ꓔꓲꓺ ꓒ ꓓꓽ ꓐꓴ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱ ꓔꓬ ꓟ ꓚꓱ,

Monday, June 13, 2022

ꓔꓲꓺ ꓒ ꓓꓽ ꓐꓴ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱ ꓔꓬ ꓟ ꓚꓱ,

ꓔꓲꓺ ꓒ ꓓꓽ ꓠꓬ ꓔꓲꓺ ꓒ ꓐꓴ ꓬꓰ ꓠ, ꓟ ꓟꓬꓱꓽ ꓐꓰ ꓘꓴ ꓜꓲꓼ ꓞꓳ ꓚꓱ, ꓔꓯ ꓧꓳꓽ ꓣꓱ ꓠ, ꓟ ꓙꓵꓽ ꓪ ꓙꓳˍ ꓢꓴ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓣꓱ ꓛꓲ ꓡꓯꓼ ꓫꓴ ꓘꓳ ꓣꓴ ꓟꓶ ꓢꓴ ꓥ ꓡꓳ꓿ ꓔꓲꓺ ꓒ ꓓꓽ ꓟꓲ‐ꓢ ꓔꓲ ꓖꓶ ꓟ ꓙꓵ, ꓕꓯ ꓢꓲ‐ꓒ ꓬꓰ‐ꓢꓴ ꓧꓪꓽ ꓖꓳ ꓓꓱꓽ ꓢꓲꓽ ꓫꓬ ꓖꓳ ꓓꓱꓽ ꓔꓯ ꓪꓽ ꓘꓴ ꓔꓲ ꓶꓽ ꓥꓳꓽ ꓙꓱ ꓢꓲ ꓠꓬꓲ ꓙꓲꓺ ꓢꓴ ꓢꓲ ꓤ ꓐꓴ ꓔꓯ ꓖꓶ ꓜꓽ ꓢꓴ ꓟꓲ ꓥ ꓡꓳ꓿

ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓔꓲꓺ ꓒ ꓓꓽ ꓐꓴ ꓠꓬ ꓡꓳ. ꓟꓳ ꓪ ꓓ ꓟ ꓧꓳꓽ ꓪꓴ. ꓟꓴ ꓢꓴ ꓐꓴ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓘꓴ ꓜꓲꓼ ꓞꓳ ꓔꓯ ꓮ ꓕꓯ ꓥ ꓟꓲ ꓡꓳ. ꓙ ꓔ ꓙ ꓟ ꓑꓶ. ꓓꓴ ꓠꓬꓲ. ꓠꓬꓲ ꓗꓪ ꓛꓲ ꓜꓶ. ꓛ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓡꓰ ꓟꓲ‐ꓢ ꓔꓲ ꓖꓶ ꓕꓯ ꓢꓲꓺ ꓒ ꓬꓰ‐ꓢꓴ ꓚꓲ ꓚꓲ ꓔꓬ ꓟ ꓥ ꓡꓳ꓿ ꓟꓲ‐ꓢ ꓔꓲ ꓖꓶ ꓓꓴ ꓟꓽ ꓙꓳ ꓟ ꓗꓪ ꓚꓬꓴ ꓙ ꓟ ꓣꓱ ꓚꓰ ꓟꓽ ꓙꓳˍ ꓟ ꓥ ꓡꓳ꓿ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓠꓯ, ꓗꓪ ꓢꓲꓺ ꓒ ꓬꓰ‐ꓢꓴ ꓚꓲ ꓚꓲ ꓔꓬ ꓟ ꓔꓯ ꓝꓲ ꓓꓴ ꓐꓴ ꓗꓪ ꓐꓰ ꓟ. ꓖꓶ ꓟ ꓪꓽ ꓘꓴ ꓘꓶꓽ ꓟꓲ‐ꓢ ꓔꓲ ꓖꓶ ꓟ ꓗꓪ ꓡꓳ. ꓟꓳ ꓪ ꓡꓳ꓿

ꓢꓲ‐ꓒ ꓬꓰ‐ꓢꓴ ꓠꓬ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓢꓲꓽ ꓫꓬ ꓠ, ꓟ (Confirmation) ꓐꓯˍ ꓟ ꓢ‐ꓗ‐ꓟꓲ‐ꓔꓴ ꓣꓱ ꓛꓲ ꓡꓯꓼ ꓫꓴ ꓖꓶ ꓔ ꓟ ꓥ ꓡꓳ꓿ ꓘꓴ ꓜꓲꓼ ꓞꓳ ꓠꓬ ꓔꓲꓺ ꓒ ꓐꓴ ꓔꓯ ꓶꓽ ꓥꓳꓽ ꓙꓱ ꓖꓶ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓠ, ꓟ ꓢꓯꓼ ꓖꓶ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓘꓴ ꓜꓲꓼ ꓞꓳ ꓗꓪ ꓔꓬ ꓟ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓟꓲ‐ꓢ ꓔꓲ ꓖꓶ ꓟ ꓙꓵ, ꓗꓪ ꓢꓲ ꓡꓲ ꓐꓰ ꓪꓽ ꓘꓴ ꓠ, ꓟ ꓮ ꓕꓯ ꓥ ꓟꓲ ꓟ. ꓖꓶ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓙꓲ‐ꓢꓴ ꓢꓲꓺ ꓤ ꓐꓱ ꓶ ꓟ. ꓖꓶ ꓢꓴ ꓐꓰ ꓠꓵ, ꓠꓲ ꓡꓰ ꓧꓳꓽ ꓣꓱ ꓢꓴ ꓥ ꓡꓳ꓿ ꓘꓴ ꓜꓲꓼ ꓞꓳ ꓗꓪ ꓥ ꓟꓲ ꓪꓴ. ꓟꓴ ꓡ, ꓠ ꓟ ꓚꓱ, ꓔꓯ ꓢꓯꓼ ꓕꓵꓼ ꓢꓴ ꓟꓲ ꓥ ꓡꓳ꓿