ꓐ-ꓐꓷ ꓟꓵꓽ ꓔꓳꓹ ꓤꓲ

ꓟꓲ ꓠꓯ ꓗꓪ ꓬꓲꓻ ꓙꓬ ꓓꓽ ꓟ ꓙꓵꓽ ꓟꓶꓸˍ ꓟ ꓗꓪ ꓐꓰ ꓚꓬꓴ ꓓꓳ ꓟꓶ ꓗꓷ ꓗꓸ ꓠꓯ ꓾ ꓪꓴ-ꓢ ꓡꓰ ꓠꓳ-ꓪ ꓔꓯ ꓪꓵꓼ ꓘꓶꓽ ꓖꓶ ꓗꓷ ꓟ ꓕꓲ ꓡꓰꓹꓼ ꓠꓳ-ꓪ ꓞꓲꓼ ꓤ ꓡꓯꓹ ꓤ ꓮ ꓟꓬꓹ ꓟꓬꓽ ꓡˍ ꓡꓳ= ꓖꓳ ꓡꓱ ꓥˍ ꓟꓲ ꓞꓳ ꓤ ꓐꓴ ꓠꓬ ꓟꓬꓱꓺ ꓓꓳꓽ ꓧꓪ ꓢꓲ ꓚꓲꓸ ꓛꓬ ꓐꓱ ꓶ ꓡꓰ ꓚꓲꓸ ꓛꓬ ꓓꓵꓽ ꓙˍ ꓟ ꓠꓲꓹ ꓟ ꓡꓰꓽ ꓐꓲ ꓓˍ ꓡꓳ= “ꓠꓬꓲꓸ ꓠꓬꓲ ꓗꓪ ꓣꓳꓽ ꓠꓬ ꓮ ꓘꓶꓸ ꓪꓽ ꓠꓬꓲ ꓡꓺ ꓳ꓾ ꓣꓳꓽ ꓕꓯ ꓢꓲ ꓗꓪ ꓪꓴ-ꓢ ꓕꓲ ꓣꓳˍ ꓡꓰ ꓔꓬꓹꓳ =ꓣꓳ ꓠꓬ ꓕꓲ ꓠꓲꓹ ꓕꓲ ꓪ ꓬꓰ ꓢꓲ ꓪꓴ-ꓢ ꓕꓯꓽ ꓢꓲ ꓪꓴꓽˍ ꓟ ꓡ ꓞꓳ ꓒꓬꓱꓼ ꓡ ꓠꓹ ꓟ ꓬꓰ ꓡꓯ= ꓟꓴꓽ ꓗꓪ ꓗꓪ ꓛꓲ ꓬꓰ ꓠꓹ ꓟ ꓟꓵꓽ ꓔꓳꓹ ꓤꓶ ꓕꓲ ꓟ ꓫꓬꓹ ꓡꓯ꓾” ꓐꓯ ꓢꓲ ꓟꓵꓽ ꓔꓳꓹ ꓤꓲ ꓫꓬꓹ ꓪꓴꓸ ꓔꓴˍ ꓡꓳ= ꓬꓲ ꓪ ꓐꓴ ꓠꓬ ꓞꓽ ꓛꓬ ꓣꓱꓽ ꓢꓲ ꓕꓲ ꓝꓸ ꓑꓶꓸ ꓕꓲ ꓝꓸ ꓟꓴ ꓡ ꓠ ꓛꓲ ꓫꓬꓹ ꓡꓳ=

ꓖꓳ ꓡꓱ ꓥˍ ꓟꓲ ꓪꓴ-ꓢ ꓡꓰ ꓖꓳ ꓟ ꓔꓯ ꓟꓳ ꓗꓷ ꓕꓯ ꓞꓳ ꓤ ꓐꓴ ꓬꓰ ꓔꓬ ꓟ ꓠꓬ ꓥꓳꓽ ꓡꓰ ꓓꓴ ꓡꓰꓽ ꓬꓰ ꓔꓬ ꓟ ꓔꓯ ꓢꓷˍ ꓠꓬꓲ ꓾ ꓬꓲ ꓪ ꓐꓴ ꓠ ꓠꓹ ꓟꓽ ꓗꓴꓸ ꓠꓹ ꓟ ꓬꓲ ꓪ ꓥꓳꓽ ꓔꓯ ꓗꓪꓺ ꓡꓰ ꓝꓲˍ ꓡꓳ= ꓕꓲ ꓣꓳ ꓔꓯ ꓞꓳ ꓫꓵꓽ ꓥꓳꓽ ꓕꓲ ꓙꓰꓽ ꓫꓸ ꓕꓱ ꓓꓳꓻ ꓡ ꓠ ꓬꓰˍ ꓡꓳ= ꓗꓸ ꓠꓯꓸ ꓬꓲ ꓪ ꓐꓴ ꓠꓬ ꓕꓲ ꓣꓳ ꓫꓸ ꓕꓱ ꓘꓶꓽ ꓔꓯ ꓝꓮꓲ ꓕꓲ ꓣꓳ ꓟꓽ ꓢꓷꓸ ꓾ ꓠ ꓠꓹ ꓟꓽ ꓗꓴꓸ ꓗꓷ ꓡꓰ ꓠꓬꓲ ꓬꓲꓸ ꓪ ꓐꓴ ꓠꓬ ꓟꓵꓽ ꓕꓯ ꓗꓳꓹ ꓕꓯꓽ ꓧꓹ ꓒꓬꓱ ꓙꓰ ꓢꓲ ꓟꓵꓽ ꓔꓳꓹ ꓤꓲ ꓫꓬꓹ ꓟ ꓗꓪ ꓐꓰ ꓠꓽ ꓗꓷꓳ= ꓡꓳ ꓒꓱ ꓖꓳ ꓟ ꓔꓯˍ ꓟꓲ ꓐ-ꓐꓷ ꓐꓰ ꓟꓬꓱꓺ ꓖꓶˍ ꓡꓳ= ꓐ-ꓐꓷ ꓐꓯˍ ꓟ ꓠꓬ ꓥꓳꓽ ꓫꓵꓽ ꓥꓳꓽ ꓙꓰꓽ ꓗꓪꓺ ꓡꓰ ꓢꓲ ꓾ ꓕꓲ ꓣꓳ ꓫꓸ ꓕꓱ ꓟ ꓔꓯ ꓕꓲ ꓣꓳ ꓟꓽ ꓙꓽ ꓙꓲꓼ꓾ ꓠ ꓠꓹ ꓟꓽ ꓗꓴꓸ ꓟ ꓔꓯ ꓐꓯˍ ꓟ ꓥꓳ=