ꓔꓲꓺ ꓒ ꓓꓽ ꓐꓴ ꓡꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓚꓱ,

ꓔꓲꓺ ꓒ ꓓꓽ ꓐꓴ ꓡꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓚꓱ,

ꓔꓲꓺ ꓒ ꓓꓽ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓐꓰ ꓬꓲ. ꓔꓯ ꓙꓵꓽ ꓪ ꓖꓶ ꓔ ꓟ ꓗꓪ ꓔꓬ ꓟ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓧꓳꓽ ꓣꓱ ꓠ, ꓟ ꓙꓵꓽ ꓪ ꓙꓳˍ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓘꓳ, ꓣꓴ ꓟꓶ ꓟ ꓙꓵꓽ ꓪ ꓔꓯ ꓘꓴ ꓜꓲꓼ ꓞꓳ ꓐꓱ ꓶ ꓔꓱ ꓛꓵ_  ꓟ ꓐꓰ ꓠꓵ ꓠꓲ, ꓗꓪ ꓐꓰ ꓧꓳꓽ ꓣꓱ ꓠ, ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ ꓡꓰ ꓐꓰ ꓧꓳꓽ ꓣꓱ ꓢꓴ ꓬꓰ ꓠꓲ, ꓫꓵ ꓢꓴ ꓠꓬ ꓣꓱ ꓙ ꓢꓴ ꓬꓰ ꓠꓯ, ꓡꓳ ꓐꓯ ꓖꓶ ꓔ ꓡꓳ꓿ ꓔꓲꓺ ꓒ ꓓꓽ ꓠꓬ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓡ ꓚꓱ, ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓗꓪ ꓧꓳꓽ ꓣꓱ ꓠ, ꓟ ꓙꓵꓽ ꓪ ꓙꓳˍ ꓡꓳ꓿

ꓔꓲꓺ ꓒ ꓓꓽ ꓙꓵꓽ_ ꓟ ꓬꓲ. ꓓꓶ. ꓗꓪ ꓙꓵꓽ ꓗ ꓛ_ ꓢꓲ ꓠꓬꓲ ꓙꓲꓻ ꓟ ꓟꓬꓱꓽ ꓧꓳꓽ ꓣꓱ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓙꓲꓻ ꓟ ꓮ. ꓣꓳ ꓡꓳ. ꓒꓽ ꓠꓬ ꓚꓲ ꓛꓬ ꓢꓯꓼ ꓟꓬ ꓖꓶꓽ ꓐꓽ ꓡ ꓢꓴ ꓥ ꓡꓳ ꓐꓰ ꓢꓲ ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓡꓳ꓿ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓟ ꓙꓵ, ꓗꓪ ꓮ ꓕꓯ ꓥ ꓟꓲ ꓬꓰ ꓙ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓔꓲꓺ ꓒ ꓓꓽ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓥ ꓟꓲ ꓟ. ꓖꓶ ꓢꓴ ꓥ ꓡꓳ꓿

ꓝꓲ ꓓꓴ ꓒꓳ‐ꓡꓳ ꓡꓰ ꓐꓰ ꓕꓲꓽ ꓟꓵꓽ ꓡꓰ ꓕꓲꓽ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓠ, ꓟ ꓙꓰ ꓢꓴ ꓟꓲ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓐꓰ ꓟ. ꓒꓽ ꓟ. ꓟ ꓐꓴ ꓔꓯ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓠ, ꓟ ꓬꓰ ꓠ, ꓟ ꓙꓵꓽ ꓪ ꓙꓳˍ ꓢꓴ ꓥ ꓡꓳ꓿