ꓑꓲ-ꓔꓲ ꓪ ꓔꓲ ꓙꓲꓻ ꓫꓬ ꓢꓴ Louis ꓚꓱꓹ

ꓘꓴ-ꓜꓲ-ꓞꓳ ꓚꓻ ꓟꓲꓽ

ꓑꓲ-ꓔꓲ ꓪ ꓔꓲ ꓙꓲꓻ ꓫꓬ ꓢꓴ Louis ꓚꓱꓹ

ꓙꓲꓻ ꓫꓬ ꓢꓴ ꓕꓲ ꓣꓳ ꓒꓬꓱꓼ ꓡ ꓠꓹ ꓟ ꓪꓴ-ꓢ ꓟꓬꓱꓽ ꓬꓰ ꓢꓴ ꓡꓰꓽ ꓒꓬꓱꓼ ꓡ ꓓ ꓟ ꓟꓽ ꓥ= ꓟꓲ ꓠꓯ ꓡ ꓞꓳ ꓮ ꓙꓵꓽ ꓠꓬ ꓒꓬꓱꓼ ꓡ ꓓˍ ꓡꓳ= ꓙꓲꓻ ꓫꓬ ꓢꓴ ꓪ ꓔꓲ Louis ꓠꓬ ꓮꓽ ꓟꓬꓹ ꓟꓬꓱꓺ ꓓꓳ ꓙꓳˍ ꓟ ꓙꓲꓻ ꓫꓬ ꓢꓴ  ꓥ ꓟ꓾ ꓙꓲꓻ ꓫꓬ ꓢꓴ ꓪ ꓔꓲ Louis ꓞꓲꓼ ꓣꓳˍ ꓟ ꓙꓵꓹ ꓕꓯ ꓬꓲ ꓟꓹ ꓟ ꓡꓰ ꓬꓲ ꓔꓯ ꓙꓵꓸꓹ ꓠꓲꓹ ꓚꓱꓹ ꓟꓸ ꓖꓶˍ ꓟ ꓥ ꓡꓳ= ꓙꓲꓻ ꓫꓬ ꓢꓴ ꓪ ꓔꓲ Louis ꓔꓯ ꓬꓲ ꓟꓹ ꓟ ꓐꓯ ꓟꓸ ꓖꓶ ꓘꓶꓽ ꓠꓬ ꓥꓪ ꓠꓲꓹ ꓠꓵˍ ꓟ ꓥꓪ ꓤꓽꓳ꓾ ꓠꓴ ꓔꓯ ꓥꓪ ꓮꓽ ꓟꓬꓹ ꓠꓲꓹ ꓠꓵ ꓡꓳ=ꓖꓳ ꓡꓱ ꓥˍ ꓟꓲ ꓠꓴ ꓝꓴꓲ ꓓꓽ ꓟ ꓬꓰ ꓗꓷˍ ꓟ ꓕꓯ ꓢꓲꓽ ꓫꓵꓻˍ ꓟ ꓠꓬ ꓪ ꓙꓲꓻ ꓙꓲˍ ꓡꓳ꓾ ꓐꓰ ꓬꓲ ꓟꓹ ꓟ ꓡꓰ ꓟꓸ ꓖꓶˍ ꓡꓳ= ꓙꓲꓻ ꓫꓬ ꓢꓴ Louis ꓠꓬ ꓪ ꓔꓲ ꓒꓬꓱꓼ ꓡ ꓟ ꓙꓵꓹ ꓗꓪ ꓥ ꓟꓲ꓾ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓮꓽ ꓟꓬꓹ ꓠꓲꓹ ꓠꓵ ꓢꓲ ꓗꓴꓷꓼ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ  ꓥ ꓡꓳ=

French ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓐꓰ ꓫꓸ ꓢꓴ ꓟꓶ ꓢꓴ ꓮ ꓙꓵꓽ ꓔꓯ ꓮꓽ ꓟꓬꓹ ꓬꓰ ꓙ ꓗꓷ ꓪ= ꓙꓲꓻ ꓫꓬ ꓢꓴ ꓪ ꓔꓲ Louis ꓔꓯ ꓟꓬꓱꓽ ꓮꓽ ꓟꓬꓹ ꓙꓳˍ ꓥ ꓟꓲ ꓪꓴ-ꓢ ꓐꓰ ꓮ ꓕꓯ ꓥ ꓟꓲ ꓙ ꓡꓯ ꓘꓳ ꓢꓴ ꓥ ꓡꓳ= ꓢꓲꓽ ꓫꓬ ꓟ ꓟꓵꓽ ꓥ ꓟꓲ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓔꓯ Muslim ꓙꓵꓻ ꓠꓲꓹ ꓘꓳ ꓣꓴ ꓢꓴ ꓡ ꓞꓳ ꓐꓴ ꓡꓰ ꓟꓯꓼ ꓓꓶꓽ ꓟꓯꓼ ꓢꓰꓼ ꓡ ꓙꓵꓹ ꓗꓪ  ꓙꓲꓻ ꓫꓬ ꓢꓴ Louis ꓮꓽ ꓟꓬꓹ ꓬꓰ ꓙ ꓗꓷ ꓪ=ꓙꓲꓻ ꓫꓬ ꓢꓴ ꓪ ꓔꓲ Louis ꓠꓬꓙꓵꓻ ꓠꓲꓹ ꓮꓽ ꓟꓬꓹ ꓙꓳˍ ꓟ ꓪ ꓔꓲ ꓐꓰ ꓠꓵ ꓠꓲꓹ ꓡꓰ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓥ ꓡꓳ= ꓙꓲꓻ ꓫꓬ ꓢꓴ ꓪ ꓔꓲ Louis ꓠꓬ ꓮꓓ 1270 ꓘꓳꓼ ꓕꓯ ꓠꓸꓹ ꓫꓵꓽ ꓑꓶꓸ ꓓꓴ ꓟꓲ ꓠꓯ ꓗꓪ ꓧꓪꓽ ꓖꓳ ꓓꓱ ꓡꓳꓹꓬꓰ ꓪ=

Add new comment

4 + 2 =