ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ,

 ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2)  ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ,

ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓙꓵ, ꓗꓪ ꓘꓴ ꓜꓲꓼ ꓞꓳ ꓠꓬ ꓪꓴꓽ ꓟꓴ ꓡ ꓚꓱ, ꓮ ꓟꓬ ꓙꓳ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ USA ꓗꓴꓷꓼ ꓗꓪ ꓛꓳ ꓡꓰ ꓟ ꓙꓵ, ꓗꓪ ꓔꓲꓺ ꓒ ꓪ ꓔꓲ ꓢꓷ. ꓙ ꓟꓳ ꓙ ꓟ ꓠꓬ ꓤ ꓠꓱ ꓤ ꓬꓲ ꓟ, ꓟ ꓦꓰꓼ ꓟ ꓘꓴ ꓗꓪ ꓙꓳ ꓟ ꓙꓵ, ꓗꓪ ꓐꓰ ꓢꓲꓽ ꓫꓬ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ (Theology of the Body ) ꓐꓯ ꓟ ꓪꓴ‐ꓢ ꓟ. ꓟꓲꓽ ꓔꓯ ꓥ ꓟꓲ ꓐꓳ ꓖꓶ ꓗꓷꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓡ ꓞꓳ ꓮ ꓘꓶꓽ ꓒꓴ ꓟ ꓟꓲ ꓓꓳꓽ ꓙꓳ ꓟ ꓚꓱ, ꓮ ꓟꓬ ꓫꓵꓽ ꓔꓯ ꓕꓳ ꓶ ꓐꓳ ꓖꓶ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓢꓲ ꓡꓰ ꓟꓶ ꓠ, ꓟ ꓮ ꓟꓬ, ꓢꓯꓼ ꓕꓵꓼ ꓢꓴ ꓥ ꓡꓳ꓿

1979 ꓘꓳꓼ ꓕꓯ Ireland ꓗꓴꓷꓼ ꓗꓪ ꓚꓳ ꓬꓰ ꓟ ꓙꓵ, ꓗꓪ ꓑ ꓫꓬ 2 ꓫꓬ, ꓣꓳ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓟ ꓫ. ꓕꓱ ꓘꓶꓼ ꓠꓬ ꓠꓴ ꓪ ꓔꓯ ꓥꓪ ꓫ. ꓕꓱ ꓠꓲ ꓫꓵ. ꓟ ꓠꓬ ꓟꓲ ꓠꓯ ꓢꓲ ꓡꓰ ꓠ, ꓟ ꓐꓱ ꓶ ꓢꓰꓼ ꓡꓯ ꓘꓳ ꓚꓱ, ꓔꓯ ꓠꓽ ꓡꓰ ꓠ, ꓟ ꓐꓰ ꓟꓲ ꓠꓯ ꓡ ꓞꓳ ꓔꓯ ꓠꓲ ꓠꓵ ꓠ, ꓟ ꓐꓯ ꓟ ꓖꓶ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓙꓵꓽ ꓚꓱ, ꓗꓪ ꓟꓲ ꓠꓯ ꓢꓲ ꓡꓰ ꓓꓴ ꓬꓰ ꓠ, ꓟ ꓐꓯ ꓖꓶ ꓡꓳ꓿