓲˍ ꓟ꓾ ꓞꓳ ꓤ ꓥꓪꓽ ꓔꓴ ꓟꓽ ꓞꓲ ꓔꓯ ꓖꓶꓽ ꓜꓽˍ ꓟ ꓚꓱꓹ ꓟ-ꓘꓳ ꓕꓳ ꓶ 6ꓽ32ꓹ ꓡꓴ-ꓘ 9ꓽ10 ꓗꓪ ꓕꓱ ꓡꓱ ꓐꓳ ꓔ ꓟ ꓥ ꓡꓳ=

ꓐꓱ-ꓢꓰ-ꓓ ꓠꓬ ꓗꓳ-ꓡꓯ ꓪꓽ ꓙꓵꓽ ꓠꓯꓸꓼ ꓗꓪ ꓙꓳˍ ꓟ ꓞꓳ ꓘꓹ ꓕꓲ ꓘꓹ ꓥ ꓡꓳ= ꓕꓱ ꓕꓲ ꓘꓴ ꓠꓬ ꓐꓚ 30 ꓟꓽ ꓥ ꓠꓬ 31 ꓘꓳꓼ ꓛꓲ ꓗꓪ ꓕꓱ ꓗꓪ ꓩꓴ-ꓡꓲ ꓒꓲ-ꓡꓲ 2 ꓔꓬꓹ ꓔꓶꓸ ꓥ ꓐꓷ= ꓢꓲ ꓒ ꓬꓰ-ꓢꓴ ꓐꓰ ꓬꓲ ꓛꓳ ꓒꓯꓹ ꓐꓴ ꓠꓬ ꓢꓲ ꓡꓲ ꓟ ꓠꓯꓸꓼ ꓗꓪ ꓔꓬꓹ ꓠꓹ ꓟ ꓪꓽ ꓘꓴ ꓠꓹ ꓟ ꓐꓱ ꓶ ꓞꓳ ꓤ ꓟꓽ ꓢꓷꓸ ꓠ ꓙꓰˍ ꓕꓯ ꓞꓳ ꓤ ꓐꓴ ꓠꓬ ꓢꓷꓸ ꓡꓰ ꓢꓲ ꓢꓲ ꓒ ꓬꓰ-ꓢꓴ ꓐꓰ ꓝꓲ ꓓꓴ ꓐꓴ ꓟꓽ ꓛꓲ ꓢꓰꓽ ꓧꓶꓸ ꓕꓯ ꓗꓪ ꓛꓲ ꓔꓬ ꓟ ꓚꓱꓹ ꓐꓳ ꓔ ꓟ ꓕꓲ ꓔꓶꓸˍ ꓟꓲ ꓥ ꓡꓳ=

ꓐꓱ-ꓢꓰ-ꓓ ꓞꓳ ꓘꓹ ꓗꓪ ꓮ ꓟꓶ ꓕꓲ ꓤꓶꓻ ꓙꓳ ꓔꓬ ꓟ ꓞꓲ ꓡꓲ ꓔꓶꓸ ꓔꓯ ꓣꓳ ꓛꓳꓽ ꓓꓴ ꓬꓰ ꓡꓯ=  1 ꓠꓬ ꓔꓲꓐꓰꓣꓲꓮꓢ ꓐꓯ ꓟ ꓕꓲ ꓔꓶꓸ ꓥ ꓡꓳ= ꓖ-ꓡꓲ-ꓡꓲ ꓬꓲꓻ ꓡꓳ ꓐꓱ ꓒ ꓕꓲꓺ ꓗꓪ ꓙꓳˍ ꓟ ꓬꓲꓻ ꓡꓳ ꓐꓱ ꓥ ꓐꓷ=