Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Clement ꓠꓬ France ꓗꓴꓷꓼ Avignon ꓡꓳ ꓒꓱ ꓗꓪ ꓔꓬ ꓬꓰ ꓟ ꓚꓱꓹ
#rvalisu #creditphoto #Pope clement of avignon #church historyThursday, January 28, 2021
ꓔꓲꓺ ꓒ ꓪ ꓔꓲ Clement ꓠꓬ France ꓗꓴꓷꓼ Avignon ꓡꓳ ꓒꓱ ꓗꓪ ꓔꓬ ꓬꓰ ꓟ ꓚꓱꓹ
ꓢꓲ ꓒ ꓬꓰ-ꓢꓴ ꓠꓬ ꓬꓲ ꓡꓰ ꓔꓶ ꓔ ꓟ ꓘꓴ-ꓜꓲ-ꓞꓳ ꓔꓯ ꓝꓲ ꓓꓴ ꓒꓲ-ꓕꓱ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓙꓵꓽ ꓪ ꓖꓶ ꓗꓷ ꓟ ꓥ ꓡꓳ= ꓝꓲ ꓓꓴ ꓒꓲ-ꓕꓱ ꓢꓲ ꓒ ꓬꓰ-ꓢꓴ ꓡꓰ ꓙꓵꓽ ꓪ ꓖꓶˍ ꓟ ꓬꓰ ꓔꓶꓸ ꓠꓬ ꓣꓳ-ꓟ ꓡꓳ ꓒꓱ ꓗꓪ ꓥ ꓡꓳ= ꓝꓲ ꓓꓴ ꓒꓲ-ꓕꓱ ꓗꓪ ꓐꓰ ꓝꓸ ꓢꓲ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓲꓺ ꓒ ꓪ-ꓔꓲ ꓐꓴ ꓔꓯ ꓣꓳ-ꓟ ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓐꓴ ꓡꓰ ꓮꓽ ꓟꓬꓹ ꓫꓵꓽ ꓪꓴ ꓖꓶˍ ꓟ ꓪꓴꓸ ꓠꓬꓲ ꓣꓳ-ꓟ ꓡꓳ ꓒꓱ ꓗꓪ ꓐꓰ ꓠꓱꓸ ꓐꓯꓼ ꓗꓴꓷꓼ ꓗꓪ AD 1305 ꓘꓳꓼ ꓕꓯ ꓔꓬ ꓬꓰ ꓟ ꓥ ꓡꓳ= ꓔꓲꓺ ꓒ ꓪ ꓔꓲ ꓐꓴ ꓣꓳ-ꓟ ꓗꓴꓷꓼ ꓗꓪ ꓔꓬ ꓕꓯ ꓣꓳ-ꓟ ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓐꓴ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓢꓰꓼˍ ꓟ ꓪꓴꓸ ꓠꓬꓲ ꓠꓱꓸ ꓐꓯꓼ ꓗꓴꓷꓼ ꓗꓪ ꓔꓬ ꓢꓲ ꓠꓬꓲ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ=
AD 1305 ꓘꓳꓼ ꓕꓯ ꓣꓳ-ꓟ ꓗꓴꓷꓼ ꓗꓪ ꓮꓽ ꓟꓬꓹ ꓫꓵꓽ ꓪꓴ ꓟꓬꓽˍ ꓟ ꓪꓴꓸ ꓠꓬꓲ꓾ ꓔꓲꓺ ꓒ ꓪ ꓔꓲ Clement ꓠꓬ France ꓗꓴꓷꓼ Avignon ꓡꓳ ꓒꓱ ꓗꓪ ꓔꓬ ꓬꓰ ꓟ ꓥ ꓡꓳ=ꓔꓲꓺ ꓒ ꓪ ꓔꓲ Clement ꓠꓬ Avignon ꓡꓳ ꓒꓱ ꓗꓪ 70 ꓘꓳꓼ ꓔꓬ ꓬꓰ ꓟ ꓥ ꓡꓳ= ꓔꓲꓺ ꓒ ꓪ ꓔꓲ Clement ꓠꓬ France ꓗꓴꓷꓼ ꓗꓪ ꓔꓬ ꓬꓰ ꓟ ꓙꓵꓹ ꓗꓪ ꓗꓴꓷꓼ ꓙꓵꓽ ꓢꓴ ꓪ ꓔꓲ ꓠꓬ ꓘꓴ-ꓜꓲ-ꓞꓳ ꓔꓯ ꓪ ꓔꓲ ꓡꓰ ꓫꓵꓽ ꓪꓴ ꓖꓶ ꓟ ꓥ ꓡꓳ= ꓔꓲꓺ ꓒ ꓪ ꓔꓲ Clement ꓠꓬ ꓮꓽ ꓟꓬꓹ ꓫꓸ ꓓꓴ ꓔꓳꓹ ꓜꓳꓽ ꓗꓷ ꓪ= AD 1311 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Clement ꓠꓬ ꓘꓴ-ꓜꓲ-ꓞꓳ ꓔꓯ ꓫꓬꓹ ꓑꓱ ꓠꓹ ꓟ ꓐꓰ Palestine ꓗꓴꓷꓼ ꓔꓯ ꓬꓰ ꓙ ꓠꓹ ꓟ ꓐꓰ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓔꓯ ꓗꓽ ꓕꓸ ꓠꓹ ꓟ ꓜꓴ ꓒꓴ ꓠꓹ ꓟ ꓮꓽ ꓟꓬꓹ ꓓꓵꓽ ꓙ ꓥˍ ꓟꓲ ꓔꓲꓺ ꓒ ꓓ ꓐꓴ ꓠꓬ ꓟꓽ ꓘꓳꓹ ꓣꓴ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓖꓪ ꓙꓱꓻ ꓜꓲꓼ ꓓꓴ ꓔꓯ ꓠꓽ ꓗꓷ ꓪ=
Subscribe
Sign up to our newsletter and get latest news and updates straight to your inbox!
Download RVA App
Add new comment