ꓔꓲꓺ ꓒ ꓓꓽ ꓐꓴ ꓡꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱꓽ ꓔꓬ ꓟ ꓚꓱ,

ꓔꓲꓺ ꓒ  ꓓꓽ ꓐꓴ ꓡꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱꓽ ꓔꓬ ꓟ ꓚꓱ,

ꓔꓲꓺ ꓒ ꓐꓴ ꓠꓬ ꓔꓲꓺ ꓒ ꓓꓽ ꓔꓯ ꓪꓴ‐ꓢ ꓟꓬꓱꓽ ꓗꓪ ꓬꓰ ꓙ ꓔꓳ, ꓙ ꓢꓴ ꓐꓴ ꓥ ꓡꓳ꓿ ꓔꓲꓺ ꓒ ꓐꓴ ꓠꓬ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓐꓱ ꓶ ꓪꓴ‐ꓢ ꓡꓰ ꓘꓴˍ ꓟ ꓔꓯ ꓘꓳ, ꓣꓴ ꓟꓶ ꓢꓴ ꓐꓴ ꓥ ꓡꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓟꓽ ꓫꓱ, ꓡꓯꓼ ꓘꓳˍ ꓟ ꓟꓬꓱꓽ ꓔꓯ ꓬꓰ ꓔꓬ ꓥ ꓟꓲ ꓔꓲꓺ ꓒ ꓐꓴ ꓬꓰ ꓠꓯˍ ꓟ ꓟꓬꓱꓽ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓬꓰ ꓔꓬ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓙꓲꓺ ꓢꓴ ꓢꓲ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓐꓰ ꓪꓴꓽ ꓟꓴ ꓡ ꓚꓱ, ꓗꓪ ꓬꓰ ꓙ ꓔꓳ, ꓙ ꓠ, ꓟ ꓙꓵꓽ ꓪ ꓙꓳ ꓢꓴ  ꓟꓲ ꓥ ꓡꓳ꓿

ꓔꓲꓺ ꓒ ꓐꓴ ꓠꓬ ꓙꓵ., ꓠꓲ ꓚꓱ, ꓐꓰ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓠ, ꓟ ꓬꓲ ꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓬꓲ ꓔꓶ. ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓔꓯ ꓬꓰ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓙꓲꓺ ꓢꓴ ꓢꓲ ꓤ ꓐꓴ ꓐꓱ ꓶ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓱ ꓞ ꓔꓬ ꓟ ꓐꓰ ꓦ ꓕꓲꓽ ꓒꓳ, ꓗꓪ ꓪꓴ‐ꓢ ꓐꓯ ꓘꓶꓽ ꓔꓯ ꓥ ꓟꓲ ꓟ. ꓖꓶ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓔꓲꓺ ꓒ ꓐꓴ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓬꓲ. ꓔꓶ. ꓗꓪ ꓣꓱꓽ ꓞ, ꓟ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓔꓲꓺ ꓒ ꓓꓽ ꓠꓬ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓐꓴ ꓔꓯ ꓠꓵ ꓠꓲ, ꓗꓪ ꓐꓰ ꓞꓳ ꓒꓵꓽ ꓠ, ꓟ ꓮ ꓕꓯ ꓥ ꓟꓲ ꓢꓯꓼ ꓖꓶ ꓠ, ꓟ ꓙꓵꓽ ꓪ ꓙꓳˍ ꓡꓳ꓿

ꓔꓲꓺ ꓒ ꓐꓴ ꓠꓬ ꓙꓲꓺ ꓢꓴ ꓢꓲ ꓤ ꓐꓴ ꓔꓯ ꓮ ꓕꓯ ꓥ ꓟꓲ ꓠꓵ ꓠꓲ, ꓗꓪ ꓐꓰ  ꓧꓳꓽ ꓣꓱꓽ ꓢꓲ ꓠꓬꓲ ꓮ‐ꓐ ꓕꓲ ꓣꓳ ꓡꓰ ꓐꓰ ꓬꓰ ꓙ ꓔꓳ ꓙ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓥ ꓡꓳ꓿ ꓔꓲꓺ ꓒ ꓐꓴ ꓠꓬ ꓟꓲ ꓠꓯ ꓡ ꓞꓳ ꓮ ꓙꓵꓽ ꓐꓱ ꓶ ꓪꓴꓽ ꓟꓴ ꓡ ꓚꓱ, ꓗꓪ ꓦ ꓡꓱ ꓢꓴ ꓐꓰ ꓟꓽ ꓦ ꓡꓱ ꓢꓴ ꓐꓴ ꓮ ꓙꓵ ꓐꓱ ꓶ ꓢꓷ. ꓠꓲ, ꓖꓶ꓾ ꓬꓰ ꓙ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓔꓲꓺ ꓒ ꓐꓴ ꓠꓬ ꓙꓲꓺ ꓢꓴ ꓢꓲ ꓤ ꓐꓴ ꓪꓽ ꓡꓯꓼ ꓘꓳ ꓫꓱ, ꓡꓯꓼ ꓘꓳ ꓠ, ꓟ ꓢꓯꓼ ꓖꓶ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓥ ꓡꓳ꓿